Notanish kishilar bilan muhim ma’lumotlarni baham ko‘rmang va kun boshida ularga barcha sirlaringizni ochmang. Bu mustaqil ravishda ba’zi ishlar, jumladan, ancha murakkab ishlar bilan shug‘ullanish uchun ajoyib vaqt. Ammo muloqot nuqtayi nazaridan u unchalik yoqimli bo‘lmasligi mumkin, ayniqsa uzoq tushuntirishlarni yoqtirmaydiganlar uchun. Ishda ham, uyda ham ba’zan kelishmovchiliklar kelib chiqadi.
Rejalashtirilmagan xarajatlar bo‘lishi mumkin. Diqqatsizlik va shoshma-shosharlik bilan chiqarilgan qarorlar ko‘ngilsiz moliyaviy yo‘qotishlarga sabab bo‘lishi mumkin. Umuman olganda, kun unchalik yomon emas. Ehtiyotkor bo‘lganlar pullarini yo‘qotmaydi, eng tirishqoqlari esa yangi daromad manbalarini topadi. Quyida burjlar bo‘yicha 20-may uchun munajjimlar bashoratini taqdim etamiz.
Qo‘y (21.03 – 20.04)
Bugun siz ko‘p mehnat qilish yoki bor kuchingizni ishga sarflash kayfiyatida bo‘lmasligingiz mumkin. Dam olishni, kundalik tashvishlardan chalg‘ishni, ilhomlantiruvchi va quvonch keltiruvchi mashg‘ulotlarga o‘tishni xohlash ehtimoli ko‘proq. Sizda buni amalga oshirish imkoniyati paydo bo‘ladi, lekin faqat kunning ikkinchi yarmida. Ana shu baxtli lahzaga yetguningizcha esa bir nechta murakkab vazifalarni hal qilishingiz kerak bo‘ladi.
Muhit moliyaviy masalalarda ehtiyotkorlikni talab qiladi. Yaxshisi, xaridlar, ayniqsa, yirik xaridlar bilan shoshilmaslik, qarzga pul olmaslik yoki o‘zingizni qandaydir jiddiy moliyaviy majburiyatlar bilan bog‘lamaslik kerak.
Buzoq (21.04 – 20.05)
Atrofdagilarning ko‘nglida nima borligini bilish uchun o‘zingizni qiynashingiz yoki ko‘p savollar berishingiz shart emas. Mabodo g‘arazgo‘ylar bilan ish ko‘rishga to‘g‘ri kelsa, ular sizdan yashirishga urinayotgan hamma narsani tezda fahmlab olasiz.
Turli odamlar bilan til topishish qobiliyati ishda juda asqatadi. Aynan uning sharofati bilan bugungi kunda burj vakillari yangi kasbiy istiqbollarni ochadigan yoki tez orada daromadlarini oshirishga yordam beradigan takliflarni oladi. Biznes bilan shug‘ullanayotgan yoki qandaydir loyihalar ustida yolg‘iz ishlayotganlar uchun ham omadli kun bo‘ladi.
Egizaklar (21.05 – 21.06)
Shoshilmaslik kerak. Agar siz izchil harakat qilsangiz, vaziyatni nazorat qilsangiz, o‘z harakatlaringizni tekshirib ko‘rsangiz, shuningdek, yordamchilaringiz nima bilan shug‘ullanayotganini kuzatib borsangiz, ajoyib natijalarga erishish mumkin bo‘lgan kunlardan biri. Ular foydadan ko‘ra ko‘proq zarar keltiradigan tashabbus ko‘rsatishlari xavfi bor. Bu yerda o‘z vaqtida aralashish juda muhim bo‘ladi.
Ba’zilar unutishni afzal ko‘rgan ishlar va vazifalarga qaytishi kerak bo‘ladi. Muzokaralar va ish uchrashuvlari unchalik yoqimli o‘tmasligi mumkin, garchi ularning natijasi umuman olganda yomon bo‘lmasa-da. Agar siz sog‘lom fikrga amal qilsangiz va hissiyotlarga berilmasangiz, hech kim sizni tuzoqqa tushira olmaydi.
Qisqichbaqa (22.06 – 22.07)
Ko‘p narsalar hayratlanarli darajada oson va tez amalga oshadi. Ilgari yo‘l qo‘yilgan ba’zi xatolarni tuzatish, eski ishbilarmonlik aloqalarini tiklash ham ehtimoldan xoli emas. Ehtimol, siz bir vaqtlar birga ishlagan odamlar sizga foydali shartlarda hamkorlik qilishni taklif qilishar yoki daromadni ko‘paytirish yoki martaba zinapoyasidan ko‘tarilish uchun nima qilishingiz mumkinligini aytib berar.
Arslon (23.07 – 22.08)
Bugun qo‘lingizga oladigan har qanday ishga alohida jiddiy yondashishga harakat qiling. Busiz mayda-chuyda ishlarda ham muvaffaqiyat qozonish amrimahol. Siz ilgari tuzgan rejalarni tuzatish kerak bo‘lishi ehtimoldan xoli emas va buning sababi nafaqat o‘zgargan sharoitlar, balki sizning shaxsiy ustuvorliklaringiz biroz boshqacha bo‘lishi ham mumkin.
Moliyaviy kelishmovchiliklarni hal qilish yoki mol-mulk bilan bog‘liq bahsli masalalarni hal qilish uchun ham qulay kun. Siz o‘z manfaatlaringizni himoya qila olasiz va buning uchun hatto ko‘p kuch sarflashga ham hojat qolmaydi, chunki vaziyat umuman olganda sizning foydangizga bo‘ladi.
Parizod (23.08 – 23.09)
Sabr-toqatli bo‘ling, bugun u sizga, albatta, asqatadi. Voqealar siz kutganingizdan sekinroq rivojlanishi, uchrashuvga kelishgan odamlaringiz kechikishi, hujjatlarni rasmiylashtirish esa noma’lum muddatga cho‘zilishi mumkin. Albatta, bularning barchasi sizda quvonch uyg‘otmaydi, lekin siz yuzaga kelgan tanaffusdan o‘z manfaatlaringiz yo‘lida foydalanish yo‘lini topasiz. Bu atrofdagilarga juda yoqadi. Ular hayotga bo‘lgan yondashuvingizni o‘zlashtirishni istaydi va to‘satdan sizni juda diqqat bilan kuzatayotganini sezsangiz, hayron bo‘lmang. Bu yomonlikdan emas, ular shunchaki siringizni oshkor qilmoqchi.
Tarozi (24.09 – 23.10)
Bu ajoyib, g‘ayrioddiy va juda yoqimli voqealar sodir bo‘lishi mumkin bo‘lgan kunlardan biri. Ha, hamma narsa siz kutgandek bo‘lmaydi va ehtimol, ba’zi rejalarni o‘zgartirishga to‘g‘ri keladi. Ammo siz bu faqat yaxshilik uchun ekanligini darhol tushunasiz va arzimas narsalar uchun tashvishlanmaysiz.
Xaridlar, jumladan, rejalashtirilmagan xaridlar uchun yomon kun emas. Qanchalik yoqimli mayda-chuyda narsalar ko‘zga tashlanmasin, siz ularga pul sarflash vasvasasiga berilmaysiz. Agar chindan ham foydali narsa uchrab qolsa, uni darhol sotib olasiz.
Chayon (24.10 – 22.11)
Har qanday uchrashuvni kunning birinchi yarmiga rejalashtirish kerak. Bu ishbilarmonlik muzokaralari, do‘stlar bilan muloqot va hatto romantik uchrashuvlarga ham tegishli. Aynan shu paytda sizga odamlar bilan til topishishgina emas, balki ularning eng nozik va chuqur kechinmalarini tushunish, ba’zan esa yashirin istaklari va yashirin fikrlarini payqash ham oson kechadi. Biroq kunning qolgan qismi ham yomon bo‘lmaydi, lekin bunday o‘zaro tushunishga erishish baribir qiyinroq bo‘ladi.
O‘qotar (23.11 – 21.12)
Kuningiz yaxshi boshlanadi. Uzoq vaqt sizga tinchlik bermagan yoki yaqinlaringizni tashvishga solgan masalalarni hal qilish uchun bundan foydalanishingiz kerak. Hozir hammasi yaxshi bo‘lishi ehtimoli katta. To‘g‘ri, buning uchun biroz kuch sarflashga to‘g‘ri keladi, lekin siz natijadan to‘liq mamnun bo‘lasiz.
Kunning ikkinchi yarmida qandaydir moliyaviy qiyinchiliklar yuzaga kelishi, ishdagi kelishmovchiliklar esa boshlangan ishni o‘z vaqtida yakunlashga xalaqit berishi ehtimoldan xoli emas. Uyda hammasi ancha tinch bo‘ladi. Ammo ba’zilarga yaqinlarining tushunishi yetishmasligi mumkin.
Tog‘ echkisi (22.12 – 20.01)
Diqqatni va tafsilotlarga e’tiborni talab qiladigan ishni bajarishga shoshilmang. Kunning birinchi yarmida to‘g‘ri kayfiyatda bo‘lish juda qiyin bo‘ladi, shuning uchun xatolar, qandaydir mayda noxush xatolar qilish ehtimoli yuqori. O‘zingizga biroz vaqt bering, oddiyroq narsadan boshlang, kun o‘rtasiga yaqin esa murakkabroq vazifalarni hal qilishga kirishishingiz mumkin.
Moliyaviy jihatdan bu kun unchalik yaxshi emas. Odatingizga xilof ravishda isrofgarchilikka moyil bo‘lasiz, shuning uchun pulni keraksiz narsalarga ham, juda qimmat o‘yin-kulgilarga ham, umuman, bemalol yashay oladigan narsalarga ham sarflashingiz mumkin.
Qovg‘a (21.01 – 18.02)
Jiddiy qarorlar qabul qilishga shoshilmaslik kerak. Kunning birinchi yarmida ko‘plab qarama-qarshi ma’lumotlar kelib tushadi va hamma narsani tekshirish, vaziyatni tushunish va qanday harakat qilish kerakligi haqida umumiy taassurot hosil qilish uchun sizga biroz vaqt kerak bo‘ladi.
Ammo kutilmagan manbalardan pul tushumlari, sovg‘alar va yoqimli syurprizlar kutilmoqda. Agar sizni kechqurun biror ko‘ngilochar tadbirga taklif qilishsa, rad etmang, u yerda vaqtingizni ajoyib o‘tkazasiz.
Baliq (19.02 – 20.03)
Nima qilmoqchi bo‘lsangiz ham, shoshilmang. Hatto eng oddiy ishlar ham bugun odatdagidan ko‘ra jiddiyroq yondashuvni talab qiladi. Agar siz murakkabroq yoki mutlaqo yangi ish bilan shug‘ullanmoqchi bo‘lsangiz, hamma narsaga tayyorgarlik ko‘rganingizga, voqealar rivojining turli variantlarini ko‘rib chiqqaningizga, barcha zarur ma’lumotlarni to‘plaganingizga va tekshirganingizga ishonch hosil qiling.
Ishbilarmonlik munosabatlarida sinchkovlik bilan yondashish lozim. Bugun atrofingizda har xil odamlar ko‘p bo‘ladi va ba’zi shubhali shaxslar ishonchingizni qozonishga harakat qiladi. Hech kimga sizning yaxshiligingizni suiiste’mol qilishiga yo‘l qo‘ymang, aks holda siz nafaqat ko‘p kuchingizni behuda sarflashingiz, balki juda noxush vaziyatga tushib qolishingiz mumkin.
