Nima qilsangiz ham, shoshilmaslikka harakat qiling. O‘ylamasdan qilingan xatti-harakatlar, vaziyat ta’sirida qabul qilingan qarorlar, ishning shoshqaloqligi tufayli chala qilingan ishlar, bularning barchasi noxush oqibatlarga olib kelishi mumkin. Bir vazifadan ikkinchisiga xotirjam o‘tib, izchil harakat qiladigan odamlar boshqalarga qaraganda tezroq muvaffaqiyatga erishadi va kamroq xatoga yo‘l qo‘yadi. Quyida burjlar bo‘yicha 26-iyun uchun munajjimlar bashoratini taqdim etamiz.
Qo‘y (21.03 – 20.04)
O‘zing xohlamasang ham harakat qilishing kerak. Katta ehtimol bilan, bugun siz unchalik yoqimli bo‘lmagan ishlar bilan shug‘ullanishingiz kerak bo‘ladi va ularni na keyinga qoldirish, na boshqa birovga topshirish imkoniyati bo‘ladi. Siz buni a’lo darajada uddalaysiz va ajoyib natijalarga erishasiz, ammo bunga ko‘p kuch sarflashga to‘g‘ri keladi.
Ayrimlarga boshqalarning muammolarini hal qilish uchun o‘z rejalarini kechiktirishga to‘g‘ri keladi. Siz bu yerda ham o‘zingizni yaxshi tomondan ko‘rsatasiz, lekin mehnatingiz uchun minnatdorchilik kutmang: agar uni olsangiz ham, bu biroz keyinroq sodir bo‘ladi.
Buzoq (21.04 – 20.05)
Kunning boshlanishi qiyin bo‘ladi, ayniqsa, bu vaqtda biror muhim ish bilan shug‘ullanishni rejalashtirganlar uchun. Qandaydir mayda kechikishlar, achinarli xatolar, omadsiz tasodiflar bo‘lishi mumkin. Bu kichik, ammo ko‘p sonli qiyinchiliklar tufayli asabiylashishingiz mumkin, to‘g‘ri qaror qabul qilish qiyinlashadi.
Yoningizda sizni qo‘llab-quvvatlaydigan va ilhomlantiradigan, ilgari qanday yutuqlarga erishganingizni eslatib turadigan yoki barcha muammolar vaqtinchalik ekanligini aytadigan odam bo‘lsa yaxshi. Bu eski do‘stlaringizdan biri yoki siz yaqinda tanishgan odam bo‘lishi mumkin. Intuitsiyaga tayaning.
Egizaklar (21.05 – 21.06)
Bugun alohida yutuqlarga erishishingiz dargumon, ammo kun tinch va yoqimli o‘tadi. Uzoq vaqt qo‘l tegmagan ishlar bilan shug‘ullanishingiz, ilgari hammani boshi berk ko‘chaga kiritib qo‘ygan masalalarni hal qilishingiz mumkin.
Ko‘plar bugun ayniqsa kuzatuvchan bo‘ladi va boshqalardan qochib ketgan narsalarni payqaydi. Bu burj vakillariga xatolarga yo‘l qo‘ymaslik, uzoq yillik raqiblaridan o‘zib ketish, ishbilarmonlik sohasidagi qandaydir qiziqarli imkoniyatdan boshqalardan oldinroq foydalanish imkonini beradi.
Qisqichbaqa (22.06 – 22.07)
Hamma sizning sabringizni sinab ko‘radi. Hech bo‘lmaganda, kun boshida, boshqalarning iltimoslari, yoqimsiz savollari, tanqidiy mulohazalari va so‘ralmagan maslahatlari oqimi deyarli tugamaydigan paytda shunday tuyuladi. Bu g‘ashga tegishi mumkinligi tushunarli, ammo salbiy his-tuyg‘ularga erk bermaslik muhim. O‘zingizni qo‘lga olish va xotirjamlikni saqlash nafaqat noqulay vaziyatlardan, balki jiddiyroq muammolardan ham qochishga yordam beradi.
Arslon (23.07 – 22.08)
Moliyaviy masalalarni hal qilishga e’tibor qaratish foydali bo‘ladi. Pul bilan bog‘liq barcha masalalarda siz bugun ichki sezgingizga tayanishingiz mumkin: uning maslahatlari to‘g‘ri bo‘ladi. Masalan, qo‘shimcha ish topib, daromadingizni biroz oshirish imkoniyati paydo bo‘lishi ehtimoldan xoli emas. Keraksiz narsalarni sotish uchun ham qulay kun bo‘ladi: yaxshigina pul topish mumkin.
Parizod (23.08 – 23.09)
Kun ko‘p jihatdan omadli bo‘ladi. U ochadigan imkoniyatlardan to‘liq foydalanishni xohlasangiz, haddan tashqari shubhali bo‘lmaslikka, tanbehlardan yashirin ma’no qidirmaslikka va atrofdagilardan ko‘p narsa kutmaslikka harakat qiling. Ba’zilar bugun hamma narsani murakkablashtirishga moyil bo‘ladi va bu burj vakillarining o‘zlariga ham, ularning yaqinlariga ham ba’zi muammolarni keltirib chiqarishi mumkin. Boshqalarga o‘z nuqtayi nazaringizni o‘tkazmaslikka va boshqalarning fikriga quloq solishga harakat qiling, bu ko‘p narsani osonlashtiradi.
Tarozi (24.09 – 23.10)
Bu oson bo‘lmaydi, ammo bugun yo‘lingizda yengib bo‘lmas qiyinchiliklar ham yuzaga kelishi dargumon. Ko‘plar harakat qilsa va yangi tanishlardan yordam so‘rashdan tortinmasa, uzoq vaqtdan beri qo‘yilgan maqsadlariga erishishi mumkin. Umuman olganda, bugun sizga nafaqat mustaqil ishlash, balki boshqalarni jalb qilish va boshqalarning ishini tashkil etish qobiliyati ham juda foydali bo‘ladi. Hamfikrlar jamoasini to‘plash imkoniyati paydo bo‘ladi, ularning qo‘llab-quvvatlashi bilan siz yaqin bir necha hafta ichida muhim maqsadlarga erishishingiz mumkin.
Chayon (24.10 – 22.11)
Ehtiyotkorlik, diqqatni jamlash va tafsilotlarga e’tibor qaratish talab etiladiganlar bugun qiyinchiliklarga duch kelishlari mumkin. Ko‘plar odatdagidan ko‘ra ko‘proq chalg‘ishadi, shuning uchun xato qilish ehtimoli ortadi. Bundan tashqari, atrofdagilar burj vakillarining ishlariga aralashadi, ko‘pincha esa bu juda nomaqbul bo‘lgan paytlarda. Chayonlar esa bunday narsalarga xotirjam munosabatda bo‘ladiganlardan emas, shuning uchun nizolar ham istisno emas.
O‘qotar (23.11 – 21.12)
Tinchlikni saqlash kerak. Sinovdan o‘tishingiz mumkini, shuning uchun bugun birin-ketin murakkab topshiriqlar beriladi. Agar izchillik bilan harakat qilinsa, hamma narsani uddalash mumkin. Atrofda shovqin-suron va tartibsizlik bo‘lishi mumkin, lekin siz umumiy kayfiyatga berilmasligingiz kerak. Aynan sizning qiyin vaziyatlarda ham o‘zingizni yo‘qotib qo‘ymaslik qobiliyatingiz bugun barchaga foydali bo‘ladi. Agar siz to‘satdan jamoa sardori, qandaydir harakat yetakchisi, umumiy ilhomlantiruvchi bo‘lsangiz, ajablanmang.
Tog‘ echkisi (22.12 – 20.01)
Kun qiyinchiliklarsiz boshlanmaydi, ammo xulosa chiqarishga shoshilmang: bu juma hali sizni yoqimli hayratga soladi. Ijobiy tendensiyalarning ta’siri asta-sekin kuchga kiradi. Shuning uchun kerakli kayfiyatda bo‘lmaguningizcha va ularni uddalay olishingizni his qilmaguningizcha muhim ishlarni bajarishga shoshilmang. Uchrashuvlarni ham tushlikdan keyin o‘tkazgan ma’qul, ayniqsa, ish, biznes, karyerangizni rivojlantirishga oid qandaydir jiddiy masalalarni muhokama qilish rejalashtirilgan bo‘lsa.
Qovg‘a (21.01 – 18.02)
Bugun sizda paydo bo‘ladigan g‘oyalar bir qarashda ajoyib tuyulishi mumkin. Ammo ularni tanqidiy baholash va o‘ylaganingizni amalga oshirishdan oldin barcha zaif tomonlarni topishga harakat qilganingiz ma’qul. Agar buni darhol amalga oshirmasangiz, keyinchalik eng noqulay paytda qiyinchiliklar yuzaga kelishi mumkin.
Ilgari tajribasi yordam bergan odamlarning maslahatlari bugun yana asqotadi. Bu nafaqat ishbilarmonlik sohasiga, balki shaxsiy munosabatlarga ham tegishli. Ammo ko‘nglingizdagilarni baham ko‘rishdan oldin, ishonmaydigan odamingiz tasodifan eshitib qolmasligiga ishonch hosil qiling.
Baliq (19.02 – 20.03)
Kunning boshlanishi, ayniqsa, muhim uchrashuvlar kutilayotganlar uchun notinch bo‘ladi. Ilgari sizni yarim gapdan tushunganlar bilan ham chiqishish qiyin bo‘ladi. Ishbilarmonlik muzokaralarida shunchalik jiddiy kelishmovchiliklar yuzaga kelishi mumkinki, muhokamani davom ettirish kerakmi degan savol tug‘iladi.
Ammo taslim bo‘lishga va o‘ylagan narsangizdan voz kechishga shoshilmang. Yaxshi tomonga o‘zgarishlar yaqin. Hozircha esa shoshma-shosharlik qilishdan tiyilish va dushman orttirmaslik, yangi muammolar tug‘dirmaslikka harakat qilish kerak.
