AnTuTu $670 dan qimmat premium smartfonlar orasida narx va unumdorlik nisbati bo‘yicha yangi reytingni e’lon qildi. Unda birinchi o‘rinni iQOO 16 egalladi.
Smartfon AnTuTu V12 testida 4 365 667 ball to‘plagan va narx-unumdorlik ko‘rsatkichi bo‘yicha 793,9 ball olgan.
iQOO 16 birinchi o‘rinni egalladi
iQOO 16 Snapdragon 8 Elite Extreme Gen 6 chipida ishlaydi. Qurilma 6,85 dyuymli AMOLED ekran, 3168 × 1440 piksel aniqlik va 165 Hz yangilanish chastotasiga ega.
Batareya sig‘imi 8400 mA/soat bo‘lib, 100 vattli simli va 40 vattli simsiz quvvatlashni qo‘llab-quvvatlaydi. Smartfonda uchta 50 MP kamera o‘rnatilgan. 12/256 GB versiya narxi $820 ni tashkil etadi.
Nubia NaviX Ultra ikkinchi bo‘ldi
Reytingning ikkinchi o‘rnini Nubia NaviX Ultra egalladi. U narx va unumdorlik nisbati bo‘yicha 784 ball, AnTuTu V12 testida esa 4 075 819 ball to‘plagan.
Smartfon Snapdragon 8 Elite Gen 5 chipi, 6,78 dyuymli 144 Hz AMOLED ekran va 7100 mA/soat batareya bilan jihozlangan. Qurilma 90 vattli simli va 50 vattli simsiz quvvatlashni qo‘llab-quvvatlaydi. Asosiy kamera 200 MP, qolganlari esa 50 va 64 MP. Narxi $775.
Red Magic 11S Pro uchinchi o‘rinda
Red Magic 11S Pro narx va unumdorlik nisbati bo‘yicha 773,4 ball olgan. Model Snapdragon 8 Elite Gen 5 chipida ishlaydi. 6,85 dyuymli OLED ekran 2688 × 1216 piksel aniqlik va 144 Hz yangilanish chastotasiga ega.
Batareya sig‘imi 8000 mA/soat, quvvatlash quvvati esa 80 vattni tashkil etadi. 12/256 GB versiya narxi $820.
Honor va Xiaomi ham Top-5 ga kirdi
AnTuTu reytingining kuchli beshligiga Honor Magic 9 va Xiaomi 18 Pro ham kirgan. Top-10 ro‘yxatida, shuningdek, Honor Magic 9 Pro Max va Samsung Galaxy S26 ham bor.
Avvalroq Kursiv Uzbekistan Galaxy S27 seriyasida Exynos 2700 ishlatilishi mumkinligi haqida yozgan edi.
