Poytaxtda ijara narxlari qariyb 11 foizga oshdi

2026-yil mart oyida Toshkentda ijara narxi har kvadrat metr uchun o‘rtacha $8,9 bo‘ldi. Bu o‘tgan yilga nisbatan 10,8 foizga yuqori.

Iqtisodiy tadqiqotlar va islohotlar markazi ma’lumotiga ko‘ra, mart oyida uy-joy oldi-sotdi bitimlari 43,6 mingtani tashkil etdi. Bu fevralga nisbatan 47 foizga ko‘p.

Faollikning oshishi asosan aprel oyidan kuchga kirgan yangi tartib bilan bog‘liq. Ayrim xaridorlar uy sotib olishni oldinroq amalga oshirgan.

Yillik hisobda ham katta o‘sish kuzatildi. Bitimlar soni o‘tgan yil martiga nisbatan 2 baravar oshgan.

Hududlar kesimida barcha viloyatlarda o‘sish qayd etildi. Eng katta o‘sish Jizzaxda 73,2%, Sirdaryoda 64,6% va Namanganda 63% bo‘ldi. Boshqa hududlarda ham o‘sish 40–50% atrofida.

Umumiy bitimlarning 34 foizi Toshkent shahriga to‘g‘ri kelgan. Poytaxtda savdolar 44 foizga oshib, qariyb 12,8 ming bitim tuzilgan.

Ikkilamchi bozorda narxlar

Ikkilamchi bozorda narxlar mart oyida 0,4 foizga ko‘tarildi. Yillik o‘sish esa o‘rtacha 10 foizni tashkil etdi. Eng katta o‘sish Sirdaryoda 22% bo‘ldi.

Toshkentda narxlar turlicha o‘zgardi. Ikkilamchi bozorda narxlar sekin o‘sdi. Yangi uylar segmentida esa o‘sish tezlashdi.

Ikkilamchi bozorda narxlar yiliga 5 foizga oshdi. Eng yuqori ko‘rsatkich Mirobod, Mirzo Ulug‘bek va Chilonzor tumanlarida qayd etildi.

Toshkentda yangi uy va ijara narxlari

Yangi uylar bozorida esa narxlar 8,8 foizga oshdi. Eng katta o‘sish Mirzo Ulug‘bek, Mirobod va Yunusobod tumanlarida kuzatildi. Xususan, Mirzo Ulug‘bek tumanida — 15,5%, Mirobod tumanida — 14,9% va Yunusobod tumanida — 14,6% darajasida qayd etilgan.

Ijara bozori ham qimmatlashishda davom etdi. Mart oyida Toshkentda ijara narxi har kvadrat metr uchun o‘rtacha $8,9 bo‘ldi. Bu o‘tgan yilga nisbatan 10,8 foizga yuqori.

Eng qimmat ijaralar Mirobod, Shayxontohur, Yakkasaroy va Mirzo Ulug‘bek tumanlarida saqlanib qolgan.

Eslatib o‘tamiz, avvalroq yosh oilalar uchun ipoteka kreditlariga yangi tartib joriy etilishi xabar qilingandi. Unga ko‘ra, 2027-yil 1-yanvardan yosh oilalarga ipoteka kreditlari ajratishning yangi tartibi joriy qilinadi. Kreditlar birlamchi bozordan uy sotib olish uchun beriladi.