Qirg‘izistondagi zilzila Andijon va Namanganda sezildi
eʼlon qilindi
( yangilandi)
Magnitudasi 3,9 bo‘lgan zilzila sodir bo‘ldi
12-sentabr kuni Qirg‘iziston hududida magnitudasi 3,9 bo‘lgan zilzila sodir bo‘ldi. Yer silkinishi O‘zbekistonning Andijon va Namangan viloyatlarida ham sezildi.
Seysmoprognostik monitoring markazi ma’lumotiga ko‘ra, zilzila soat 14:47 da qayd etilgan. Uning epitsentri Qirg‘izistonning Jalolobod hududida joylashgan bo‘lib, o‘choq chuqurligi 16 kilometrni tashkil etgan.
O‘zbekistonda 2 ballgacha sezildi
Yer silkinishining kuchi Andijon viloyatida 2 ball, Namangan viloyatida ham 2 ball darajasida sezilgan.
Avvalroq Kursiv Uzbekistan Buxoro viloyatida 3,8 magnitudali zilzila sodir bo‘lgani haqida xabar bergan edi.
