Flaviu Bolsonaro AQŞga ketib, özini Braziliya yetakçisi deb atadi
Braziliyada prezidentlik saylovlarida mağlub bölgan senator Flaviu Bolsonaro oilasi bilan AQŞga jönab ketdi va u yerdan turib muxolifatga rahbarlik qilişini bildirdi. U ijtimoiy tarmoqlarda e’lon qilgan murojaatida saylov natijalarini tan olmasligini aytdi.
Bolsonaro dastlab özini «haqiqiy prezident» va «saylangan prezident» deb atagan, keyinroq bu iboralarni olib taşlab, özini «Braziliya yetakçisi» deb ta’riflagan.
Bolsonaro saylov natijalarini qalbakilaştirilgan deb atadi
U amaldagi prezident Luis Inasiu Lula da Silvaning ğalabasini «saylovdagi firibgarlik» natijasi deb da’vo qildi va sud tizimini ham tanqid qildi.
CARTA À NAÇÃO BRASILEIRA 🇧🇷 28.10.26 https://t.co/QqOGZuF8G0
— Flávio Bolsonaro (@FlavioBolsonaro) October 28, 2026
Biroq Braziliyaning saylov organlari, Amerika davlatlari taşkiloti va xalqaro kuzatuvçilar saylov natijalarini tan olgan. Bolsonaroning öz Liberal partiyasi ham 26-oktabr kuni Lula ğalabasini rasman tan oldi.
Reuters ma’lumotiga köra, Lula Bolsonaro ustidan 4 mln dan ortiq ovoz farqi bilan ğalaba qozongan.
U AQŞga qanday yetib bordi
Bolsonaro turmuş örtoği va ikki qizi bilan avval Argentina hududiga ötgan, keyin Ekvadorga yöl olgan va u yerdan Mayamiga uçgan. AQŞ tomoni Bolsonaro va uning oilasiga viza bergan.
Associated Press ma’lumotiga köra, Braziliya Oliy sudi uni mamlakatni tark etişi mumkin bölgan şaxs deb hisoblab, pasportlarini topşirişni buyurgan edi. Şunga qaramay, Bolsonaro Braziliyani tark etgan.
Oliy sud unga mamlakatdan çiqişni taqiqlagan edi
Braziliya Oliy sudi sudyasi Aleksandr de Moraes Bolsonarodan pasportlarini topşirişni talab qilgan. Qaror moliyaviy jinoyatlar, pul yuviş va saylov kampaniyasini moliyalaştiriş bilan boğliq tekşiruvlar fonida qabul qilingan. Bolsonaro barça ayblovlarni rad etmoqda.
Tergovlardan biri Bolsonaroning otasi — sobiq prezident Jair Bolsonaro haqidagi filmni moliyalaştiriş bilan boğliq. Şuningdek, mablağlarning noqonuniy kelib çiqişi va kampaniya xarajatlari böyiça ham tekşiruvlar olib borilmoqda.
Saylovda Lula 51 foizdan ortiq ovoz oldi
Braziliyada prezidentlik saylovlarining ikkinçi turi 25-oktabr kuni bölib ötdi.
Rasmiy natijalarga köra, Lula da Silva saylovda ğalaba qozondi, Bolsonaro esa ikkinçi örinni egalladi. Bolsonaro natijalarni bekor qilişni talab qilgan bölsa-da, uning partiyasi saylov natijasini tan oldi.
Bolsonaro endi AQŞdan turib siyosiy faoliyatini davom ettiriş va Braziliyadagi muxolifatga rahbarlik qiliş niyatida ekanini bildirmoqda.
Avvalroq «Kursiv» Lula Braziliya prezidenti etib qayta saylangani haqida yozgan edi.
