O‘zbekistonga ko‘chib kelayotgan xorijliklar soni 2,5 baravarga oshdi

2026-yilning yanvar – iyun oylarida 1 649 nafar xorijlik doimiy yashash maqsadida O‘zbekistonga ko‘chib keldi. Bu ko‘rsatkich o‘tgan yilning shu davridagiga nisbatan 976 nafarga ko‘p. Bu haqda Milliy statistika qo‘mitasi xabar berdi.

Xorijdan ko‘chib kelganlarning aksariyati Rossiya va Qozog‘istondan

Qo‘mita ma’lumotlariga ko‘ra, 2026-yilning dastlabki olti oyida O‘zbekistonga doimiy yashash uchun ko‘chib kelganlarning eng katta qismi Rossiya va Qozog‘iston fuqarolariga to‘g‘ri kelgan.

Jumladan, Rossiyadan 580 kishi, Qozog‘istondan 362 kishi va Tojikistondan 147 kishi O‘zbekistonga ko‘chib kelgan.

Qolgan 560 nafar migrant boshqa davlatlardan kelgan.

Ko‘chib kelganlarning asosiy manzili — Toshkent

Hududlar kesimida eng ko‘p xorijlik Toshkent shahriga doimiy yashash uchun kelgan. Poytaxtga ularning 1 089 nafari joylashgan.

Keyingi o‘rinlarda Toshkent viloyati – 269 nafar va Qoraqalpog‘iston Respublikasi – 115 nafar bilan qayd etilgan.

Qolgan hududlardagi ko‘rsatkichlar quyidagicha:

1. Navoiy viloyati – 31 nafar;
2. Samarqand viloyati – 22 nafar;
3. Xorazm viloyati – 21 nafar;
4. Surxondaryo viloyati – 18 nafar;
5. Sirdaryo viloyati – 15 nafar;
6. Farg‘ona viloyati – 15 nafar;
7. Buxoro viloyati – 13 nafar;
8. Namangan viloyati – 13 nafar;
9. Jizzax viloyati – 12 nafar;
10. Andijon viloyati – 11 nafar;
11. Qashqadaryo viloyati – 5 nafar.

Shu tariqa O‘zbekistonga xorijdan doimiy yashash uchun ko‘chib kelganlarning qariyb uchdan ikki qismi Toshkent shahri va Toshkent viloyatiga to‘g‘ri kelgan.

Avvalroq O‘zbekiston oliy ta’lim muassasalarida dunyoning 50 dan ortiq davlatlaridan kelgan 24,6 ming nafar xorijiy talaba tahsil olayotgani haqida xabar berilgandi.