Erling Holand uzun sochidan voz kechdi

«Manchester Siti» hujumchisi Erling Holand Angliya Premyer-ligasining yangi mavsumi oldidan tashqi ko‘rinishini o‘zgartirdi. 26 yoshli futbolchi uzoq va orqaga bog‘lab yuradigan soch turmagidan voz kechib, ancha kalta uslubni tanladi.

Holand eski uslubiga qaytdi

Holand yangi soch turmagini ijtimoiy tarmoqlardagi sahifalarida namoyish qildi. Uning yangi ko‘rinishi futbolchining «Borussiya Dortmund»dagi dastlabki yillarini eslatadi.

Hujumchi X ijtimoiy tarmog‘ida soch olish jarayonining turli bosqichlari aks etgan suratni ham e’lon qildi va unga «New hair, don’t care» deb izoh qoldirdi.

Avvalroq Holand uzun soch turmagini Zlatan Ibrahimovichning maslahati bilan saqlab yurganini aytgan edi.

«Zlatan menga: ‘Hech qachon sochingni kesma, chunki kuch sochda’, degan», – deya eslagan Holand.

Jahon chempionatida yetti gol urdi

Holand 2026-yilgi Jahon chempionatida Norvegiya terma jamoasining chorak finalgacha yetib borishiga yordam berdi.

U turnir davomida yettita gol urdi va 39 kun ichida Instagram’dagi obunachilari sonini 32 mln nafardan ko‘proqqa oshirdi. Bu musobaqada qatnashgan futbolchilar orasidagi eng katta o‘sish bo‘ldi.

Yangi mavsum «Bornmut»ga qarshi boshlandi

Muxlislar Holandning yangi soch turmagini rasmiy uchrashuvda ilk bor «Manchester Siti»ning «Bornmut»ga qarshi o‘yinida ko‘rishdi.

Bu uchrashuv Siti uchun Pep Gvardiola davridan keyingi yangi bosqichning boshlanishi bo‘ldi. Gvardiola o‘tgan mavsum yakunida klubni tark etdi, uning o‘rniga Enso Mareska bosh murabbiy etib tayinlandi.

Holand yangi murabbiy qo‘l ostida ham jamoaning hujum chizig‘idagi asosiy futbolchilardan biri bo‘lib qolishi kutilmoqda.

Eslatib o‘tamiz, avvalroq Holand qanday qilib Ginnes rekordlariga kirgani haqida ma’lumot berilgandi.