2026-yil 24-dekabrdan Toşkentda qoidabuzarlik uçun uşlangan avtomobillarni evakuatsiya qiliş va jarima maydonçasida saqlaşning yangi tartibi kuçga kiradi. Uşbu tartib Vazirlar Mahkamasining 22-sentabrdagi 508-son qarori bilan tasdiqlangan.
Yangi tizimda avtomobilni evakuatorga yuklaşdan boşlab, jarima maydonçasidan egasiga qaytarişgaça bölgan jarayon elektron tarzda nazorat qilinadi. Buning uçun Yöl harakati xavfsizligi xizmatining «Jarima maydonçasi» moduli işlatiladi. Avtomobilning maydonçaga kiritişi, saqlanişi va olib çiqilişi videokuzatuv orqali ham qayd etiladi.
Evakuatsiyani qaçon töxtatiş mumkin
Haydovçi avtomobilni evakuatorga yuklaş boşlanmasidan oldin qaytib kelib, qoidabuzarlikni bartaraf etsa, avtomobilni olib ketişga zarurat qolmasligi mumkin. Biroq avtomobilni evakuatorga joylaştiriş jarayoni boşlanganidan keyin evakuatsiya davom ettiriladi.
Avtomobilning jarima maydonçasida saqlaniş muddati ham uni evakuatorga joylaştirilgan paytdan boşlab hisoblanadi.
Avtomobil QR-kod bilan qaytariladi
Qoidabuzarlik sababi bartaraf etilgandan keyin avtomobilni jarima maydonçasidan olib çiqişga elektron tizim orqali ruxsat beriladi.
Ruxsatnoma vakolatli mansabdor şaxs tomonidan «Jarima maydonçasi» modulida rasmiylaştiriladi va QR-kod bilan tasdiqlanadi. Elektron ruxsatnoma avtomobil egasiga va jarima maydonçasi operatoriga yuboriladi, haydovçining telefoniga esa SMS keladi.
Avvalroq Poytaxt Parking kompaniyasi Xalq demokratik partiyasining pulli avtoturargohlar böyiça bildirgan fikrlariga javob bergani haqida xabar berilgan edi.
