Özbekiston milliy terma jamoasi boş murabbiyi Fabio Kannavaro kelajakda Italiya terma jamoasini boşqariş uning asosiy orzusi ekanini aytdi. Bu haqda u Sky Sport Italia naşriga bergan intervyusida ma’lum qildi.
«Mening maqsadim va orzuim — Italiya terma jamoasini boşqariş», – dedi Kannavaro.
Italiyalik mutaxassis bu maqsadga erişiş uçun katta natijalar qayd etişga intilayotganini ta’kidladi. U murabbiylik faoliyatida A Seriyada «Udineze» bilan işlagani va jamoani quyi ligaga tuşib ketişdan saqlab qolganini ham eslatdi.
Kannavaroning Özbekiston bilan şartnomasi bor
Fabio Kannavaro 2025-yil oktabrida Özbekiston milliy terma jamoasi boş murabbiyi etib tayinlangan. U Timur Kapadze örnini egallagan.
Mutaxassis Özbekiston futbol federatsiyasi bilan 2+3 yillik şartnoma imzolagan. Amaldagi kelişuvning asosiy muddati 2027-yil oktabrigaça davom etadi.
Kannavaro Özbekiston terma jamoasiga kelişidan avval «Benevento», «Udineze» va Xorvatiyaning «Dinamo Zagreb» klublarida işlagan.
Avvalroq Özbekiston futbol assotsiatsiyasi (ÖFA) milliy terma jamoa boş murabbiyi Fabio Kannavaro lavozimini tark etişi mumkinligi haqidagi xabarlarni rad etgandi.
