O‘zbekiston milliy terma jamoasi himoyachisi Abduqodir Husanov JCh – 2026 davomida qayd etilgan eng yuqori tezliklar reytingida 6-o‘rinni egalladi. Bu haqda FIFA taqdim etgan rasmiy statistikada ma’lum qilindi.
U mundial bahslarida 36,46 km/soat tezlikka erishib, musobaqaning eng chaqqon futbolchilari qatoridan joy oldi.
Himoyachilar orasida kuchli uchlikda
Husanov umumiy reytingda oltinchi pog‘onani band etgan bo‘lsa, himoyachilar orasida 3-o‘rinni egalladi. Bu natija o‘zbekistonlik futbolchining yuqori jismoniy tayyorgarligi va tezkorligini yana bir bor tasdiqladi.
Mbappe reyting peshqadami bo‘ldi
JCh – 2026’ning eng tezkor futbolchisi Fransiya terma jamoasi hujumchisi Kilian Mbappe bo‘ldi. U turnir davomida 37,61 km/soat tezlikni qayd etgan. Kuchli beshlikdan, shuningdek, Antoni Elanga, Miki van de Ven, Jordan Bos va Erling Holand ham joy oldi.
Avvalroq Kursiv Uzbekistan Abbosbek Fayzullayev ham JCh – 2026’ning eng tezkor futbolchilari qatoriga kirgani haqida yozgandi.
