O‘zbekiston 2030-yilgacha fintexga 1 mlrd dollar sarmoya jalb etishni rejalashtirmoqda

O‘zbekiston 2030-yilgacha fintex sohasiga $1 mlrd xorijiy sarmoya jalb qilishni rejalashtirmoqda. Bu haqda Toshkentda bo‘lib o‘tayotgan Silk Road Finance&Technology Forum forumida ma’lum bo‘ldi, deb xabar bermoqda Kursiv Uzbekistan muxbiri.

Regulyator oldiga qanday maqsadlar qo‘yilgan

Kapital jalb qilishdan tashqari, fintexni rivojlantirish strategiyasi 5 mingdan ortiq mutaxassislarni tayyorlash, 200 dan ortiq bozor ishtirokchilariga litsenziya berish va inkubatsiya dasturlari orqali yuzdan ortiq startaplarni ishga tushirishni nazarda tutadi.

Yangi moliyaviy mahsulotlarni rivojlantirish uchun Markaziy bank Regulatory Sandbox 2.0 – innovatsion yechimlarni sinovdan o‘tkazish maydonchasi, shuningdek, QFinex Quantum Test Bed’ni yaratmoqda.

Yana bir qo‘llab-quvvatlash vositasi $50 millionlik ixtisoslashtirilgan venchur fondi bo‘lishi kerak.

Regulyator, shuningdek, to‘lov xizmatlari, ochiq banking, Buy Now Pay Later (BNPL) yechimlari va kiberbarqarorlik sohalarida me’yoriy bazani shakllantiradi.

Strategiyaning alohida yo‘nalishi – raqamli valyutalar va steyblkoinlar sohasidagi pilot loyihalar. Ushbu chora-tadbirlar fintech ekotizimining o‘sishi va sohaga xalqaro kapitalni jalb qilish uchun sharoit yaratishi kerak.

Eslatib o‘tamiz, o‘tgan yili Markaziy bank davlat moliyaviy zaxiralarini diversifikatsiyalash va ularni boshqarish jarayonini to‘liq avtomatlashtirish bo‘yicha ishlarni davom ettirayotganini ma’lum qilgan edi.

Kelgusi yil uchun iqtisodiyotni rivojlantirish haqida gap ketganda, iyul oyida davlat rahbari Shavkat Mirziyoyev O‘zbekiston iqtisodiyoti 2027-yilda safarbarlik ssenariysiga o‘tkazilishini ma’lum qilgan edi. Prezidentning so‘zlariga ko‘ra, hozircha hech kim iqtisodiyotdagi noaniqlikni bashorat qila olmaydi.

Avvalroq Kursiv Uzbekistan AQSh davlat qarzi tarixda birinchi marta $40 trilliondan oshgani haqida yozgan edi.