Kunning boshlanishi hissiy jihatdan oson bo‘lmasligi mumkin. Agar biror narsa reja bo‘yicha ketmasa, xotirjamlikni saqlashingiz qiyin bo‘ladi. Bundan tashqari, ko‘plar hech qanday sababsiz shubha qilishlari mumkin. Bu ishda ham, shaxsiy munosabatlarda ham qiyinchiliklarga olib kelishi mumkin. Ishda va uyda nizolar hamda o‘zaro e’tirozlar bo‘lishi ehtimoldan xoli emas. Biroq agar o‘zingizni bosib olsangiz, hamma narsani hal qilishingiz mumkin. Quyida burjlar bo‘yicha 22-oktabr uchun munajjimlar bashoratini taqdim qilamiz.
Qo‘y (21.03 – 20.04)
Kun boshida muloqotda qiyinchiliklar yuzaga kelishi mumkin, ammo kerak bo‘lsa, hamfikrlar va yordamchilar topa olasiz. O‘z g‘oyalaringiz haqida ko‘pchilikni qiziqtiradigan tarzda so‘zlab berishingiz mumkin. Ammo o‘ylagan narsangizni amalga oshirishga shoshilmang. Birinchi bosqichda qiyinchiliklar yuzaga kelishi mumkin, shunda vaziyatni yengish uchun diqqatni jamlash va harakat qilish muhim bo‘ladi. Agar siz haddan tashqari shoshqaloqlik qilsangiz, muhim tafsilotlarni ko‘zdan qochirib qo‘yishingiz mumkin, bu esa keyinchalik xato va yo‘qotishlarga olib kelishi mumkin.
Buzoq (21.04 – 20.05)
Kun o‘z-o‘zidan ancha murakkab bo‘ladi, ammo uning birinchi yarmi qulay bo‘ladi. O‘zingizni yo‘qotib qo‘ymaslikka va taxminan soat birgacha ochiladigan imkoniyatlardan foydalanishga harakat qiling. Bu vaqt, ayniqsa, ishbilarmonlik nuqtayi nazaridan, birinchi navbatda, ishi muloqot bilan bog‘liq bo‘lganlar uchun juda qulay. Siz har xil odamlarning ko‘nglini topib, yangi ittifoqchilarning mehrini qozonishga muvaffaq bo‘lasiz. Hamkorlik taklifi kelib tushishi ehtimoldan xoli emas. Javob berishga shoshilmang: sharoitlarni taqqoslang va hammasini yaxshilab o‘ylab ko‘ring.
Egizaklar (21.05 – 21.06)
Kun murakkab, ziddiyatli va noaniq bo‘ladi. Lekin sizga yoqadi. Zerikib qolmaysiz: erta tongdan kechgacha bir xil ish bilan shug‘ullanish o‘rniga, bir nechta vazifalarni bajarish, turli odamlar bilan uchrashish va qiziqarli masalalarni muhokama qilish imkoniyatiga ega bo‘lasiz. Bunday ritm, garchi atrofdagilar uni har doim ham tushunmasalar-da, juda qulay bo‘ladi.
Qisqichbaqa (22.06 – 22.07)
Ertalab ziddiyatli bo‘ladi va sizga yoqishi dargumon. Uzoq vaqtdan beri e’tibor talab etadigan ishlar bilan xotirjam shug‘ullanishga umid qilganlar, ehtimol, hamma narsani tashlab, mutlaqo yangi vazifani hal qilishga o‘tishlari kerak bo‘ladi. Bunda yordamchilarni topish oson bo‘lmaydi, shuning uchun shaxsiy tajriba va sog‘lom fikrga tayanishga to‘g‘ri keladi.
Qiyinchiliklarga qaramay, siz muvaffaqiyatga erisha olasiz va tez orada kerak bo‘ladigan tajribaga ega bo‘lasiz.
Arslon (23.07 – 23.08)
Kun unchalik yomon bo‘lmaydi, ammo ko‘plar uchun o‘zlarini anglash qiyin bo‘ladi. Qarama-qarshi tuyg‘ular muvaffaqiyatga erishish va yuzaga keladigan qiyinchiliklarni yengish uchun qanday harakat qilish kerakligini tushunishga to‘sqinlik qiladi. Salbiy his-tuyg‘ularga berilib, keyinchalik afsuslanadigan gap yoki ish qilishingiz, yaqin insoningiz bilan janjal keltirib chiqarishingiz yoki sizga qadrli bo‘lgan insonni xafa qilishingiz mumkin. Yaxshiyamki, bularning barchasi tushgacha tugaydi va bundan keyin sizni ancha qulay davr kutmoqda.
Parizod (24.08 – 22.09)
Sabr-toqatli bo‘ling, chunki qo‘yilgan maqsadlarga birdaniga erishib bo‘lmaydi. Bugun voqealar siz kutganingizdan ancha sekinroq rivojlanishi mumkin. Biroq agar siz ishonchli ittifoqchilarni tanlasangiz, oldindan harakat rejasini tuzib, unga amal qilishga harakat qilsangiz, hammasi yaxshi bo‘ladi. Bu yo‘l-yo‘lakay qaror qabul qiladigan kun emas: vaziyatni tushunish va qanday to‘g‘ri yo‘l tutish kerakligini tushunish uchun vaqt kerak bo‘ladi.
Tarozi (23.09 – 23.10)
Kuningiz yaxshi boshlanadi. Bu vaqtdan foydalanib, kimdir bilan birgalikdagi harakatlar haqida kelishib oling. Endi sizni ilgari takliflaringizga shubha bilan qaraganlar ham diqqat bilan tinglaydi. Yaqindagi raqiblaringiz siz bilan birga muvaffaqiyat qozonish uchun ko‘proq imkoniyatlarga ega ekanliklarini tushunib, sizning ittifoqchingizga aylanishlari ehtimoldan xoli emas.
Bundan tashqari, tong romantik davom etishi mumkin bo‘lgan qiziqarli tanishuvlar uchun imkoniyatlar ochadi.
Chayon (24.10 – 22.11)
Muhim ishlarni kechiktirmaslik kerak, chunki ertalab ular uchun juda qulay bo‘ladi. Kun boshida avval boshlagan ishingizni oxiriga yetkazishingiz mumkin, eski tanishlar sizga bajonidil yordam beradi. Ishbilarmonlik va shaxsiy munosabatlarda muammolar yuzaga kelmaydi, aksincha, ko‘pchilik sizga yordam berishga tayyor bo‘ladi.
Chayonlar uzoq vaqtdan beri til topisha olmaganlari bilan til topisha oladi. Bu siz janjallashgan odamlar bilan yarashish uchun qulay vaqt.
O‘qotar (23.11 – 21.12)
Kun boshida kichik tushunmovchiliklar yuzaga kelishi mumkin, ammo tushkunlikka tushmang: umuman olganda, davr yomon bo‘lmaydi. Eng muhimi, zarurat bo‘lmasa tavakkal qilmaslik va birinchi intilishga berilmaslik. Agar sizda allaqachon harakat rejasi bo‘lsa, unga amal qilishga intiling. Bu allaqachon qo‘yilgan maqsadlarga erishishning eng ishonchli yo‘li.
Kun o‘rtasi mehnat qilishga tayyor bo‘lganlar uchun qulay bo‘ladi. Bu vaqt qiyin vazifalarni hal qilish uchun mos keladi, ularni o‘zingiz hal qilishingiz kerak bo‘ladi.
Tog‘ echkisi (22.12 – 20.01)
Hamma narsa biz xohlagandek tez amalga oshmaydi, ammo umuman olganda, kun yetarlicha qulay bo‘ladi. Kunning boshlanishi, ayniqsa, muvaffaqiyatga erishmoqchi bo‘lgan ishlaringiz uchun juda mos keladi. Shuningdek, ish masalalarini muhokama qilish va hamfikrlarni topish uchun qulay vaqt. Hatto ilgari sizni qo‘llab-quvvatlamaganlar bilan ham birgalikdagi harakatlar haqida kelishib olishingiz mumkin.
Eski tanishlar o‘zlarini eslatishlari va qiziqarli takliflar qilishlari ehtimoldan xoli emas.
Qovg‘a (21.01 – 19.02)
Ajoyib kun bo‘ladi: ko‘p ishlarda muvaffaqiyatga erishasiz, hatto siz kutmagan joylarda ham rivojlanish mumkin. Ko‘pchilik uchun turli odamlar bilan til topishish qobiliyati kerak bo‘ladi. Ishonchli ittifoqchilar paydo bo‘lishi ehtimoldan xoli emas, ularning qo‘llab-quvvatlashi siz uchun ayniqsa muhim bo‘lgan ishda oldinga siljishga yordam beradi.
Ilgari faqat ish yuzasidan bo‘lgan hamkasblar bilan muloqot norasmiy tus oladi. Ehtimol, kimdir sizda romantik qiziqish uyg‘otadi va bu o‘zaro bo‘ladi.
Baliq (20.02 – 20.03)
Shaxsiy munosabatlar nuqtayi nazaridan kun qiyin bo‘lishi mumkin. Ko‘plar odatdagidan ko‘proq xudbinlikka moyil bo‘ladi va bu atrofdagilarga yoqishi dargumon. Burj vakillari o‘z manfaatlarini birinchi o‘ringa qo‘yib, boshqalarning ham istaklari, ustuvorliklari va rejalari borligini unutishlari mumkin. Agar muloqotda moslashuvchanlik va ko‘ngilchanlik ko‘rsatmasangiz, siz uchun muhim bo‘lgan odamlar bilan munosabatlarni buzishingiz mumkin.
