Turkiya Superligasining beshinchi turi doirasida «Istanbul Bashakshehir» «Amedspor»ga 0:5 hisobida yirik mag‘lub bo‘ldi. Uchrashuvdan so‘ng Flashscore portali futbolchilarning o‘yinini baholadi. Eldor Shomurodov 5,4 ball, Abbosbek Fayzullayev esa 6,1 ball oldi.
O‘zbekistonlik futbolchilar asosiy tarkibda maydonga tushdi
Shomurodov ham, Fayzullayev ham uchrashuvni asosiy tarkibda boshladi, biroq ikkalasi ham o‘yin davomida almashtirildi.
Fayzullayev maydonda 62 daqiqa harakat qildi. U raqib darvozasi tomon ikki marta zarba berdi hamda 18 ta uzatmadan 11 tasini aniq amalga oshirdi. Uning paslar aniqligi 61 foizni tashkil etdi.
Shomurodov esa 82 daqiqa o‘ynadi. O‘zbekiston terma jamoasi hujumchisi bir marta zarba yo‘lladi va 19 ta uzatmadan 11 tasini jamoadoshlariga aniq yetkazdi. Uning paslar aniqligi 58 foiz bo‘ldi.
Eng yuqori bahoni Gift Orban oldi
Uchrashuvning eng yaxshi futbolchisi sifatida «Amedspor» hujumchisi Gift Orban qayd etildi. Flashscore unga 9,2 ball berdi.
Nigeriyalik futbolchi «Bashakshehir» darvozasiga ikkita gol urdi, oltita zarba yo‘lladi va bir nechta xavfli vaziyatlar yaratdi. Ikkinchi eng yuqori baho «Amedspor» futbolchisi Ermal Krasnichiga berildi – 9,0 ball.
«Amedspor» 10 ochkoga yetdi
Ushbu g‘alabadan so‘ng «Amedspor» ochkolari sonini 10 taga yetkazdi. «Istanbul Bashakshehir» esa to‘rt ochko bilan qoldi. Shomurodov va Fayzullayev to‘p tepayotgan Istanbul klubi beshinchi turda mavsumdagi eng yirik mag‘lubiyatlaridan birini qabul qilib oldi.
Avvalroq «Kursiv» Abduqodir Husanov eng yomon baho olgani haqida yozgan edi.
