Özbekiston sentabrda ham oltin eksport qilmadi — Statistika qömitasi

Özbekiston joriy yilning sentabr oyida ham oltin eksport qilmadi. Milliy statistika qömitasi ma’lumotlariga köra, sentabr yakunida ham oltin eksporti iyuldagi $2,8 mlrd körsatkiçni saqlab qoldi.

2026-yilning dastlabki töqqiz oyida Özbekiston jami $25,84 mlrdlik mahsulot va xizmat eksport qilgan. Şundan oltinning uluşi 10,8 foizni taşkil etgan.

Taqqoslaş uçun, 2025-yil yanvar – sentabr oylarida oltin eksporti $9,8 mlrd bölgan. Demak, 2026-yilning shu davrida oltin eksporti qiymati qariyb 3,5 baravar kamaygan.

Oltin eksporti yil davomida ayrim oylarda amalga oşirilgan

Avvalroq yanvar – iyul oylarida Özbekistonning oltin eksporti $2,8 mlrdni taşkil etgani ma’lum bölgan. Yilning dastlabki yetti oyida oltin faqat aprel va iyul oylarida eksport qilingan edi.

Avgust va sentabr yakunlaridagi statistika ham umumiy oltin eksporti hajmi $2,8 mlrdda qolganini körsatmoqda. Bu esa avgust va sentabr oylarida ham oltin eksporti amalga oşirilmaganini anglatadi.

Eslatib ötamiz, 2026-yilning yanvar – sentabr oylarida Özbekiston respublika tovar-xom aşyo birjasi (ÖzRTXB) orqali oltin savdosi ötgan yilning mos davridagiga nisbatan 2,4 baravar oşib, 8,8 tonnaga yetgani xabar qilingandi. ÖzRTXB boş makleri Islombek Ibrogimovning sözlariga köra, ösişning asosiy sabablaridan biri mamlakatda zargarlik sanoatining rivojlanişi va yirik işlab çiqariş korxonalari sonining köpayişidir.