Toshkentdagi Hilton mehmonxonasida O‘zbekiston futzal federatsiyasi va ispaniyalik mutaxassis Xose Mariya Mendes o‘rtasida rasmiy shartnoma imzolandi. Tadbir davomida u milliy terma jamoaning yangi bosh murabbiyi sifatida ommaga tanishtirildi.
Matbuot anjumanida O‘zbekiston futzal federatsiyasi rahbari Bekzod Mamatqulov, O‘zbekiston professional futbol ligasi rahbari Diyor Imomxo‘jayev hamda ommaviy axborot vositalari vakillari ishtirok etdi.
Ma’lumot uchun, Xose Mariya Pazos Mendes 1974-yil 28-mart kuni Ispaniyaning Lugo shahrida dunyoga kelgan. Yoshligida darvozabon sifatida futzalni boshlagan murabbiy 22 yoshda futzalchilik faoliyatini yakunlagan. Murabbiylik faoliyati davomida Tayland, Vyetnam, O‘zbekiston U-18 va O‘zbekiston terma jamoalarida ishlagan.
Ispaniyalik mutaxassis birinchi marta 2011–2012 yillarda ikkinchi marta esa 2014–2017 yillar O‘zbekiston terma jamoasida ishlagan. Xose Mariya Mendes boshqaruvida eng yaxshi natija 2016-yilgi Osiyo kubogida kumush medal hisoblanadi.
Avvalroq Kursiv Uzbekistan Futzal bo‘yicha Osiyo kubogida O‘zbekiston Avstraliya ustidan irodali g‘alabaga erishgani haqida xabar bergan edi.
