Jorjina Ronalduning yangi hayotidan ilk videoni chiqardi

Portugliya terma jamoasi sardori, mashhur futbolchi Krishtianu Ronaldu va Jorjina  Rodriges turmush qurganidan bir hafta o‘tib, model Instagram sahifasida oilaviy hayotidan yangi lavhalarni ulashdi.

Jorjina e’lon qilgan videoda Ronaldu Ar-Riyoddagi uyining basseynida suzayotgani aks etgan. Model videoga «Erim meni shunday uyg‘otadi», – deb yozgan.

To‘ydan keyingi ilk lavha

Ronaldu va Jorjina 11-avgust kuni turmush qurgan. Qiziq tomoni, juftlik aynan 2016-yil 11-avgustda munosabatlarini boshlagan. Shu tariqa ular munosabatlari boshlanganidan 10 yil o‘tib nikohdan o‘tgan.

To‘yidan bir necha kun o‘tib, Jorjina Instagram’da turmush o‘rtog‘i bilan bog‘liq ilk videoni joylashtirdi. U, shuningdek, 17-avgust kuni Riyoddagi ob-havo haqida ham ma’lumot berdi. O‘sha kuni shaharda havo harorati 33 darajadan 45 darajagacha ko‘tarilgan.

To‘y tafsilotlarini ham bo‘lishdi

Jorjina to‘y marosimiga oid boshqa suratlarni ham namoyish qilgan. U o‘zi va Ronalduning marosimdagi liboslari, farzandlarining kiyimlari hamda oyoq kiyimlarini ko‘rsatgan.

Juftlikning munosabatlari 2016-yilda boshlangan. Ronaldu 2023-yildan beri Saudiya Arabistonining «An-Nasr» klubida faoliyat yuritmoqda. U oilasi bilan Riyodda yashaydi.

Avvalroq to‘y marosimi soddaligi bilan ajralib turgan bo‘lsa-da, Jorjina taqqan taqinchoqlarning qiymatini Marca nashri qariyb $70 mln deb baholagandi.