Mahalliy Kengaşlarda hokimlar hisobotini eşitiş tartibi özgaradi

Özbekistonda mahalliy Kengaşlarda hokimlar va boşqa ijro etuvçi hokimiyat organlari rahbarlarining hisobotlarini eşitiş tizimi takomillaştiriladi. Bu prezidentning tegişli farmonida belgilandi.
Rahbarlar hisobotni şaxsan taqdim etadi
Farmonga köra, mahalliy Kengaşlarda eşitiladigan hisobotlar röyxati va ularni taqdim etiş muddatlari belgilanadi.
Mahalliy ijro etuvçi hokimiyat organlari rahbarlari öz hisobot yoki axborotlarini belgilangan muddatda mahalliy Kengaşga şaxsan taqdim etişi kerak böladi.
Bu Kengaşlarning ijro hokimiyati faoliyati ustidan nazoratini kuçaytirişga qaratilgan.
Har çorakda hududlardagi muammolar muhokama qilinadi
Har çorakda bir marta Kengaş sessiyasining kun tartibidagi birinçi masala sifatida saylov okruglaridagi muammolar muhokama qilinadi.
Muhokamalar, qoida tariqasida, hokim va uning örinbosarlari iştirokida ötkaziladi.
Bunda masalalar aholi ehtiyojlari va hududlardagi mavjud muammolardan kelib çiqib körib çiqiladi.
Deputatlar budjet xarajatlarining bir qismini yönaltiradi
Farmonda mahalliy budjetlarni şakllantiriş tartibiga ham özgartiriş kiritildi.
2028-yil uçun mahalliy budjet loyihasi şakllantirilganda xarajatlarning 3 foizdan 5 foizgaça bölgan qismi hudud toifasidan kelib çiqib, bevosita deputatlar taşabbusi asosida yönaltiriladi.
Bu mablağlar deputatlar kötargan hududiy muammolarni hal etişga yönaltirilişi mumkin.
Budjet taşabbuslari oldindan şakllantiriladi
Deputatlarning budjet taşabbuslari kelgusi yil uçun budjet sörovi şakllantiriladigan muddatdan kamida bir oy oldin tayyorlanişi kerak.
Şu orqali deputatlar mahalliy ehtiyojlarni budjet rejalaştiriş jarayoniga oldindan kiritiş imkoniga ega böladi.
Avvalroq Kursiv Uzbekistan hokim yordamçilariga bir martalik rağbat puli berilişi haqida yozgan edi.