Krishtianu Ronaldu oilasining shaxsiy samolyotdagi parvozi vaqtida yuz bergan oddiy suhbat ijtimoiy tarmoqlarda e’tibor qozondi. Ronaldu Jr. Jorjina Rodrigesga kutilmagan iltifot aytib, ular o‘rtasidagi iliq munosabatni yana bir bor namoyon qildi, deb yozmoqda Marca.
Jorjina parvoz vaqtida o‘zining tashqi ko‘rinishi haqida gapirar ekan, kiygan libosida videolarda qanday ko‘ringanini tasvirlashga harakat qilgan. U «Men xuddi…» deya gapini tugatmay qolganida, yonida bo‘lgan Krishtianu Ronaldu Jr. suhbatga qo‘shilgan.
Ronaldu Jr. Jorjinani «qirolicha» deb atadi
Jorjina o‘zini qanday ta’riflashni o‘ylab turgan paytda Ronaldu Jr. qisqa javob bergan:
«Qirolicha».
Bu javob samolyotdagilarni ham hayratga solgan. Videoda atrofdagilarning kulgisi va iliq munosabatini eshitish mumkin. Jorjina esa Ronaldu Jr.dan bunday gaplarni eshitish unga begona emasligini aytgan.
«Kris doim menga g‘amxo‘rlik qiladi. Menga eng ko‘p maqtov aytadigan ham u», — dedi Rodriges.
Jorjina o‘z biznesini ham rivojlantirmoqda
Oilaviy hayotidan tashqari, Jorjina Rodriges so‘nggi vaqtlarda shaxsiy loyihalariga ham ko‘proq e’tibor qaratmoqda.
Marca ma’lumotiga ko‘ra, u 2026-yil boshida ayollar sport kiyimlariga ixtisoslashgan Mimoa brendini ishga tushirgan. Rodriges ijtimoiy tarmoqlardagi postlarida mazkur brend kiyimlarini kundalik obrazlariga ham qo‘shib kelmoqda.
Uning Instagram’dagi so‘nggi hikoyalaridan birida kapri shim, jigarrang top va oq kurtkadan iborat obrazda ko‘rinish bergan. Jorjina o‘z brendi mahsulotlarini boshqa moda kompaniyalarining aksessuarlari bilan uyg‘unlashtirgan.
Shu tariqa Rodriges ijtimoiy tarmoqlarda nafaqat hashamatli sayohatlar va moda olamidagi chiqishlarini, balki farzandlar bilan o‘tkazadigan oddiy oilaviy lahzalarni ham kuzatuvchilari bilan bo‘lishmoqda.
Ronaldu 1000 ta gol marrasiga yaqinlashmoqda
Bu orada Krishtianu Ronaldu ham futbol faoliyatidagi navbatdagi yirik marraga yaqinlashmoqda.
«An-Nasr» hujumchisi Saudiya Arabistoni Pro-ligasida 104 ta gol urib, Muhammad as-Sahlaviy natijasidan o‘tgan.
Shuningdek, portugaliyalik futbolchiga rasmiy o‘yinlardagi 1000 ta gol marrasiga yetish uchun yana 22 ta gol kerak.
Avvalroq «Kursiv» Jorjina Rodrigesning Ronaldudan oldingi hayotida kim bo‘lgani haqida yozgan edi.
