Xiaomi YU7 GT uchun ishlab chiqilgan poyga trassasi algoritmlari seriyali avtomobillarga bosqichma-bosqich joriy etiladi. Bu haqda CarNewsChina nashri xabar bermoqda.
Kompaniya ushbu texnologiyalarni kundalik yo‘llarda kutilmagan xavfli holatlarga avtomatik javob berish tizimlarini rivojlantirish uchun sinovdan o‘tkazmoqda.
Xiaomi bosh direktoriga ko‘ra, YU7 GT algoritmlari Nyurburgring Nordshlyayfe trassasidagi 73 burilishda tekshirilmoqda. XLA dasturiy platformasi shinalarning yo‘l bilan tutashuvi, sirpanish burchagi va yuqori tezlikdagi barqarorlikni millisekundlar ichida tahlil qiladi.
Tizim gidroplaning, qishki sirpanchiq yo‘l va tortish kuchi yo‘qolishi kabi holatlarda avtomobilni barqaror ushlab turishga qaratilgan. Trassada olingan ma’lumotlar keyinchalik ommaviy ishlab chiqariladigan Xiaomi avtomobillariga dasturiy yangilanish sifatida uzatilishi mumkin.
China EV DataTracker ma’lumotlariga ko‘ra, Xiaomi Auto 2026-yil may oyida Xitoyda 32 759 ta avtomobil yetkazib bergan. Bu aprelga nisbatan 10,7 foizga kam, ammo yillik hisobda 16,9 foizga ko‘p.
Eslatib o‘tamiz, Kursiv Uzbekistan nashri Xiaomi YU7 GT avtomobilining tezligi qandayligi haqida yozgan edi.
