«Barselona» futbol klubi tomonidan tashkil qilingan maxsus marosimda jamoaning yosh yulduzi Lamin Yamal va ispaniyalik bloger Ines Garsiya birgalikda ishtirok etishdi. Bu ularning ishqiy munosabatlari haqidagi mish-mishlarni yanada kuchaytirdi.
Avvalroq juftlikni Kataloniyadagi Cupula del Garraf restoranida birga ovqatlanishayotganini payqashgan edi. Ijtimoiy tarmoqlarda tarqalgan lavhalarda Yamal va Garsiya restoranni Yamalning jamoadoshi Fermin Lopez va uning sevgilisi Berta Gallardo bilan birga tark qilishayotgani aks etgan.
Klub marosimi esa nafaqat Yamal, balki «Barselona»ning boshqa yulduzlari uchun ham oilaviy yig‘inga aylandi. Tadbirga Pedri, Kasado, Kubarsi va Gavi kabi yosh iqtidor egalari o‘z juftlari bilan tashrif buyurishdi.
Marosimda tajribali futbolchilar ham ishtirok etdi. Xususan, joriy mavsum yakunida jamoani tark etishini ma’lum qilgan polshalik hujumchi Robert Levandovski, shuningdek, Rafinya, Markos Reshford va Voytsex Shesni kabi futbolchilar ham turmush o‘rtog‘i hamda hamrohlari bilan ko‘rinish berishdi.
Avvalroq Kursiv Uzbekistan Lamin Yamal g‘alaba paradida «Real» muxlislarini kamsitgani haqida xabar bergan edi.
