Qurilish sohasida xorijiy investitsiyalar 2,4 barobar oshdi

2026-yilning yanvar – iyun oylarida O‘zbekiston qurilish sohasida asosiy kapitalga 27,2 trln so‘mlik xorijiy investitsiya va kreditlar o‘zlashtirildi. Bu haqda Milliy statistika qo‘mitasi ma’lum qildi.

Qurilishning ulushi 10,5 foizni tashkil etdi

Hisobot davrida respublika bo‘yicha jami 259 trln so‘mlik xorijiy investitsiya va kreditlar o‘zlashtirilgan. Shundan 27,2 trln so‘mi qurilish sohasiga yo‘naltirilgan. Bu umumiy hajmning 10,5 foiziga teng.

Ko‘rsatkich bir yilda 2,4 barobar oshdi

2025-yilning yanvar – iyun oylarida qurilish sohasiga 11,2 trln so‘mlik xorijiy investitsiya va kreditlar jalb qilingan edi. 2026-yilning shu davrida ko‘rsatkich 27,2 trln so‘mga yetib, 2,4 barobar oshdi.

So‘nggi besh yil ichida qurilish sohasiga yo‘naltirilgan xorijiy investitsiya va kreditlar hajmi quyidagicha bo‘lgan: 2022-yilda – 3,2 trln so‘m, 2023-yilda – 4,4 trln so‘m, 2024-yilda – 15,3 trln so‘m, 2025-yilda – 11,2 trln so‘m va 2026-yilda – 27,2 trln so‘m.

Eslatib o‘tamiz, Kursiv Uzbekistan nashri O‘zbekistonda «Statistikani rivojlantirish – 2030» strategiyasi taqdim etilgani haqida yozgan edi.