Toshkentda gullar festivali qanday o‘tmoqda — fotoreportaj

7–9-may kunlari Toshkent shahri rang-barang gullar bayramiga mezbonlik qiladi. Bu haqda poytaxt hokimligi xabar berdi.

Tashkent Flowers Fest — 2026 festivali Yunusobod tumanidagi O‘zbekiston Milliy kutubxonasi maydonida bo‘lib o‘tadi.

Tadbir har kuni soat 10:00 dan 22:00 gacha davom etadi va barcha tashrif buyuruvchilar uchun kirish bepul bo‘ladi. Festival doirasida turli gullar kompozitsiyalari va ko‘rgazmalar namoyish etiladi.

Shuningdek, mehmonlar uchun taniqli san’atkorlar ishtirokidagi konsert dasturlari, badiiy jamoalar chiqishlari hamda interaktiv ko‘ngilochar tadbirlar tashkil etilishi rejalashtirilgan.

Festival poytaxt aholisi va mehmonlari uchun bahoriy kayfiyat ulashuvchi yirik madaniy tadbirlardan biri bo‘lishi kutilmoqda.

Avvalroq Kursiv Uzbekistan Toshkentlik katoliklar Pasxa bayramini qanday nishonlagani haqida yozgandi.