AvtoVAZ yangi Lada Azimut krossoverining kuzovi va lok-bo‘yoq qoplamasi qanday sinovlardan o‘tkazilganini ma’lum qildi.
Avtomobil va uning ayrim qismlari yo‘l reagentlari, kuchli quyosh nuri, yuqori harorat hamda kislotali yomg‘irni taqlid qiluvchi kimyoviy muhit ta’sirida tekshirilgan.
Sinovlar maxsus iqlim kameralarida o‘tkazildi
Tekshiruvlarning katta qismi maxsus iqlim kameralarida amalga oshirilgan. Ushbu kameralar muhandislarga turli ob-havo sharoitlarini sun’iy ravishda yaratish va bir xil ta’sir sikllarini bir necha bor takrorlash imkonini bergan.
Kuzov reagentlarga qarshi tekshirildi
AvtoVAZ qishda avtomobil kuzovi tuzlar va boshqa muzga qarshi reagentlar bilan doimiy aloqada bo‘lishini hisobga olgan.
Shu sabab metall qismlar va himoya qoplamalarining korroziyaga chidamliligiga alohida e’tibor qaratilgan.
Yangi bo‘yoq ham sinovdan o‘tdi
Lada Azimut Rossiyada ishlab chiqarilgan yangi bo‘yoq bilan qoplangan. Bo‘yoq uzoq vaqt davom etuvchi kuchli yorug‘lik va yuqori harorat ta’sirida ham tekshirilgan.
Kislotali yomg‘ir ham taqlid qilindi
Sinovlarning yana bir bosqichida bo‘yalgan yuzalar kislotali yog‘ingarchilikni taqlid qiluvchi kimyoviy muhitga joylashtirilgan. Shundan so‘ng qoplamadagi o‘zgarishlar baholangan. AvtoVAZ ma’lumotiga ko‘ra, yangi mahalliy bo‘yoq ushbu sinovlardan muvaffaqiyatli o‘tgan.
Avvalroq Kursiv Uzbekistan nashri Lada Azimut avtomobili yanada kuchli bo‘lishi haqida yozgan edi.
