Toşkentda oktabrda 21 mingdan ortiq yölovçi çiptasiz yurgani aniqlandi

Toşkent şahrida oktabrda avtobuslarda yöl haqini tölamagan 21 116 nafar yölovçiga nisbatan ma’muriy bayonnoma rasmiylaştirildi. Bu haqda «Toşşahartransxizmat» AJ ma’lum qildi.

Oktabrda kuniga örtaça 812 ta bayonnoma tuzildi

Sentabr oyida çiptasiz yurgan yölovçilarga nisbatan 20 286 ta ma’muriy bayonnoma rasmiylaştirilgan edi. Oktabrning dastlabki 26 kunidayoq bu körsatkiç 830 taga oşib, 21 116 taga yetdi.

Kunlik örtaça körsatkiç ham sezilarli oşgan. Avgustda kuniga örtaça 350 ta, sentabrda 676 ta bayonnoma tuzilgan bölsa, oktabrning 1–26 kunlari bu körsatkiç 812 taga yetgan.

Avgustdan beri nazorat keskin kuçaydi

Avgust oyida Toşkent avtobuslarida yöl haqini tölamagan yölovçilarga nisbatan 10 843 ta ma’muriy bayonnoma rasmiylaştirilgan.

Sentabrda bu raqam 20 286 taga yetib, bir oy içida 87,1 foizga oşgan.

«Toşşahartransxizmat» qayd etişiça, bayonnomalar sonining köpayişi faqat çiptasiz yuriş holatlari ortganini anglatmaydi. Bunga nazorat tadbirlarining qamrovi kengaygani va qoidabuzarliklarni aniqlaş imkoniyatlari oşgani ham ta’sir qilgan.

Yil boşidan 134 mingdan ortiq yölovçiga bayonnoma tuzildi

2026-yil boşidan 26-oktabrgaça Toşkentda yöl haqini tölamagan jami 134 300 nafar yölovçiga nisbatan ma’muriy bayonnoma rasmiylaştirilgan.

Kompaniya avtobusga çiqqan zahoti yöl haqini tölaş har bir yölovçining majburiyati ekanini eslatdi.

Eslatib ötamiz, «Kursiv» Toşkentda 13 ta avtobus yönalişi vaqtinça özgargani haqida yozgan edi.