Qurbon hayiti kuni Toshkentda ayrim yo‘llar yopiladi

27-may kuni Qurbon hayiti namozi o‘qilishi munosabati bilan Toshkentdagi masjidlar yaqinidagi ayrim ko‘chalarda transport harakati vaqtincha cheklanadi. Тоshkent shahar transport bosh boshqarmasiga ko‘ra, cheklovlar soat 00:00 dan 06:30 gacha amal qiladi.

Shu sabab avtobus yo‘nalishlari yondosh ko‘chalar orqali harakatlanadi. Ayrim yo‘nalishlarda qatnov oralig‘i uzayishi mumkin. Yo‘lovchilarga safarlarini oldindan rejalashtirish tavsiya etildi.

t/r	Masjid nomi	Harakat cheklanadigan hudud	Avtobus yo‘nalishlari
1	Tepa masjidi	Mirzo Ulug‘bek tumani, Do‘rmon yo‘li ko‘chasidan Olimlar ko‘chasiga qadar	50
2	Islom ota masjidi	Yashnobod tumani, Farg‘ona yo‘li ko‘chasi ikkinchi darajali yo‘ldan Zarkent va Obishir ko‘chalariga qadar	22, 127
3	Ali ibn Abu Tolib masjidi	Yashnobod tumani, Cho‘lpon ko‘chasidan Salohiyat ko‘chasiga qadar	18, 106, 148
4	Usmon bin Maz’um masjidi	Yakkasaroy tumani, KHAY-Fayzli Toshkent chorrahasidan KHAY-Qushbegi chorrahasigacha	32, 62, 70, 143
5	Shayx Zayniddin (Ko‘kcha) masjidi	Shayxontohur tumani, Ko‘kcha Darvoza-Nurafshon chorrahasidan Ko‘kcha Darvoza Beshqayrag‘och chorrahasiga qadar	8T, 20, 27, 35, 46, 53, 73, 91, 146
6	Hazrati Imom masjidi	Olmazor tumani, Nurafshon-Qorasaroy chorrahasidan Qorasaroy-A.Qodiriy chorrahasiga qadar	42, 43, 109
7	Islomobod masjidi	Olmazor tumani, KHAY-Sag‘bon chorrahasidan Nurafshon-Sag‘bon chorrahasiga qadar	65, 118, 120
8	Do‘stjonboy (Sulola) masjidi	Olmazor tumani, Sag‘bon-12-tor Sag‘bon chorrahasidan Keles yo‘li-Noraztepa chorrahasiga qadar	118, 120
9	Mirza Yusuf masjidi	Yunusobod tumani, Bog‘ishamol ko‘chasida Shivli ko‘chasiga qadar	38, 50
10	Abdulloh ibn Mas’ud (Katta Qani) masjidi	Uchtepa tumani, Katta Qani aylanmasidan Lutfiy-Katta Xirmontepa ko‘chasi chorrahasiga qadar	13, 56
11	Hazrati Ali masjidi	Uchtepa tumani, Nazarbek-Mahorat chorrahasidan Nazarbek-1-tor Zamaxshariy ko‘chasigacha	64, 73, 87, 114, 139
12	Novza masjidi	Chilonzor tumani, Bunyodkor-Muqimiy ko‘prigi tagidan 2-darajali yo‘l, Bunyodkor-Kamolon ko‘prigiga qadar	56, 118, 150
13	Shayx Muhammad Sodiq Muhammad Yusuf masjidi	Chilonzor tumani, Al-Xorazmiy-Gavhar chorrahasidan So‘galli ota ko‘chasiga qadar	17T, 98
14	Ubay ibn Ka’b (Bo‘rijar) masjidi	Chilonzor tumani, Al-Xorazmiy-Katta Xirmontepa chorrahasidan, Al-Xorazmiy ko‘chasi bo‘ylab, Al-Xorazmiy-Katta Qani chorrahasiga qadar	17T, 98
15	Katta Qozirobod masjidi	Chilonzor tumani, Chilonzor ko‘chasi	18, 77, 80, 103, 135
16	O‘nqo‘rg‘on jome masjidi	Qibray tumani, A.Ustaboboyev ko`chasi, O’nqo’rg’on MFY	3
17	Bo‘ta buva jome masjidi	Chilonzor tumani, Beshqo‘rg‘on ko‘chasi	161
18	Mirxalil xoji masjidi	Toshkent tumani, Bobur ko‘chasi	65
19	Umar Ibn Xattob masjidi	Yunusobod tumani, Bog‘iravon ko‘chasi	35, 78
20	Yunusobod Oq-tepa masjidi	Yunusobod tumani, Chinobod ko‘chasi	71
21	Eshon Boboxon masjidi	Shayxontohur tumani,, Al-Xorazmiy ko‘chasi	29

Eslatib o‘tamiz, 27-may kuni Toshkentda jamoat transporti soat 04:00 dan ishlaydi.