Volkswagen kompaniyasi Xitoyda yangi Volswagen ID. Unyx 08 modelini taqdim etdi. Ushbu krossover Xpeng bilan hamkorlikdagi ilk ommaviy model bo‘ldi.
Avtomobil 3 xil versiyada taklif qilinadi. Narxlar $33,3 mingdan boshlanib, $42 minggacha yetadi. Avvalroq u $34,7 mingdan oldindan buyurtmaga qo‘yilgan edi. Uning dizayni yangi uslubda yaratilgan. Old qismida 400 dan ortiq LED elementlar mavjud. Ular turli yoritish effektlarini qo‘llab-quvvatlaydi. Kuzov uzunligi 5 metrga yaqin bo‘lib, g‘ildirak bazasi 3 030 mmni tashkil etadi.
Ichki qismi
Salon ichida zamonaviy texnologiyalar qo‘llangan. 10,25 dyuymli panel va ikkita 14,96 dyuymli ekran mavjud. Tizim Qualcomm chipi asosida ishlaydi. Sun’iy intellekt yordamchisi esa Baidu modeliga tayangan. Mashina 5 o‘rindiqli bo‘lib, bagaj hajmi 766 litrni tashkil etadi. O‘rindiqlar buklanganda bu ko‘rsatkich 1 845 litrgacha oshadi. Old o‘rindiqlar massaj, isitish va ventilyatsiya funksiyalariga ega.
Haydovchiga yordam berish tizimi rivojlangan. Avtomobilda 11 ta kamera, 3 ta radar va 12 ta ultratovush datchiklari mavjud. U L2 darajadagi yarim avtonom haydashni qo‘llab-quvvatlaydi.
Model 800 volt platformada yaratilgan. U orqa g‘ildirakdan tortuvchi va to‘liq tortish tizimida taklif qilinadi. Eng kuchli versiya 496 ot kuchigacha quvvat beradi va 0 dan 100 km/soatgacha 4,9 soniyada chiqadi. Batareya sig‘imi 82 va 95 kVt/soat variantlarda mavjud. Eng katta batareya bilan yurish zaxirasi 730 km gacha yetadi. Tez zaryadlash orqali 5 daqiqada 150 km yo‘l uchun quvvat olish mumkin.
Eslatib o‘tamiz, Kursiv Uzbekistan nashri Volkswagen ID. Era 9X avtomobili oldindan buyurtmaga chiqqani haqida yozgan edi.
