Honor kompaniyasi yangi Honor Magic 9 Pro Max modelini tayyorlamoqda. Bu qurilma ikkita 200 MP kamera bilan taqdim etilishi mumkin.
Kameralardan biri asosiy modul, ikkinchisi esa periskop zoom kamera bo‘ladi. Bu esa uzoq masofadan sifatli suratga olish imkonini oshiradi. Yangi modelda video sifati ham sezilarli yaxshilanadi. Qurilmada kuchli stabilizatsiya tizimi qo‘llanadi. Bu tasvirni yanada silliq qiladi va silkinishni kamaytiradi. Ayniqsa, qorong‘i sharoitda surat va video sifati yaxshilanishi kutilmoqda.
Insayderlarga ko‘ra, Honor bu safar kinomatografiya texnologiyalariga e’tibor qaratmoqda. Kompaniya ARRI bilan hamkorlik qiladi. Ushbu kompaniya kino sanoatida mashhur bo‘lib, professional kameralar va yoritish tizimlarini ishlab chiqadi. ARRI texnologiyalari ranglarni aniq uzatish va tasvir sifatini oshirishga yordam beradi. Shu sababli yangi smartfon videolari kinoga o‘xshash effekt berishi mumkin.
Hozircha bu ma’lumotlar rasman tasdiqlanmagan. Ammo sizdirilgan tafsilotlar yangi flagman bozorda jiddiy raqobat yaratishini ko‘rsatmoqda.
Eslatib o‘tamiz, Kursiv Uzbekistan nashri Honor 600 va 600 Pro modellari qanday texnik xususiyatlarga ega ekanligi haqida yozgan edi.
