Qirg‘izistonda mineral o‘g‘itlar narxi ikki baravarga oshdi

Qirg‘izistonda mineral o‘g‘itlar narxi keskin oshib, ayrim mahsulotlar deyarli ikki baravar qimmatlashdi. Bu haqda deputat Gulay Mashrapova ma’lum qildi.

Uning aytishicha, Qora-Suv tumani agrarlari og‘ir vaziyatga tushib qolgan. So‘nggi haftalarda fermerlar o‘g‘itlar narxining keskin oshgani bo‘yicha ommaviy murojaatlar qilmoqda. Deputat keltirgan raqamlarga ko‘ra, karbamid narxi 28 somdan 56 somgacha (taxminan $0,32 dan $0,64 gacha) oshgan. Ammofos 48 somdan 60 somga (taxminan $0,55 dan $0,69 gacha) qimmatlagan. Azotli o‘g‘itlar esa 17 somdan 38 somga (taxminan $0,19 dan $0,43 gacha) chiqib, ikki baravardan ko‘proq o‘sish qayd etilgan.

Mashrapova ta’kidlashicha, qishloq aholisining daromadi asosan hosilga bog‘liq. Shu sababli o‘g‘it narxining oshishi ular uchun tirikchilik masalasiga aylanmoqda. U mas’ul idoralarni tezkor choralar ko‘rishga chaqirdi.

Avvalroq Sadir Japarov ham vaziyatga izoh bergan edi. Uning so‘zlariga ko‘ra, Rossiya, Qozog‘iston va O‘zbekistondan yetkazib beriladigan o‘g‘itlarga logistika muammolari ta’sir ko‘rsatgan. Bu esa Hormuz bo‘g‘ozi atrofidagi keskin vaziyat bilan bog‘liq.

Prezidentning aytishicha, muammoni hal qilish uchun Xitoy investorlar bilan muzokaralar olib borilgan. Shuningdek, No‘qot tumanida mineral o‘g‘itlar ishlab chiqaruvchi zavod qurilishi boshlangan.

Eslatib o‘tamiz, Kursiv Uzbekistan nashri 2026-yilda xomashyo narxlari keskin oshishi haqida yozgan edi.