Xokkey boʻyicha Oʻzbekiston oʻsmirlar terma jamoasi IIHF jahon chempionatining IIIA divizionida chempionlikni qoʻlga kiritdi. Terma jamoa forvardi Timur Tillaxodjayev musobaqa davomida 9 ta gol urib, jamoaning asosiy yetakchilaridan biriga aylandi. Sportchi Kursiv Uzbekistan jurnalistiga bergan intervyusida musobaqadagi ishtiroki va taassurotlari haqida soʻzlab berdi.
— Final hushtagidan soʻng nimani his qildingiz va turnir oldidan jamoa divizionda gʻalaba qozonishini kutganmidingiz?
— Uchrashuv tugagandan soʻng aql bovar qilmaydigan hissiyotlar boʻldi. Biz katta ish qilganimizni va murakkab yoʻlni bosib oʻtganimizni angladik. Turnir oldidan jamoa ichida oʻz kuchimizga ishonch bor edi, chunki biz yaxshi tayyorgarlik koʻrgan edik va yuqori natijaga erisha olishimizga ishondik.
— Siz toʻqqizta shayba urdingiz. Shaxsiy statistika siz uchun qanchalik muhim?
— Ha, maʼlum miqdorda gol urishni maqsad qilmaganman, Lekin asosiysi jamoaning gʻalaba qozonishga yordam berish. Koʻplab shaybalarim sheriklarimizning yaxshi uzatmalari va jamoaviy ishimiz natijasi boʻldi.
— Jamoa beshta oʻyinning barchasida gʻalaba qozondi. Bunday natijaning asosiy siri nimada?
— Menimcha, hamma gap jamoaviy oʻyinda. Har bir oʻyinchi oʻz vazifasini tushunib, murabbiyning koʻrsatmasini bajardi. Biz bir-birimizni qoʻllab-quvvatladik va imkon qadar intizomli oʻynashga harakat qildik.
— Eng qiyin oʻyin qaysi boʻldi?
— Eng ogʻiri Turkiyaga qarshi oʻyin boʻldi. Oʻyin juda shiddatli kechdi va qoʻshimcha boʻlimlargacha yetib bordi. Bunday uchrashuvlar har doim maksimal konsentratsiyani talab qiladi.
— Jamoadagi muhit va sheriklarning qoʻllab-quvvatlashi qanchalik muhim?
— Bu asosiy omillardan biri. Bizda ajoyib muhit boʻldi, bir-birimizni qoʻllab-quvvatladik va bir jamoa boʻlib oʻynashga harakat qildik. Bunday jipslik yaxshiroq natija koʻrsatishga yordam beradi.
— Murabbiy jamoaning gʻalabadan keyingi oʻyinini qanday baholadi va «Humo»dagi oʻyin tajribasi qanchalik yordam berdi?
— Murabbiy jamoaga xarakteri va fidoyiligi uchun minnatdorchilik bildirdi. U ushbu gʻalabada har bir sportchining hissasi bor ekanligini taʼkidladi. «Humo»dagi tajriba ham yordam berdi, chunki klubda yuqori darajadagi mashgʻulotlar va yaxshi tayyorgarlik bor.
— Ushbu gʻalaba Oʻzbekistonda xokkey rivoji uchun qanchalik muhim va muxlislarga nima demoqchisiz?
— Oʻylaymanki, bu gʻalaba mamlakatimizda xokkeyni rivojlantirish uchun juda muhim. Bu bizda xokkey rivojlanayotganini va natijalarga erisha olishimizni koʻrsatdi. Qoʻllab-quvvatlagan muxlislarga minnatdorchilik bildirmoqchiman. Biz buni uzoqdan ham his qildik va bu gʻalaba butun mamlakatimizni hisoblanadi.
Avvalroq Kursiv Uzbekistan Oʻzbekiston U 18 xokkey boʻyicha jahon chempionatida magʻlubiyatsiz gʻalaba qozongani haqida yozgan edi.
