Toshkentning «Paxtakor» klubi Elit Osiyo Chempionlar ligasi ilk turida Saudiya Arabistonining «Al-Ahli» jamoasi bilan 1:1 hisobida durang o‘ynadi. Flamarion 86-daqiqada «Paxtakor»ni oldinga olib chiqdi, biroq Firas Al-Buraikan uchrashuv oxirida hisobni tenglashtirdi.
Nazarov «Paxtakor»ni o‘yinda ushlab turdi
Uchrashuvning birinchi bo‘limida hisob ochilmadi. «Paxtakor» raqib hujumlariga javoban o‘z imkoniyatlarini yaratishga harakat qildi. Nasrullayev faol o‘yin ko‘rsatdi. 26-daqiqada uning kuchli zarbasi raqib himoyachilari tomonidan to‘sib qolindi.
Tanaffusdan keyin «Al-Ahli» bosimni oshirdi. 67-daqiqada «Paxtakor» darvozaboni Nazarov muhim seyv amalga oshirib, jamoasini goldan qutqarib qoldi.
Shundan so‘ng «Paxtakor» murabbiylar shtabi hujum chizig‘iga o‘zgarish kiritdi. Flamarion va Chinedu maydonga tushdi.
Flamarion «Paxtakor»ni oldinga olib chiqdi
Almashtirishlar 86-daqiqada o‘z samarasini berdi. Flamarion va Chinedu jarima maydoni oldida kombinatsiya uyushtirdi.
Flamarion darvozabon bilan yakkama-yakka vaziyatga chiqib, to‘pni uning ustidan oshirib darvozaga yo‘lladi. Natijada «Paxtakor» 1:0 hisobida oldinga chiqdi.
«Al-Ahli» so‘nggi daqiqalarda javob qaytardi
Gol o‘tkazib yuborgach, mezbonlar bosimni yanada kuchaytirdi. Uchrashuv oxirida Eduard Spertsyan jarima maydoni ichidan burilib zarba yo‘lladi.
Nazarov to‘pni qaytardi, biroq qaytgan to‘pga birinchi bo‘lib Firas Al-Buraikan yetib keldi va hisobni tenglashtirdi – 1:1.
Shundan keyin «Al-Ahli» g‘alaba golini urishga ham yaqin keldi. Biroq Hojiakbar Alijonov Spertsyanning Al-Buraikanga uzatmasini vaqtida to‘sib qoldi.
Avvalroq «Kursiv» «Neftchi» ilk g‘alabasini qo‘lga kiritgani haqida yozgan edi.
