Green Card lotereyasi yana boşi berk köçada qoldi

AQŞda 2027-yilgi Green Card (DV-2027) lotereyasiga arizalarni qabul qiliş hali boşlanmadi. Federal sud röyxatdan ötişni qayta oçiş böyiça Davlat departamentiga muddat belgilaganiga qaramay, Donald Tramp ma’muriyati uşbu qaror ustidan şikoyat kiritdi. Bu esa dastur qaçon boşlanişi borasidagi noaniqlikni kuçaytirdi. Bu haqda Financial Express xabar berdi.

Sud lotereyani qayta oçişni talab qilgan

2026-yil 14-oktyabr kuni Kaliforniyadagi federal sudya Jinsuk Ohta AQŞ Davlat departamentiga DV-2027 dasturi uçun röyxatdan ötişni qayta oçiş majburiyatini yuklagan.

Keyinçalik sud belgilangan muddatlarni özgartirgan. Unga köra, Davlat departamenti 29-oktyabrga qadar röyxatdan ötiş sanalarini e’lon qilişi, arizalarni qabul qilişni esa 1-noyabrgaça boşlaşi kerak. Röyxatdan ötiş davri 30 kun davom etişi belgilangan.

Biroq AQŞ ma’muriyati 19-oktyabr kuni sud qarori ustidan apellyatsiya bergan va uning ijrosini vaqtinça töxtatişni ham söragan. Şu sabab belgilangan muddatlar özgarişi mumkin.

Lotereya nega keçikmoqda

AQŞ Davlat departamenti 2025-yil noyabrida DV-2027 dasturida ariza topşiriş tartibiga özgartirişlar kiritilişini bildirgan, biroq röyxatdan ötiş boşlaniş sanasini e’lon qilmagan.

2026-yilda dasturga oid yangi talablar ham belgilandi. Jumladan, ariza topşirişda amaldagi xorijga çiqiş pasporti ma’lumotlarini taqdim etiş va bir dollar miqdorida elektron röyxatdan ötiş tölovi joriy etilişi közda tutilgan.

AQŞ Davlat departamenti rasmiy röyxatdan ötiş sanalari va tartib-qoidalarini öz saytida e’lon qilişi kerak.

Özbekistonliklar uçun eslatma: AQŞning Toşkentdagi elçixonasi ham DV-2027 lotereyasiga röyxatdan ötiş hali boşlanmaganini bildirgan. Ariza qabul qiliş boşlanganini da’vo qiluvçi xabarlar va ğoliblik imkoniyatini oşirişni va’da qiluvçi xizmatlarga işonmaslik tavsiya etiladi.

Avvalroq AQŞning San-Diyego şahridagi federal sud Davlat departamentiga 2027-yilgi Diversity Visa – Green Card lotereyasi uçun röyxatdan ötişni qayta oçişni buyurgandi.