Anvar Anvarov Xorvatiyada o‘tkazilgan xalqaro turnirda 8,29 metr natija ko‘rsatib, uzunlikka sakrash bo‘yicha O‘zbekiston rekordini yangiladi. Bu haqda Milliy olimpiya qo‘mitasi xabar berdi.
Xorvatiyaning Zagreb shahrida yengil atletika bo‘yicha xalqaro turnir tashkil qilindi. Unda O‘zbekiston terma jamoasi a’zosi Anvar Anvarov ham qatnashdi. Anvarov musobaqada eng yaxshi natijani qayd etib, oltin medalni qo‘lga kiritdi.
Yangi milliy rekord qayd etildi
Sportchi uzunlikka sakrash bahsida 8,29 metr natija ko‘rsatdi. Bu natija O‘zbekistonning yangi milliy rekordi sifatida qayd etildi.
Avvalgi rekord ham Anvarovga tegishli edi. U o‘tgan yili Finlyandiyada 8,25 metrga sakragan edi.
Kuchli uchlik
Musobaqada birinchi o‘rinni Anvar Anvarov 8,29 metr natija bilan egalladi.
Ikkinchi o‘rinni serbiyalik Luka Boshkovich 8,23 metr natija bilan qo‘lga kiritdi. Uchinchi o‘rin esa yamaykalik Tajey Geylga nasib etdi – uning natijasi 8,18 metrni tashkil qildi.
Eslatib o‘tamiz, avvalroq o‘zbekistonlik shaxmatchilar jahon chempionatida bronza medalini qo‘lga kiritgandi.
