Instagram blogerlarga videolar uçun 500 ming dollargaça bermoqçi
Instagram ayrim maşhur kontent yaratuvçilarga yangi Features formatida uzun videolar joylaş uçun 500 ming dollargaça bir martalik tölov taklif qilmoqda. Bu haqda Business Insider ma’lumotlariga tayanib, Social Media Today xabar berdi.
Instagram 26-oktabrdan AQŞdagi ayrim ijodkorlar bilan yangi Features formatini sinovdan ötkaza boşlagan. U orqali 90 daqiqagaça bölgan gorizontal videolarni joylaş mumkin. Format podkast, intervyu va vlog kabi uzoq videolar uçun möljallangan.
Ayrim blogerlarga $50 mingdan $500 minggaça taklif qilingan
Business Insider ma’lumotlariga köra, Instagram ayrim kontent yaratuvçilarga Features’da uzun videolar joylaş uçun 50 ming dollar, boşqalariga esa olti xonali summalarni taklif qilgan. Eng katta takliflar 500 ming dollargaça yetgan.
Bu tölovlar muntazam daromad uluşi emas, balki kontent yaratuvçilarni yangi formatga jalb qiliş uçun beriladigan bir martalik mablağlardir.
Meta Business Insider’ga tölovlarning aniq summalarini tasdiqlamagan yoki rad etmagan. Kompaniya vakili Meta ayrim ijodkorlarning Features’dagi kontentini bevosita moliyalaştirayotganini bildirgan.
Instagram YouTube bilan raqobatlaşmoqçi
Instagram rahbari Adam Mosseri uzun videolar uçun ijodkorlarni qanday rağbatlantiriş masalasi muhimligini tan olgan. Kompaniya hozirça uzoq videolar uçun YouTube’dagi kabi barqaror reklama daromadi uluşi tizimini joriy etmagan.
YouTube Partner Program orqali kontent yaratuvçilar videolaridagi reklamalardan daromad olişi mumkin. Instagram’da esa körişlar soniga asoslangan daromad YouTube’dagiga nisbatan ança çeklangan. VidIQ tahliliga köra, YouTube’da uzun videolarning 1 ming körişi uçun odatda 1 – 10 dollar atrofida reklama daromadi töğri keladi, Instagram’da esa brend bilan alohida reklama kelişuvisiz bunday daromad deyarli mavjud emas.
Instagram ilgari ham uzun videolarni rivojlantirişga urinib körgan. 2018-yilda kompaniya IGTV platformasini işga tuşirgan, biroq loyiha kutilgan darajada ommalaşmagan va 2022-yilda alohida IGTV ilovasi yopilgan.
Instagram yana bir bor uzun videolarga pul tikmoqda
Meta 2021-yilda ham ijodkorlarni uzoq videolar yaratişga jalb etiş uçun katta mablağ ajratişini e’lon qilgan edi. Endi kompaniya Features orqali uşbu yönalişni qayta rivojlantirmoqda.
Instagram ayni paytda uzun videolarni köproq körsatiş va ijodkorlarni jalb qiliş uçun boşqa imkoniyatlarni ham sinamoqda. Xususan, ayrim foydalanuvçilarda uzun videolar Explore sahifasining yuqori qismida körsatilmoqda.
Biroq kompaniya hozirça barça ijodkorlar uçun uzoq videolardan muntazam daromad oliş imkonini beradigan yagona tizimni e’lon qilmagan.
Avvalroq Meta sun’iy intellektni rivojlantirişni moliyalaştiriş uçun 35 mlrd dollarlik aksiyalarni joylaştirişni boşlagani haqida xabar berilgandi.
