Hafta davomida issiq pasayadi, ayrim hududlarda yomg‘ir bo‘ladi
O‘zbekistonda o‘tgan hafta kuzatilgan anomal issiqdan so‘ng havo harorati pasaya boshlaydi. 20 – 24-iyul kunlari mamlakat bo‘yicha yog‘ingarchilik asosan kutilmaydi, faqat ayrim hududlarda qisqa muddatli yomg‘ir va momaqaldiroq bo‘lishi mumkin.
20 – 24-iyul kunlari ob-havo qanday bo‘ladi
| Hudud | 20-iyul | 21-iyul | 22 – 24-iyul |
|---|---|---|---|
| Qoraqalpog‘iston Respublikasi va Xorazm viloyati | 34–39° | 30–35° | 30–37° |
| Buxoro va Navoiy viloyatlari | 40–45° | 33–38° | 32–37° |
| Toshkent, Samarqand, Jizzax, Sirdaryo viloyatlari | 40–45° | 33–38° | 30–37° |
| Qashqadaryo va Surxondaryo viloyatlari | 43–48° | 38–43° | 34–40° |
| Andijon, Namangan, Farg‘ona viloyatlari | 40–45° | 34–39° | 30–37° |
| Toshkent shahri | 41–43° | 36–38° | 31–37° |
Ayrim joylarda yomg‘ir bo‘lishi mumkin
20 – 24-iyul kunlari O‘zbekiston bo‘yicha havo biroz bulutli, ba’zi joylarda o‘zgaruvchan bo‘ladi.
Yog‘ingarchilik asosan kutilmaydi. Faqat 21-iyul kuni Qoraqalpog‘istonda, 22-iyul kuni esa Farg‘ona vodiysi viloyatlarida ayrim joylarda qisqa muddatli yomg‘ir yog‘ishi va momaqaldiroq bo‘lishi mumkin.
Tog‘li hududlarda ham vaqti-vaqti bilan qisqa muddatli yomg‘ir va momaqaldiroq ehtimoli bor.
Shamol kuchayishi mumkin
20 – 22-iyul kunlari respublikaning ba’zi joylarida shamol tezligi 13–18 metr/soniyagacha kuchayadi.
Ayrim hududlarda shamol 20–22 metr/soniyagacha yetishi mumkin.
Toshkentda harorat 31–34 darajagacha pasayadi
Toshkentda havo biroz bulutli va vaqti-vaqti bilan o‘zgaruvchan bo‘ladi, yog‘ingarchilik kutilmaydi.
Bugun kunduzi harorat 41–43 daraja bo‘ladi. 21-iyul kuni kechasi 25–27 daraja, kunduzi 36–38 daraja bo‘lishi kutilmoqda. 22–24-iyul kunlari esa havo kechasi 20–23 darajagacha, kunduzi 31–34 darajagacha pasayadi.
Eslatib o‘tamiz, avvalroq 21 – 24-iyul kunlari tog‘li hududlarda sel xavfi e’lon qilingandi. Aholi, dam oluvchilar va haydovchilardan ehtiyot choralarini ko‘rish so‘raldi.
