«Manchester Siti» hujumchisi Erling Holand Championat.Asia portaliga bergan intervyusida jamoadoshi Abduqodir Husanov ingliz tilini o‘rganib olganini aytdi.
«Biz bir-birimiz bilan ingliz tilida muloqot qilamiz. Husa juda yaxshi yigit, u o‘sishni davom ettirishi va qaysi darajadagi futbolchi ekanini isbotlab qo‘yishi kerak», – dedi Holand.
U, shuningdek, Husanov kelajakda «shaharliklar»ga kerak bo‘lishini va o‘zbek futbolchisi yanada mehnat qilishi zarurligini qo‘shimcha qildi. O‘z navbatida, «Manchester Siti» bosh murabbiyi Pep Gvardiola Husanov ingliz tilini tobora yaxshi o‘zlashtirayotganini ta’kidladi.
Sport portal Sofascore Husanovning Norvegiyaga qarshi o‘yindagi o‘yinini o‘nlik tizim bo‘yicha 6,2 ball bilan baholadi.
Avvalroq, Yevropa Chempionlar ligasining 7-turida «Manchester Siti» safarda Norvegiyaning «Budyo-Glimt» klubiga yirik hisobda imkoniyatni boy bergan edi. Husanov o‘yinda to‘liq ishtirok etdi.
«Umuman olganda, o‘yinni yomon deb bo‘lmaydi, biroq raqib juda yaxshi himoyalandi. Ularning tez hujumga o‘tishlari, uzoq paslar bilan o‘ynashi va ayniqsa, qanotlardagi harakatlari bizga jiddiy qiyinchiliklar tug‘dirdi», – dedi Gvardiola o‘yindan keyin.
Eslatib o‘tamiz, Abduqodir Husanov 2025-yilgi Osiyoning eng yaxshi yosh futbolchisi deb topilgan edi.
