«Nasaf» safarda kambek bilan ğalaba qozondi

Qarşining «Nasaf» klubi Osiyo Çempionlar ligasi-2 guruh bosqiçining 4-turida safarda «Kuvayt SK»ni 3:2 hisobida mağlub etdi. Bu haqda Osiyo futbol konfederatsiyasi (AFC) xabar berdi.

«Nasaf» ikkinçi bölimda 3 ta gol urdi

Mezbonlar birinçi bölimda ikki bor «Nasaf» darvozasini işğol qilib, tanaffusga 2:0 hisobida ustunlik bilan çiqdi.

Ikkinçi bölimda Bobir Abdixoliqov 57 va 67-daqiqalarda ikki gol urib, hisobni tenglaştirdi. 81-daqiqada esa Oybek Rustamov «Nasaf»ning ğalaba goliga mualliflik qildi. Şu tariqa Qarşi klubi 0:2 hisobini 3:2 ga aylantirib, turnirdagi ilk ğalabasini qölga kiritdi. Qarşi jamoasi birinçi bölimdan söng 0:2 hisobida ortda qolayotgan edi.

Ğalabadan söng «Nasaf»ning ochkolari soni 4 taga yetdi. «Kuvayt SK» esa 6 ochko bilan Qarşi klubidan ikki ochko oldinda bormoqda. Guruh bosqiçi yakuniga yana ikki tur qoldi.

«Nasaf» navbatdagi öyinni 2026-yil 25-noyabr kuni öz maydonida Bahraynning «Al-Xolidiya» klubiga qarşi ötkazadi.

Avvalroq «Nasaf» klubi Osiyo Çempionlar Ligasi 2 guruh bosqiçining uçinçi turida Kuvaytning «Al-Kuvayt» jamoasiga 0:1 hisobida yengilgani haqida xabar berilgan edi.