Samsung Galaxy S25 smartfoni Hindistonda yirik chegirma bilan sotuvga chiqarildi. Bu haqda Sammobile texnologiyalar nashri xabar bermoqda.
Flipkart platformasida qurilmaning 12 GB tezkor va 128 GB ichki xotirali versiyasini bank chegirmasi bilan qariyb $566 ga xarid qilish mumkin.
Samsung ushbu modelni Hindiston bozorida dastlab taxminan $783 narxda taqdim etgan edi. Hozir Flipkart’da smartfon qariyb $595 ga taklif qilinmoqda. Ayrim banklarning kredit yoki debet kartalari orqali to‘lov amalga oshirilganda yana qariyb $30 chegirma beriladi.
Natijada Galaxy S25’ning yakuniy narxi taxminan $566 gacha tushadi. Bu smartfonning dastlabki narxidan qariyb $218 yoki 27,8% arzon degani. Mazkur taklif faqat 12/128 GB xotirali Galaxy S25 versiyasiga taalluqli.
Chegirma haqida
Flipkart chegirma qancha muddat amal qilishini hozircha ma’lum qilmagan. Shu sababli aksiya cheklangan vaqt davom etishi yoki mavjud zaxiralar tugagunga qadar saqlanishi mumkin.
Galaxy S25 Samsung’ning 2025-yilda taqdim etilgan flagman smartfonlari qatoriga kiradi. Qurilma 12 GB tezkor xotira bilan jihozlangan bo‘lib, kompaniyaning yuqori toifadagi ixcham modellardan biri hisoblanadi.
Avvalroq «Kursiv» Samsung Galaxy A57 va Galaxy A27 uchun yangilanish chiqqani haqida yozgan edi.
