Hafta davomida yomğirli va iliq ob-havo kutilmoqda

2 – 6-noyabr kunlari Özbekistonda, asosan, iliq ob-havo saqlanib turadi. Haftaning ayrim kunlarida yomğir yoğişi, baland toğlarda esa qor kuzatilişi mumkin. Bu haqda «Özgidromet» ma’lum qildi.

Bugun va ertaga respublikaning katta qismida quruq va iliq ob-havo saqlanadi. Kunduzgi harorat asosan +20…+23 daraja böladi.

4-noyabr kuni Buxoro, Navoiy va Surxondaryo viloyatlarining ayrim joylarida yomğir yoğişi kutilmoqda. Keçga tomon esa respublikaning boşqa hududlarida ham yomğir bölişi mumkin. Şimoliy va şarqiy hududlarda yoğingarçilik kutilmaydi.

5-noyabrda yomğir ayrim hududlarda saqlanadi

5-noyabr kuni respublikaning markaziy va şarqiy hududlarida keçasi va ertalab ayrim joylarda yomğir yoğişi mumkin.

6-noyabrda esa respublikaning katta qismida yoğingarçilik kutilmaydi. Faqat Qoraqalpoğistonning şimoliy hududlarida yomğir yoğişi mumkin.

Hafta davomida keçalari harorat asosan +7…+12 daraja atrofida böladi. 4 – 5-noyabr kunlari kunduzgi harorat +18…+23 daraja, 6-noyabrda esa +23…+25 darajagaça kötariladi. Janubiy hududlarda havo +27 darajagaça isişi mumkin.

Özbekistonning toğli hududlarida ayrim joylarda yomğir yoğadi. Baland toğlarda yoğingarçilik qorga aylanişi mumkin. Şamol şarqdan sekundiga 7–12 metr tezlikda esadi.

Toşkentda ob-havo qanday böladi

Toşkent şahrida hafta davomida, asosan, yoğingarçiliksiz ob-havo kutilmoqda. Faqat 4-noyabr kuni keçqurun hamda 5-noyabr keçasi va ertalab biroz yomğir yoğişi mumkin.

Poytaxtda keçasi havo +8…+10 daraja, kunduz kuni esa +20…+22 daraja atrofida böladi. Şamol şarqdan sekundiga 3–8 metr tezlikda esadi.

Eslatib ötamiz, avvalroq 2-noyabr kuni Özbekistonning aksariyat hududlarida yoğingarçilik kutilmasligi haqida xabar berilgandi. Respublikaning toğoldi va toğli hududlarida esa ayrim joylarda yomğir yoğişi, baland toğlarda qorga aylanişi mumkin.