Shaxmat olimpiadasi qanday oʻtmoqda: Musobaqa atmosferasi suratlarda

Samarqandda oʻtayotgan 46-Butunjahon shaxmat olimpiadasi faqat shaxmat taxtalari atrofidagi bahslar bilan cheklanmayapti.

Musobaqa hududida ishtirokchilar, mehmonlar va jurnalistlar uchun turli hordiq va koʻngilochar zonalar ham tashkil etilgan.

Bu yerda stol tennisi oʻynash, game clubʼda vaqt oʻtkazish, interaktiv maydonlardan foydalanish va Olimpiadaning umumiy muhitini his qilish mumkin.

Turnir davomida musobaqa maydonidagi tashkiliy jarayonlar, hordiq zonalari va ishtirokchilar uchun yaratilgan sharoitlar ham alohida eʼtibor tortmoqda.

24-sentabr kuni Olimpiada doirasida FIDE prezidentligiga nomzodlar bilan ochiq savol-javob sessiyasi ham oʻtkazildi. Unda Timur Turlov va Jan Henrik Buettner ishtirok etdi.

Nomzodlar FIDE kelajagi, shaxmatni rivojlantirish, boshqaruv va oʻz saylov dasturlari boʻyicha jurnalistlarning savollariga javob berdi.

FIDE prezidenti saylovi 26-sentabr kuni Samarqandda Bosh assambleya doirasida boʻlib oʻtadi.

Kursiv Uzbekistan Shaxmat olimpiadasining oʻyinlardan tashqaridagi hayoti, tashkiliy jarayonlari va Samarqanddagi umumiy atmosferani suratlarda jamladi.