Yashnoboddagi xonadonlardan birida yong‘in sodir bo‘ldi
eʼlon qilindi
Hodisa oqibatida tan jarohati olganlar yo‘q
Toshkent shahrining Yashnobod tumanida shaxsiy xonadonlardan birida yong‘in sodir bo‘ldi. Bu haqda FVV xabar bermoqda. Hodisa oqibatida tan jarohati olganlar yo‘q.
Toshkent shahar Favqulodda vaziyatlar boshqarmasiga 6-iyun kuni soat 14:13 da yong‘in haqida xabar kelib tushgan. Yong‘in Yashnobod tumani «Bog‘bon» MFY, Xonariq ko‘chasida joylashgan xonadonlardan birida yuz bergan.
Xabarga ko‘ra, qutqaruv ekipajlari soat 14:22 da hodisa joyiga yetib borgan. Yong‘in soat 14:31 da qurshab olingan va soat 14:37 da to‘liq o‘chirilgan.
Hozirda yong‘in sababi va yetkazilgan zarar miqdori aniqlanmoqda.
Eslatib o‘tamiz, Kursiv Uzbekistan nashri Dehlidagi mehmonxonada chiqqan yong‘in 21 kishining umriga zomin bo‘lgani haqida yozgan edi.
