Qaysi hududlarda sel-suv toshqinlari kuzatilishi mumkin
eʼlon qilindi
Jami 63 ta hududda
28-iyun – 3-iyul kunlari respublikaning tog‘ oldi va tog‘li hududlarida sel-suv toshqinlari yuzaga kelishi mumkin. Bu haqda «O‘zgidromet» tezkor ogohlantirish berdi.
Quyida xavf e’lon qilingan hududlar jadval kesimida:
| Viloyat | Sel-suv toshqinlari kuzatilishi mumkin bo‘lgan hududlar |
|---|---|
| Qashqadaryo | Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor |
| Surxondaryo | Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrobot |
| Samarqand | Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon |
| Navoiy | Xatirchi, Navbahor, Nurota, Konimex, Karmana |
| Jizzax | Zomin, Baxmal, G‘allaorol, Sharof Rashidov, Forish, Yangiobod |
| Toshkent | Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlari, Angren va Olmaliq shaharlari |
| Namangan | Pop, Kosonsoy, Chortoq, Chust, Namangan, Yangiqo‘rg‘on |
| Farg‘ona | So‘x, Shohimardon, Farg‘ona, Beshariq |
| Andijon | Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari, Xonabod shahri |
Mutasaddilar tog‘ oldi va tog‘li hududlarda istiqomat qiluvchi fuqarolar, dam oluvchilar hamda ushbu yo‘nalishlarda harakatlanayotgan haydovchilardan ehtiyot choralarini ko‘rishni so‘radi. Shuningdek, respublikaning ayrim hududlarida kuchli yog‘ingarchilik oqibatida yomg‘ir suvlari to‘planib, ayrim joylarni suv bosishi mumkinligi ham qayd etildi.
Eslatib o‘tamiz, avvalroq Baxmaldagi sel oqimi sabab 32 nafar dam oluvchi evakuatsiya qilingan edi.
