Yangiliklar

2026-yilda 1 million aholi doimiy ish bilan ta’minlanish, shuningdek, ishsizlik va kambag‘allikni 4,5 foizga tushirish rejalashtirilmoqda. Bu haqda Shavkat Mirziyoyev kambag‘allikni qisqartirish va aholi bandligini ta’minlash bo‘yicha videoselektor yig‘ilishida ma’lum qildi.

Davlat rahbari mahalla tizimining ishga solinishi bo‘yicha hokimlar va mutasaddilarga metodik yordam yetishmasligini, shuningdek, ko‘plab hududlarda mavjud imkoniyatlardan unumli foydalanilmayotganini ta’kidladi.

Arnasoyda chorvachilik, Sho‘rchida banan yetishtirish, Quvada anorchilik va Bo‘stonliqda asalarichilik kabi tajribalar boshqa tumanlar uchun yaxshi namuna bo‘lishi mumkin, ammo buni kengaytirish tizimi yo‘qligi qayd etildi.

Mutasaddilarga ishsizlik va kambag‘allik yuqori bo‘lgan mahallalardagi imkoniyatlarni o‘rganib, tajribalarni kengaytirish bo‘yicha metodik qo‘llanma tayyorlash topshirildi. Shuningdek, Mirziyoyev 2026-yil uchun...

Og‘ir tumanlardagi 903 ta mahallaning har biriga 1 mlrd so‘mdan ajratiladi. Bu haqda prezident Shavkat Mirziyoyev ishtirokidagi yig‘ilishda ma’lum qilindi. Har bir og‘ir tumanga 50 mlrd so‘m, har bir og‘ir mahallaga esa 2 mlrd so‘mdan mablag‘ yo‘naltiriladi.

O‘tkazilgan o‘rganishlar natijasida infratuzilma, turmush darajasi, biznes faolligi va moliyaviy imkoniyatlar kabi 20 ta mezon asosida 37 ta og‘ir tuman aniqlandi. Shuningdek, har bir tuman tahlil qilinib, kambag‘allik darajasi yuqori bo‘lgan 903 ta og‘ir mahalla tanlab olindi.

Kambag‘al oilalarning uchdan biri, ishsizlarning 21 foizi aynan ushbu 37 ta tuman va 903 ta mahallada yashaydi.

«Asosiy kuchni ushbu...

Axborot xizmati rahbarlarini attestatsiyadan o‘tkazish tartibi belgilandi. Bu haqda Adliya vazirligi xabar bermoqda. Ular endi har uch yilda bir marta attestatsiyadan o‘tkaziladi.

Attestatsiya o‘tkazish uchun Markaz direktori tomonidan kamida yetti kishidan iborat attestatsiya komissiyasi tuziladi. Komissiya, talabgorlarning ro‘yxatini taqdim etish uchun davlat organlari va tashkilotlaridan murojaat qiladi.

Komissiya tomonidan talabgorlarning anketa ma’lumotlari 10 kun ichida batafsil o‘rganilib, attestatsiyadan o‘tishi kerak bo‘lgan talabgorlar ro‘yxati tasdiqlanadi. Attestatsiya ikki oy ichida o‘tkaziladi. Suhbat 5 ta savol va amaliy sinovlardan iborat bo‘ladi.

Attestatsiya jarayonida talabgorning natijalari 5 ballik tizimda baholanadi. Kamida 4 ball to‘plagan talabgor attestatsiyadan o‘tgan deb topilib, unga attestatsiyadan o‘tganlik to‘g‘risidagi...

2025-yil yakunlariga ko‘ra, O‘zbekistonda chakana va ulgurji savdo aylanmasi barqaror o‘sish sur’atlarini namoyish etdi. Milliy statistika qo‘mitasi bergan rasmiy ma’lumotlarga ko‘ra, umumiy ko‘rsatkichlar o‘tgan yilning mos davriga nisbatan sezilarli darajada oshgan.

Mamlakatning chakana savdo tovar aylanmasi 482,4 trln so‘mni tashkil etgan. Bu ko‘rsatkich o‘tgan yilning mos davri bilan solishtirilganda 11,2 foizga o‘sganini ko‘rsatadi. Joriy yilning 1-yanvar holatiga ko‘ra, respublikada chakana savdo sohasida faoliyat yuritayotgan tijorat korxonalari soni 86,1 mingtani tashkil etmoqda.

Ulgurji savdo yo‘nalishida ham ijobiy dinamika kuzatildi. Ma’lum qilinishicha, hisobot davrida ulgurji savdo tovar aylanmasi 543,3 trln so‘mga yetgan. Bu esa o‘tgan yilga nisbatan 12,5 foizlik o‘sish demakdir...

TikTok ilovasining Xitoydagi egasi ByteDance kompaniyasi AQSh hududida bloklanish xavfini bartaraf etish maqsadida amerikalik investorlar nazoratidagi yangi qo‘shma korxona tashkil etish bo‘yicha kelishuvni yakunladi. Bu haqda Reuters agentligi xabar bermoqda.

Kelishuv shartlariga ko‘ra, yangi tashkil etilgan TikTok USDS Joint Venture LLC korxonasining 80.1 foiz ulushi Amerika va xalqaro investorlar qo‘liga o‘tadi. ByteDance kompaniyasi esa korxonada atigi 19.9 foiz ulushni saqlab qoladi. Asosiy investorlar qatorida Oracle, Silver Lake va Abu-Dabida joylashgan MGX kompaniyalari bo‘lib, ularning har biri 15 foizdan ulushga ega bo‘ldi.

AQSh prezidenti Donald Tramp ushbu kelishuvni yuqori baholab, TikTok endilikda Buyuk Amerika vatanparvarlari va dunyodagi eng yirik investorlar...

26-yanvar uchun valyutalar kursi yangilandi. Unga ko‘ra, dollar 51,97 so‘mga tushib, 12 084,95 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

16-yanvar kuni dollar pasayishda davom etib, 11 969,66 so‘mni tashkil etdi. 19-yanvarda dollar 6,88 so‘mga pasayib, 11 962,78 so‘m, 20-yanvarda 88,93 so‘mga oshib, 12 050 so‘m, 21-yanvarda 21,58 so‘mga oshib, 12 072 so‘m, 22-yanvarda esa 48,78 so‘mga oshib, 12 122,07 so‘m etib belgilandi. 23-yanvarda 14,85 so‘mga oshib, 12 136,92 so‘mga yetdi.

Markaziy bank ma’lumotlariga ko‘ra, yevro 8,8 so‘mga tushib, 14 141,82 so‘mni, rubl 0,68 so‘mga tushib...

AQSh rasmiy ravishda Jahon Sog‘liqni Saqlash Tashkilotidan (JSST) chiqdi. Bu haqda BBC xabar bermoqda.

Donald Tramp bir yil oldin JSSTdan chiqish uchun qaror imzolagan edi. U pandemiya davrida tashkilotni Xitoyga yo‘naltirilgan deb tanqid qilgan edi.

Pandemiya ortidan JSST a’zo davlatlari kelajakdagi pandemiyalarga tayyor turish, vaksinalar va dori-darmonlarni adolatli bo‘lishini ta’minlash uchun xalqaro pandemiya bitimini ishlab chiqishga harakat qilishdi. Ushbu bitim 2022-yil aprelida barcha a’zo davlatlar tomonidan tasdiqlandi, lekin AQSh bu jarayondan tashqarida qoldi.

Qo‘shma shtatlar an’anaviy ravishda JSSTning eng katta donorlaridan biri bo‘lgan, ammo 2024 va 2025-yilga mo‘ljallangan to‘lovlarni amalga oshirmagan, bu esa tashkilotda katta ish o‘rinlari yo‘qolishiga sabab...

Prezident maslahatchisi va sobiq tashqi ishlar vaziri Abdulaziz Komilov O‘zbekistonning Tinchlik kengashiga qo‘shilishining sabablarini va undan kutayotgan manfaatlarini izohladi.

Komilovning so‘zlariga ko‘ra, kengashning asosiy maqsadi Yaqin Sharqda davom etayotgan inqirozlarni hal qilish va mintaqada tinchlikni ta’minlashdir. O‘zbekiston ushbu tashabbusni qo‘llab-quvvatlashni qaror qildi, chunki Yaqin Sharqdagi tinchlikni saqlash, ayniqsa, uning xavfsizligini ta’minlash uchun bunday xalqaro hamkorlik zarur. O‘zbekistonning bu tashabbusni qo‘llab-quvvatlashining yana bir sababi, uning tashqi siyosatining asosiy tamoyillariga, ya’ni tinchlik va barqarorlikka intilishiga to‘liq mos kelishi hamda mintaqada O‘zbekistonning jiddiy manfaatlarining mavjudligida.

Komilov, shuningdek, bir necha yil avval O‘zbekistondan Yaqin Sharqqa jo‘nab ketgan, so‘ngrahar xil guruhlarga qo‘shilib, yana O‘zbekistonga...

Qozog‘iston Tinchlik kengashiga a’zo bo‘ldi, ammo tashkilotning nizomi bo‘yicha a’zolik uchun belgilangan milliard dollarlik majburiy moliyaviy to‘lovni amalga oshirmadi. Bu haqda Akorda matbuot xizmati xabar berdi.

Davosda Tinchlik kengashining Nizomini imzolash marosimi o‘tkazildi. Akorda bayonotida ta’kidlanishicha, dunyo kengashiga kirish uchun davlatning mustaqil qarori zarur bo‘lgan.

«Nizomda ko‘rsatilgan bir milliard dollarlik ko‘ngilli to‘lov a’zolik uchun majburiy shart emas. Bu har bir ishtirokchi davlatning huquqi hisoblanadi. Agar to‘lov birinchi yil ichida amalga oshirilsa, davlat o‘zining kengashda qolish muddatini uch yildan ortiq uzaytirish imkoniyatiga ega bo‘ladi. Biroq, Qozog‘iston kengashga a’zo bo‘lish uchun hech qanday moliyaviy to‘lov amalga oshirmagan...

Markaziy Osiyoda elektr energiyasi bozorini yaratish uchun $1 mlrd ajratiladi. Jahon banki «Markaziy Osiyoda elektr energiyasi bozorini rivojlantirish va energiya tizimlari integratsiyasi» (REMIT) dasturini tasdiqladi. Dastur 10 yil davom etadi va mintaqada birinchi mintaqaviy elektr energiyasi bozorini yaratishga qaratilgan.

Dasturning birinchi bosqichida energiya tizimlarining integratsiyasi va savdoni rivojlantirishga e’tibor qaratiladi. Shuningdek, Qirg‘iziston, Tojikiston, O‘zbekiston va Markaziy Osiyo davlatlarining «Energiya» muvofiqlashtiruvchi-dispetcherlik markaziga umumiy qiymati $143,2 millionlik grantlar va imtiyozli kreditlar ajratiladi. Mablag‘larning $140 millioni Jahon bankining Xalqaro taraqqiyot assotsiatsiyasi (XTA) resurslaridan va $3,2 millioni Markaziy Osiyo suv va energetika dasturi (CAWEP) grantlari ko‘rinishida ajratiladi.

REMIT dasturi, 2050-yilga borib, energiya integratsiyasi va elektr...

Statistika agentligi 2025-yil yakunlari bo‘yicha sanoat ishlab chiqarishining dastlabki ko‘rsatkichlarini e’lon qildi. Unga ko‘ra, mamlakatda avtomobil benzini ishlab chiqarish hajmi 1,2 mln tonnani tashkil etgan.

Rasmiy hisobotda keltirilishicha, o‘tgan yil davomida energetika va yonilg‘i sanoatida barqaror ishlab chiqarish sur’atlari kuzatilgan. Xususan, tabiiy gaz qazib olish hajmi 42,3 mlrd kub metrga yetgan bo‘lsa, ko‘mir sanoatida bu ko‘rsatkich 8,9 mln tonnani tashkil qilgan.

Agentlik ma’lumotlariga ko‘ra, 2025-yilda dizel yonilg‘isi ishlab chiqarish 1,2 mln tonna, gaz kondensati 1,1 mln tonna va neft qazib olish hajmi 655,7 ming tonnani tashkil etdi. Shuningdek, avtomobil sanoatida 248 247 dona dvigatel tayyorlangan. Mutaxassislar ko‘mir va energiya...

Xorazmda fuqarolarni qo‘rqitib, ularga zo‘ravonlik qilib kelgan shaxslar qo‘lga olindi. Bu haqda IIV xabar bermoqda. Uchta holat bo‘yicha jinoyat ishi qo‘zg‘atilgan va gumondorlar qamoqqa olingan.

Urganch shahar markaziy dehqon bozori hududida Jommi Darital laqabi bilan tanilgan 29 yoshli shaxs 27 yoshli yigitning yo‘lini to‘sib, hech qanday sababsiz uni urib, tan jarohati yetkazgan. Jabrlanuvchining ichki ishlar organlariga murojaat qilishi asosida surishtiruv boshlanganidan so‘ng u yana ruhiy va jismoniy bosim o‘tkazishga uringan. Tezkor xodimlar tomonidan uning yonidan 3 gramm marixuana topilib, rasmiylashtirilgan.

Yana bir holatda ilgari Jinoyat kodeksining 277-moddasi (bezorilik) bilan sudlangan 28 yoshli fuqaro Bog‘ot tumanida 27 yoshli yigitni chaqirib...

Fransiya prezidenti Emmanuel Makron Davosdagi Jahon iqtisodiy forumida quyoshdan saqlovchi ko‘zoynakda ko‘rinish berdi. Davlat rahbarining ushbu imiji kutilmaganda ko‘zoynak ishlab chiqaruvchi kompaniya kapitallashuvining keskin o‘sishiga sabab bo‘ldi.

Prezidentning chiqishidan so‘ng iVision Tech kompaniyasi aksiyalari birjada 28 foizga ko‘tarilgan. Natijada kompaniyaning bozor qiymati $4,1 mlnga oshgan. Ma’lum bo‘lishicha, Makron minbarda Henry Jullien brendiga tegishli Pacific S 01 modelini taqqan. Ushbu aksessuarning narxi $773,8 tashkil qiladi.

Yelisey saroyining rasmiy versiyasiga ko‘ra, prezident ko‘zlaridagi muammo tufayli ko‘zoynak taqishga majbur bo‘lgan. Biroq internet foydalanuvchilari uning yangi obrazini mashhur «Mohir mergan» (Top Gun) filmi qahramoni Tom Kruzga qiyoslab, ijobiy munosabat bildirishmoqda.

Avvalroq Kursiv Uzbekistan...

Hyundai kompaniyasi tomonidan yangi Hyundai Staria Camper avtomobili taqdim etildi. Bu haqda Carcoops xabar bermoqda.

Elektr versiyasi bo‘lgan mini-vanning asosida qurilgan bo‘lib, bir martalik zaryad bilan faqat 400 km masofaga borish imkoniyatini beradi. Bu esa uzoq safarlar uchun yetarli bo‘lmasligi mumkin.

Modelda ko‘plab innovatsion imkoniyatlar mavjud. Masalan, roof topda joylashgan 520 Vt quyosh panellari bilan energiya ishlab chiqarish imkoniyati mavjud. Quyoshli kundalik sharoitda bu panellar 2,6 kVt/soat energiya ishlab chiqarishga qodir bo‘lib, u yordamida bordavur qurilmalari ishlatilishi yoki batareya zaryadlanishi mumkin.

Hyundai’ning yana bir yangiligi – «aqlli» oynalar. Ushbu oynalar orqa o‘rindiqlardagi shaffoflikni sensor ekran orqali boshqarish imkoniyatini beradi...

iQOO brendi o‘zining navbatdagi kuchli flagmani iQOO 15 Ultra haqidagi tizerlarini e’lon qilib, uning dizayni, ranglar xilma-xilligi va ayrim texnik xususiyatlarini ommaga taqdim etdi.

iQOO 15 Ultra ikki xil rangda sotuvga chiqadi. Och havorang hamda zarg‘aldoq rangli naqshlari tushirilgan qora variant. Smartfon korpusi tekis qirralarga ega bo‘lib, orqa panelning yuqori chap burchagida maxsus yoritqichga ega kvadrat shaklidagi uchta kamerali modul joylashgan.

E’tiborli jihati, qurilmaning o‘ng tomonida odatiy ovoz va quvvat tugmalaridan tashqari, yana ikkita qo‘shimcha tugma o‘rin olgan. Bu smartfonning geymerlar auditoriyasiga qaratilganini yana bir bor tasdiqlaydi.

iQOO mahsulotlar bo‘yicha direktori yangi flagmanning AnTuTu benchmarkidagi natijalarini ham bo‘lishdi. iQOO...

You Tube’dagi CarShow Tv kanali tomonidan Kia Sonet 2026 avtomobilining dizayni namoyish etildi. Kursiv Uzbekistan videoga tayanib modelning ko‘rinishi haqida material tayyorladi.

Maqolada quyidagilar haqida so‘z boradi:

Old dizayni

Orqa dizayn qanday

Ichki qismi

Old dizayni

Kia Sonet 2026 modelining tashqi ko‘rinishi avtomobilni bozorga taklif qilgan kompaniyaning yangi dizayn yondashuvini aks ettiradi. Yangi modelning o‘ziga xos xususiyatlari, o‘zgarishlarga boy tashqi ko‘rinish, va o‘ziga xos elementlar bilan ajralib turadi.

Avtomobilning old paneli yangi, dinamik va zamonaviy yorug‘lik elementlari bilan bezatilgan. Front optik elementlar orasida o‘zgacha geometrik shakllar, yirik tarmoqqa o‘xshash radiator...

AQSh prezidenti Donald Tramp JPMorgan Chase banki va uning bosh direktori Jeymi Dimonga qarshi $5 mlrdlik da’vo arizasini topshirdi. Bu haqda Reuters agentligi xabar berdi.

Tramp bankni o‘zi va kompaniyalariga tegishli hisob raqamlarini yopib, siyosiy maqsadlar uchun moliyaviy cheklovlar qo‘llashda aybladi. Da’voda bankning qora ro‘yxat tuzgani, mablag‘larni boshqa moliya institutlariga ko‘chirishga majbur qilish orqali uning obro‘siga zarar yetkazgani ko‘rsatildi.

JPMorgan bu ayblovlarni rad etdi. Bankning bayonotida ta’kidlanishicha, hisob raqamlarni yopish faqat yuridik yoki tartibga oid xavf tug‘ilgandagina amalga oshiriladi. Tramp bunda boshqa moliya institutlarini ham aybli borligini aytdi. JPMorgan esa o‘z siyosatiga rioya qilganini va hisoblarni yopishda hech...

Raqobat qo‘mitasi tomonidan 12 ta korxona ustun muzokara kuchiga ega deb e’tirof etildi. Bu haqda qo‘mita matbuot xizmati xabar berdi.

Unga ko‘ra, bozordagi asosiy ishtirokchilarning faoliyati maishiy chiqindilarni to‘plash va olib chiqib ketish, shuningdek, temir yo‘l liniyalarini foydalanishga berish xizmatlari bo‘yicha o‘rganildi.

Tahlil natijalariga ko‘ra, ayrim xo‘jalik yurituvchi subyektlar o‘zlariga biriktirilgan hududlarda ustun muzokara kuchiga ega deb e’tirof etildi.

Xususan, Toshkent viloyatida maishiy chiqindilarni to‘plash va olib chiqib ketish xizmatlari bo‘yicha «Zangiota Obodon» MChJ, «Rahnamo Servis» MChJ hamda «Angren Bunyod Fayz» MChJ ushbu maqomga ega bo‘ldi. Farg‘ona viloyatida mazkur xizmatlar bo‘yicha «Maxsus Garant Avto Servis» MChJ va «Vodiy Maxsus...

Tesla va SpaceX kompaniyalari asoschisi Ilon Mask Davosdagi Jahon iqtisodiy forumida ishtirok etib, insoniyat sivilizatsiyasi, energetika muammolari va sun’iy intellekt istiqbollari haqida o‘z fikrlarini bildirdi.

Forum davomida so‘zga chiqqan Mask o‘z kompaniyalarining umumiy maqsadi sivilizatsiya uchun buyuk kelajakni ta’minlash va inson ongi hamda qamrovini Yer hududidan tashqariga kengaytirish ekanini ma’lum qildi.

Tadbirkor global energetika masalasiga ham to‘xtalib, AQSh va Yevropa davlatlarini yirik hajmdagi quyosh energiyasi ishlab chiqarishni yo‘lga qo‘yishga chaqirdi. Uning so‘zlariga ko‘ra, ayni paytda Xitoy ushbu sohada ishlab chiqarish quvvatlari bo‘yicha yaqqol yetakchilik qilmoqda va G‘arb davlatlari bu borada ortda qolmasligi kerak.

Shuningdek, Ilon Mask sun’iy intellekt mavzusida...

Farg‘ona vodiysida kuzatilgan noqulay ob-havo, xususan, kuchli qor yog‘ishi sababli bir nechta xalqaro va mahalliy aviareyslar muqobil aerodromlarga yo‘naltirildi. Bu haqda Uzbekistan Airports xabar berdi.

Xususan, S7 Airlines aviakompaniyasining Irkutsk – Andijon yo‘nalishidagi S76311 reysi ekipaji parvozni Qirg‘izistonning O‘sh shahridagi muqobil aerodromga yo‘naltirishga qaror qilgan. Samolyot mahalliy vaqt bilan soat 00:01 da qo‘ngan.

Air Samarkand aviakompaniyasining Jidda – Namangan yo‘nalishidagi 9S5010 reysi ham ob-havo sharoiti sabab Samarqand aeroportiga yo‘naltirilib, soat 00:27 da qo‘nishni amalga oshirgan. Shuningdek, Ural Airlines’ning Yekaterinburg – Namangan yo‘nalishidagi U62963 reysi ham Samarqanddagi muqobil aerodromga yo‘naltirilib, soat 00:40 da qo‘ngan.

Uzbekistan Airways aviakompaniyasining Samara – Namangan...

Buyuk Britaniyaning Times Higher Education reyting tashkiloti 2026-yil uchun fanlar bo‘yicha eng nufuzli universitetlar ro‘yxatini e’lon qildi. O‘zbekistonning to‘rtta oliy ta’lim muassasasi mazkur ro‘yxatdan joy oldi.

TIQXMMI Milliy tadqiqot universiteti tabiiy fanlar, matematika va statistika bo‘yicha 301 – 400, muhandislik fanlari bo‘yicha 401 – 500 o‘rinlarni egalladi. O‘zbekiston milliy universiteti tabiiy fanlar, matematika va statistika fanlari bo‘yicha 801 – 1000 o‘rinlarni oldi.

Toshkent davlat texnika universiteti tabiiy fanlar, matematika va statistika bo‘yicha 501 – 600, muhandislik fanlari bo‘yicha 801 – 1000 o‘rinlarni egalladi. Toshkent axborot texnologiyalari universiteti ta’lim yo‘nalishi bo‘yicha 601 – 800, muhandislik bo‘yicha...

Samsung kompaniyasi Janubiy Koreyada $700 mlrd kapitalizatsiyaga yaqinlashgan birinchi kompaniya bo‘ldi. Bu haqda Sammobile nashri xabar bermoqda.

Kompaniya aksiyalari qisqa vaqt ichida 160 000 vonni (taxminan $110) oshib, Samsung Electronicsning bozor kapitalizatsiyasini 1000 trillion vonni (taxminan $700 mltd) orttirgan.

So‘nggi yil davomida Samsung aksiyalari uch barobar oshgan. Xotira bozoridagi holatni inobatga olgan holda, aksiyalar yanada o‘sish tendensiyasini ko‘rsatishi kutilmoqda, chunki Samsung xotira ishlab chiqarish bozorida yetakchilardan biri hisoblanadi.

Ma’lumki, Janubiy Koreyada aksiyalar odatda bozordagi kapital cheklovlari sababli past baholanadi, ammo Samsung kompaniyasi nafaqat kompaniya, balki yirik iqtisodiy fenomen bo‘lib qolmoqda. Hozirda mamlakatda 20 yoshgacha bo‘lgan 400 000 dan ortiq...

1-yanvar holatiga ko‘ra, 2025-yil dekabr oyida banklardagi muammoli kreditlar (NPL) umumiy miqdori 18 trln so‘mga pasaygan. Bu ko‘rsatkich 1-dekabr bilan solishtirilganda 12 foizga foizga, ya’ni qariyb 2,5 trln so‘mga pasaygan. Noyabr oyida bu ko‘rsatkich 20,5 trln so‘mni tashkil etgandi.

Jami kreditlardagi NPL ulushi 3 foizga pasaydi. Noyabr oyida bu ko‘rsatkich 3,5 foizni tashkil qilgan. 1-yanvar holatiga ko‘ra, banklarning kredit portfeli 604 trln so‘mni tashkil qilgan. Noyabr oyiga nisbatan 9 trln so‘mga oshgan.

Davlat banklarida

Muammoli kreditlarning asosiy qismi davlat ulushi mavjud banklarga to‘g‘ri kelmoqda. Ularning jami miqdori 12,8 trln so‘mdan ortiqni tashkil qilgan. Bu noyabr oyiga nisbatan...

Chevrolet Matiz 2026 modelini yangi ko‘rinishda taqdim etdi, bu avvalgi Matiz’ning zamonaviy yangilanishi bo‘lib, shahar hayoti uchun mukammal tanlov sifatida ishlab chiqilgan. Kursiv Uzbekistan modelning texnik imkoniyatlari va xususiyatlarini batafsil o‘rgandi.

Mundarija:

Dizayn va tashqi ko‘rinish

Chevrolet Matiz 2026-yil yangi, yanada zamonaviy dizaynga ega. Korpusning yangi shakli avtomobilni yanada do‘stona va jozibali ko‘rsatadi, bu uning shahar hayotiga mos kelishini ta’minlaydi. Yangi model oldingi avlodga qaraganda yanada kengroq va...