Kunning boshlanishi muloqot uchun qulay. Bu vaqtda hatto har xil odamlar ham o‘zaro norozilik, kelishmovchilik yoki uzoq tortishuvlardan qochib, qandaydir birgalikdagi harakatlar haqida kelishib olishlari mumkin. Ko‘pdan beri arazlashib yurganlar yarashib olishlari ham ehtimoldan xoli emas. Ilgari qaysarlikka moyil bo‘lgan va xato qilishlari mumkinligini istar-istamas tan olgan odamlar bu safar nimadadir nohaq ekanliklarini aytishga tayyor bo‘ladilar va hatto o‘z ayblarini yuvishga harakat qiladi. Quyida burjlar bo‘yicha 7-iyul uchun munajjimlar bashoratini taqdim etamiz.
Qo‘y (21.03 – 20.04)
Kun ko‘plab burj vakillari uchun, birinchi navbatda, kasbiy vazifalarni hal qilishdan boshlaganlar uchun omadli bo‘ladi. Ilgari juda murakkab tuyulgan ishni ham bu safar oson uddalaydi. Sizning ba’zi original g‘oyalaringiz juda foydali bo‘ladi. Shunday ekan, odatiy usullar bilan harakat qilmasdan, yangi narsalarni o‘ylab topishga harakat qilish mumkin. Ehtimol, siz tezda dastlabki yutuqlarga erishasiz, to‘g‘ri yo‘nalishda harakatlanayotganingizni tushunasiz.
Buzoq (21.04 – 20.05)
Ertalabdan optimistik kayfiyatda bo‘lasiz, bunga asos ham yetarli bo‘ladi. Biror yangi ishga qo‘l ursangiz, tezda muvaffaqiyatga erishasiz. Bu nafaqat oddiy, balki jiddiyroq masalalarga ham taalluqli.
Katta miqdordagi pul tushumlari istisno qilinmaydi. Biroq shuni yodda tutish kerakki, gap taqdir sovg‘alari haqida emas, balki siz u yoki bu tarzda ishlab topgan narsalaringiz haqida boradi. O‘zingizning moliyaviy ahvolingizni notanish odamlar bilan muhokama qilmang, chunki bugun atrofingizda unchalik ishonchli shaxslar bo‘lmasligi mumkin. Shuningdek, qarz bermaslik kerak, ayniqsa, qachonlardir sizdan qarz olib, qaytarib bermaganlarga.
Egizaklar (21.05 – 21.06)
Kunning boshlanishi sizni quvontiradi. Undan iloji boricha unumli foydalanishga harakat qiling. Bu hissiy ko‘tarilish davri bo‘lib, sizda ko‘plab yangi qiziqishlar paydo bo‘ladi. Shuningdek, qo‘llab-quvvatlashi foydali bo‘lishi mumkin bo‘lganlar bilan suhbatlashish imkoniyati ham bo‘ladi. Hatto siz ilgari raqobatlashgan odamlar ham sizning tomoningizga o‘tib, g‘oyalaringiz bilan qiziqishi mumkin.
Moliyaviy jihatdan ham, birinchi navbatda, tijorat faoliyati bilan shug‘ullanuvchilar uchun qulay vaqt bo‘ladi. Yangi mijozlar paydo bo‘lishi mumkin, ularning ba’zilari bilan uzoq muddatli hamkorlik haqida kelishib olasiz.
Qisqichbaqa (22.06 – 22.07)
Sizni yaxshi kun kutmoqda, ammo uning boshida bir nechta noxush lahzalarni boshdan kechirishingizga to‘g‘ri keladi. Ehtimol, ish yoki shaxsiy hayotda kutilmaganda yuzaga kelgan jiddiy qiyinchiliklar haqida emas, balki hissiy holatingizdagi o‘zgarishlar haqida gap ketar. Ko‘plar uchun hatto kichik muvaffaqiyatsizliklar ham jiddiy tuyulishi mumkin va agar rejalarni ozgina o‘zgartirish kerak bo‘lsa, burj vakillari jiddiy g‘azablanadi.
Kunning ikkinchi yarmi umuman moliyaviy jihatdan yomon bo‘lmaydi. Biroq ba’zilar tez-tez o‘zlariga olgan pullarini birdaniga sarflamaslik kerakligini eslatishlari kerak bo‘ladi.
Arslon (23.07 – 22.08)
Kunning ko‘p qismi siz uchun qiyin bo‘lishi mumkin va shuni aytish kerakki, bunga qisman o‘zingiz aybdor bo‘lasiz. Amaliyotsizlik yoki vazifaga mas’uliyatsizlik bilan yondashish yomon oqibatlarga olib kelishi mumkin bo‘lgan vaqt keldi. Ko‘plar e’tiborsizlik tufayli ilgari yo‘l qo‘ygan xatolarini tuzatish uchun ko‘p vaqt sarflashga majbur bo‘ladi.
Xarid qilishga shoshilmang, qarz bermang, ayniqsa, yaqinlaringiz so‘ramasa. Afsuski, qarzga olingan pullar o‘z vaqtida sizga qaytib kelmasligi xavfi bor.
Parizod (23.08 – 23.09)
Kun ancha ziddiyatli bo‘ladi. Bir tomondan, bugun burj vakillari o‘zlariga o‘xshamaydi: boshqa vaqtlarda jiddiy bo‘lishga harakat qilgan joylarida yengil qarorlarga moyil bo‘ladi, eski kelishuvlarni unutishi yoki e’tibor talab qiladigan ishlarni darhol bajarish o‘rniga keyinga qoldirishi mumkin.
Bundan tashqari, moliyaviy sohada ham e’tiborsizlik seziladi. Burj vakillari pulni duch kelgan narsaga sarflashmaydi. Ammo majburiy to‘lovlarni o‘z vaqtida to‘lash yoki qarzni qaytarishni unutib qo‘yishi mumkin, bu esa keyinchalik ularni juda noqulay ahvolga solib qo‘yadi.
Tarozi (24.09 – 23.10)
Agar qat’iyat ko‘rsatsangiz, ko‘p ishlarda muvaffaqiyatga erishishingiz mumkin. Siz o‘ylagan hamma narsa ham birdaniga ko‘ngildagidek bo‘lavermaydi, lekin agar boshlagan ishingizdan voz kechmasangiz, to‘siqlarni yengib o‘tish va kerakli natijaga erishish yo‘lini topasiz.
Pul bilan bog‘liq masalalarda ehtiyotkor bo‘lishingiz kerak, ayniqsa, keragidan ko‘proq sarflashga moyilligingizni bilsangiz. O‘z-o‘zidan zarur bo‘lmagan xaridlar uchun, shuningdek, oyning ikkinchi yarmiga rejalashtirilgan ko‘ngilochar tadbirlar uchun pul to‘lash uchun eng yaxshi kun emas.
Chayon (24.10 – 22.11)
Uzoq vaqtdan beri qo‘yilgan maqsadlarga erishish imkoniyati bo‘ladi. Biroq shuni yodda tutish kerakki, bu burj vakillarining barchasida ham birdaniga amalga oshmaydi. Ehtimol, bir necha marta urinib ko‘rishga to‘g‘ri kelar.
Yaqinlaringiz bilan qiyin suhbatlar bo‘lishi mumkin. Ayniqsa, moliyaviy yoki mulkiy masalalarni muhokama qilish qiyin bo‘ladi. Yaxshisi, hozir, masalan, aliment, meros yoki mol-mulk taqsimotiga taalluqli narsalarni muhokama qilmaslik kerak.
O‘qotar (23.11 – 21.12)
Yulduzlarning qo‘llab-quvvatlashi hayotning deyarli barcha jabhalarida seziladi. Masalan, ishda sezilarli yutuqlarga erishish mumkin. Birinchi navbatda, bu so‘nggi paytlarda juda murakkab, keng ko‘lamli va mas’uliyatli vazifalarni hal qilish bilan band bo‘lganlarga tegishli. Bunday muchal vakillarida ko‘p ishlar avvalgidan ko‘ra ancha yaxshi chiqadi. Ular o‘z qat’iyatlari, shuningdek, sirtda yotmagan yechimlarni topa olishlari tufayli muvaffaqiyatga erishishlari ehtimoldan xoli emas.
Tog‘ echkisi (22.12 – 20.01)
Kun omadli bo‘ladi, garchi uning boshida bir nechta noxush lahzalarni boshdan kechirishingizga to‘g‘ri keladi. Asosiy qiyinchiliklar ishbilarmonlik muloqoti bilan bog‘liq bo‘lishi mumkin. Hamkasblaringiz bilan til topishish yoki rahbariyat bilan siz uchun muhim bo‘lgan narsalar, masalan, jadvaldagi kichik o‘zgarishlar haqida kelishib olish odatdagidan qiyinroq bo‘ladi.
Hech bo‘lmaganda tushgacha moliyaviy masalalarga to‘xtalmaganingiz ma’qul, chunki bu vaqtda bir tomondan vaziyatni to‘g‘ri baholash, ikkinchi tomondan esa haqiqiy imkoniyatlaringiz qanday ekanligini tushunish qiyin bo‘ladi. Shuning uchun uzoq muddatli majburiyatlarni o‘z zimmangizga olish maqsadga muvofiq emas: ularni bajarish siz o‘ylagandan ko‘ra qiyinroq bo‘lishi xavfi bor.
Qovg‘a (21.01 – 18.02)
Kun siz uchun ancha murakkab bo‘lishi mumkin, ammo birinchi yarmida ijobiy tendensiyalarning ta’siri seziladi. Undan eng muhim masalalarni hal qilishda foydalanishga harakat qiling.
Kunning boshlanishi omadli tasodiflar yoki uzoqdan yaxshi xabarlar bilan xursand qilishi mumkin. Moliya bilan bog‘liq qarorlarni tushgacha qabul qilganingiz ma’qul, chunki bu vaqtda siz umumiy manzarani aniqroq tasavvur qilasiz. Keyinchalik hissiy zo‘riqish ortadi va u sizni unchalik foydali bo‘lmagan qarorga undashi mumkin.
Baliq (19.02 – 20.03)
Kun osoyishta o‘tadi, hayajonlanish va xavotirlanish uchun jiddiy sabablar bo‘lmaydi. Mayda tushunmovchiliklar bo‘lishi mumkin, lekin ularga juda jiddiy munosabatda bo‘lmaslik kerak. Katta ehtimol bilan, bu deyarli o‘z-o‘zidan hal bo‘ladigan muammolar haqida bo‘ladi, faqat biroz kutish kerak.
Agar xarid qilmoqchi yoki moliyaviy masalalarni hal qilmoqchi bo‘lsangiz, kun o‘rtasiga e’tibor bering. Eng yaxshi vaqt taxminan soat 12 dan 16 gacha bo‘lgan davrga to‘g‘ri keladi. Bu vaqtda kutilmagan manbalardan pul tushishi mumkin. Sizga allaqachon unutilgan qarzni qaytarib berishlari yoki shunchaki kerakli miqdordagi pulni sovg‘a qilishlari mumkin.
