«Manchester Siti» Chempionlar ligasi umumiy bosqichining uchinchi turida Gretsiyaning AEK klubini 5:1 hisobida mag‘lub etdi. Abduqodir Husanov uchrashuvni asosiy tarkibda boshladi va to‘liq 90 daqiqa maydonda harakat qildi, deb xabar berdi Sports.kz.
Husanovga 6,3 ball berildi
Flashscore portali Husanovning o‘yinini 6,3 ball bilan baholadi. «Manchester Siti»ning asosiy tarkibida maydonga tushgan futbolchilar orasida undan pastroq bahoni faqat Floyd Samba oldi – 6,1 ball.
Shu tariqa o‘zbekistonlik himoyachi jamoaning ushbu uchrashuvdagi eng past baholangan futbolchilaridan biri bo‘ldi.
Foden 10 ball oldi
Uchrashuvning eng yaxshi futbolchisi xet-trik qayd etgan Fil Foden bo‘ldi. Flashscore unga maksimal 10 ball berdi.
Rayan Sherki 9,1, Riko Lyuis esa 8,7 ball bilan baholandi.
«Manchester Siti» kuchli sakkizlikka kirdi
AEK ustidan qozonilgan g‘alabadan so‘ng «Manchester Siti» ochkolari sonini oltitaga yetkazib, Chempionlar ligasi umumiy jadvalining dastlabki sakkiztaligiga kirdi.
Angliya klubi turnirdagi navbatdagi uchrashuvini 5-noyabrga o‘tar kechasi safarda Germaniyaning «RB Leypsig» jamoasiga qarshi o‘tkazadi.
Eslatib o‘tamiz, Kursiv Uzbekistan nashri Husanov va Satpayevning maoshi solishtirilgani haqida yozgan edi.
