Yangiliklar

100 dollarlik banknotalarda Trampning imzosi paydo bo‘ladi

Shu yilning iyunidan boshlab 100 dollarlik banknotalarda AQSh prezidenti Donald Trampning imzosi paydo bo‘ladi. Bu amaldagi prezidentning amerika puliga imzo qo‘yishi bo‘yicha birinchi holatga aylanadi, deya yozmoqda Reuters agentligi.

O‘zbekistonda daraxt ekkanlar uchun «metsenat» unvoni joriy etildi

O‘zbekistonda ekologiyani yaxshilash va «Yashil makon» umummilliy loyihasini rivojlantirish maqsadida yangi farmon qabul qilindi. Bu haqda Ekologiya va iqlim o‘zgarishi milliy qo‘mitasi xabar berdi.

Toshkentda Tojikiston elchixonasining yangi binosi ochildi — foto

Tojikiston Respublikasi prezidentining davlat tashrifi doirasida Toshkent shahrida Tojikiston elchixonasining yangi binosi ochilish marosimi bo‘lib o‘tdi. Bu haqda prezident matbuot xizmati ma’lum qildi.

Ford kompaniyasi shahar logistikasiga, kuryer xizmatlari va servis kompaniyalariga mo‘ljallangan yangi elektr furgon Transit City’ni taqdim etdi. Bu haqda Notebookcheck ma’lum qildi.

Yangi model ikki versiyada mavjud bo‘lib, bir tonnagacha bo‘lgan segmentda ilk bor bir kabinali shassi variantida chiqarildi. Katta L2H2 modifikatsiyada avtomobil 1275 kg gacha yuk tashiy oladi, korpus hajmi taxminan 8 kubometr va uzunligi uch metrdan ortiq. Kichikroq L1H1 versiyasi uchta Yevropoddonni tashishga mo‘ljallangan.

Transit City 150 ot kuchiga ega elektromotor va 56 kVt/soat sig‘imli LFP batareya bilan jihozlangan. Ford baholashicha, e’lon qilingan yurish masofasi 254 km bo‘lib, bu shu sinf avtomobillari uchun o‘rtacha kunlik masofadan...

AQSh bo‘ylab yuzlab shaharda prezident Donald Trampning siyosatiga qarshi norozilik namoyishlari o‘tkazildi. Bu haqda Reuters agentligi ma’lum qildi.

Mamlakat bo‘ylab 3,2 mingdan ortiq tadbir rejalashtirilgan bo‘lib, ularda Trampning immigratsiya siyosati, Eron bilan urush va boshqa siyosiy qarorlari tanqid qilindi.

Nyu York, Dallas, Filadelfiya va Vashington shaharlarida katta mitinglar bo‘lib o‘tdi. Shuningdek, tadbirlarning uchdan ikki qismi yirik shaharlardan tashqarida – kichik jamoalarda o‘tkazildi.

New Yorkda o‘n minglab ishtirokchilar Midtown Manhettenda ko‘chalarga chiqdi. Vashingtondagi National Mallda ishtirokchilar pro-demokratiya shiorlarini aytib, anti-Tramp plakatlari ko‘tarishdi.

Dallas va Los Angelesda esa «No Kings» ishtirokchilari va qarshi protest guruhlari o‘rtasida kichik to‘qnashuvlar...

O‘zbekiston va Vengriya o‘rtasida ilmiy hamda innovatsion hamkorlikni kengaytirish doirasida Jizzaxda yangi texnopark ochildi. Bu haqda «Dunyo» AA ma’lum qildi.

O‘zbekistonning Vengriyadagi elchixonasi diplomatlari ushbu yo‘nalishda hamkorlikni rivojlantirish maqsadida Obuda universiteti prorektori Piter Galambosh va rektor vakili Antal Nemet bilan muzokaralar o‘tkazdi.

Uchrashuvda O‘zbekiston Oliy ta’lim, fan va innovatsiyalar vazirligi, Jizzax viloyati hokimligi, oliy ta’lim muassasalari, sanoat kompaniyalari, startaplar hamda ikki mamlakat ishbilarmon doiralari vakillari ishtirok etdi.

Muzokaralar yakunida Jizzax shahrida O‘zbekiston – Vengriya ilmiy-innovatsion texnoparkining rasmiy ochilishi e’lon qilindi. Mazkur texnopark oliy ta’lim va fan sohasida hamkorlikni mustahkamlash, ilmiy tadqiqotlarning amaliy samaradorligini oshirish hamda universitetlar va sanoat...

Xitoyning Oppo kompaniyasi K15 Pro seriyasiga oid yangi tafsilotlarni rasman e’lon qildi. Bu haqda ITHome nashri ma’lum qildi.

Dizayn va rang talqinlari

Oppo K15 Pro seriyasidagi Golden Legend rangli modeli aerokosmik darajadagi soxta (kovan) uglerod tolasi texnologiyasi bilan ishlab chiqiladi. Orqa panel har bir qurilma uchun noyob bo‘lib, uglerod tolalari tartibsiz joylashadi va oltin rangli elementlar bilan uyg‘unlashadi. Cyber Wing varianti esa uch o‘lchamli effekt beruvchi matritsali tuzilma bilan ajralib turadi.

Origin Gray rangli model metallning tabiiy rangini sodda va tartibli chiziqlar bilan birlashtiradi, Light Dust Pink esa tonggi quyosh nurlaridan ilhomlangan nozik dizaynga ega bo‘ladi...

Taniqli jurnalist, tarjimon, yozuvchi, sobiq deputat Karim Bahriyev 64 yoshida vafot etdi. Bu haqda O‘zbekiston Jurnalistlar uyushmasi ma’lum qildi.

Karim Hakimovich Bahriyev 1962-yilning 15-iyulda Samarqand viloyatining Urgut tumanidagi Gʻoʻs qishlogʻida tugʻilgan. U 1979-yilda Urgutdagi 8-maktabni oltin medal bilan tugatgan va keyinchalik Samarqand davlat universiteti Rus filologiyasi fakultetida tahsil olgan. 1985-yilda Moskva davlat universitetining Jurnalistika fakultetini tamomlagan.

Shuningdek, u O‘zbekiston Jurnalistlar uyushmasi Jamoatchilik kengashi raisi, mamlakat Yozuvchilar uyushmasi a’zosi, „Oltin meros“ xalqaro xayriya jamg‘armasi „Meros-nyus“ axborot xizmati rahbari va O‘zbekiston Respublikasi Jurnalistika va ommaviy kommunikatsiyalar universitetida media huquqi va etikasi fani muallimi sifatida ishlagan.

Karim Bahriyev ko‘plab...

AQSh Federal tergov byurosi (FBI) direktori Kash Patelning shaxsiy elektron pochtasi xakerlar tomonidan hujumga uchradi. Bu haqda TechCrunch nashri ma’lum qildi.

Eron hukumati bilan bog‘liq Handala nomli xakerlik guruhi Patelning shaxsiy G-mail hisobiga hujum qilganini e’lon qildi. Guruh veb-saytida Patelning yoshroq ko‘rinishdagi fotosuratlari va shaxsiy elektron pochta fayllarining havolasi joylashtirilgan.

FBI vakili TechCrunch’ga bergan bayonotiga ko‘ra, hujum eski ma’lumotlarni qamrab olgan va hukumat sirlariga taalluqli emas. Shu bilan birga, agentlik bu turdagi xakerlik harakatlariga qarshi xavflarni kamaytirish bo‘yicha barcha zarur choralarni ko‘rganini bildirgan.

TechCrunch tomonidan xakerlar oshkor qilgan elektron pochtalar tekshirildi va ularning kamida ba’zilari Patelning Gmail hisobidan...

Samsung Galaxy S26 Ultra flagman smartfonidagi Privacy Display funksiyasi ishlashida muammolar kuzatila boshladi. Bu haqda Sammobile nashri ma’lum qildi.

Privacy Display texnologiyasi ekran ko‘rinish burchaklarini cheklash orqali atrofdagilarning displey mazmunini ko‘ra olmasligini ta’minlaydi va bu funksiyani flagman modelining yangi imkoniyatlaridan biri sifatida taqdim etgan edi. Shu bilan birga, smartfon foydalanuvchilari funksiyani yoqqanda ekrandagi tasvir hali-hanuz aniq ko‘rinishini payqashgan.

Bundan tashqari, ba’zi foydalanuvchilar funksiyani o‘chirgan holatda ham ekran yon, yuqori yoki past burchakdan qaralganda tasvir biroz so‘nib, ranglar aniq ko‘rinmayotganini sezishgan. Bu holat foydalanuvchilarda displey sifatiga bog‘liq xavotirlarni keltirib chiqargan.

TechRadar so‘roviga javoban Samsung kompaniyasi Privacy Display funksiyasi foydalanuvchining...

Namangan viloyatining Uchqo‘rg‘on tumanida yer maydonlarini sotish bilan bog‘liq firibgarlik holati aniqlandi. Bu haqda Bosh prokuratura departamenti ma’lum qildi.

Unga ko‘ra, departamentning Uchqo‘rg‘on tumani bo‘limi tomonidan o‘tkazilgan dastlabki tekshiruvda fuqaro «Navbahor» mahalla fuqarolar yig‘ini hududida issiqxona qurish uchun ajratilgan 30 sotix yer maydonining bir qismini firibgarlik yo‘li bilan ikki nafar fuqaroga sotgan.

Aniqlanishicha, mazkur shaxs 7 sotix yer maydonini bir fuqaroga va 4 sotixini boshqa fuqaroga sotishini va’da qilib, umumiy qiymati $9 ming va 55 mln so‘m bo‘lgan mablag‘ni noqonuniy ravishda qo‘lga kiritgan.

Mazkur holat bo‘yicha Jinoyat kodeksining 168-moddasi (firibgarlik) bilan jinoyat ishi qo‘zg‘atilgan bo‘lib, hozirda barcha zarur...

Bank of America Epshteyn qurbonlariga nisbatan jinsiy zo‘ravonlik holatlarida yordam berishda ayblanib sudga tortilgan edi. Da’vo yakuni sifatida bank ayollarga $72,5 mln to‘lab berib, ishni tinch yo‘l bilan hal qilishga erishdi, deya xabar bermoqda Reuters agentligi.

Sud hujjatlariga ko‘ra, ayollar bankni Jeffri Epshteyn tomonidan qilingan jinsiy zo‘ravonlikka yordam berishda ayblagan. Bank of America va da’vogarlar advokatlari Manhattan shahridagi sudga kelishuvga erishganini xabar qilgan, ammo shartlari dastlab oshkor qilinmagan.

Gap shundaki, da’vo Jane Doe taxallusi ostidagi ayol tomonidan oktabr oyida berilgan bo‘lib, bank Epshteyn bilan bog‘liq shubhali moliyaviy tranzaksiyalarni e’tiborsiz qoldirgani aytilgan. Bank esa faqat odatiy xizmat ko‘rsatganini bildirgan.

Mercedes-Benz kompaniyasi elektromobillar bozorida yangi yuqori quvvatli GLC EQ modelini taqdim etishga tayyorlanmoqda. Bu haqda Carscoops nashri ma’lum qildi.

Mercedes-Benz insayderlariga ko‘ra, GLC EQ elektromobilining «zaryadlangan» AMG versiyasi ishlab chiqilmoqda. Ushbu model 900 ot kuchidan ortiq quvvatga ega bo‘lib, 0 dan 96 km/soat tezlikka 3 soniyadan kam vaqtda yetishi mumkin. Bu quvvat uni allaqachon taqdim etilgan GLC 400 4Matic with EQ Technology modeliga nisbatan mutlaqo yangi darajaga olib chiqadi.

Sinov prototiplari agressiv kuzov obvesi, yangi havo kirish teshiklari, qora disklar va perforatsiyalangan tormoz disklariga ega kuchaytirilgan tormoz tizimi bilan ajralib turadi. Test avtomobilida faol orqa spoyler ish holatida...

Namangan viloyatining Chust tumanida soliq tizimida pora bilan bog‘liq jinoiy holat aniqlandi. Bu haqda DXX matbuot xizmati ma’lum qildi.

Davlat xavfsizlik xizmatining Chust tumani soliq tizimidagi korrupsion holat fosh etildi. Namangan viloyati bo‘yicha boshqarmasi xodimlari va Iqtisodiy jinoyatlarga qarshi kurashish departamenti bilan hamkorligidagi tezkor tadbirda Chust tumanida yashovchi, 1992-yilda tug‘ilgan ayol qo‘lga olindi.

Aniqlanishicha, u savdo sohasida faoliyat yurituvchi mas’uliyati cheklangan jamiyat ish yurituvchisining ishonchiga kirib, korxonaning 376,6 mln so‘m miqdoridagi soliq qarzdorligini tanishlari orqali bartaraf qilib berishni va’da qilgan. Ushbu xizmat evaziga u 20 mln so‘m pul olgan vaqtida ashyoviy dalillar bilan ushlangan.

Tergovga qadar tekshiruv davomida...

Kursiv Uzbekistan 28-mart kuni e’lon qilingan yangiliklarning muhimlarini bir joyga jamladi.

Abduqodir Husanov «Manchester Siti»ning oy o‘yinchisi nomiga nomzod

O‘zbekiston milliy terma jamoasi himoyachisi Abduqodir Husanov «Manchester Siti» klubining mart oyidagi eng yaxshi futbolchisi nomiga nomzodlar qatoridan joy oldi. G‘olib muxlislar ovoz berishi orqali 1-aprelga qadar aniqlanadi.

Klubning rasmiy platformasida ma’lum qilinishicha, mukofot uchun jami 3 ta nomzod ko‘rsatilgan: Husanov, Jeremi Doku va Rodri. Ovoz berish jarayonida qatnashish uchun ishqibozlar klub saytida ro‘yxatdan o‘tishlari talab etiladi.

O‘zbekiston startap-ekotizimi qiymati 10 yilda 4000 barobar oshdi — Abdulla Aripov

Qozog‘istonning Chimkent shahrida bo‘lib o‘tgan «Digital Qazaqstan...

O‘zbekiston prezidentining 2026-yil 27-martdagi qaroriga asosan, jazoni o‘tayotgan yoshlarni zamonaviy kasblarga o‘qitishga qaratilgan «Ikkinchi imkon» ijtimoiy reabilitatsiya milliy loyihasi amalga oshiriladi. Bu haqda Adliya vazirligi xabar bermoqda.

2026-yil 1-iyundan boshlab Toshkent, Navoiy va Qashqadaryo viloyatlaridagi, 2027-yil 1-martdan esa respublikaning boshqa hududlaridagi jazoni ijro etish muassasalarida raqamli kasblarga o‘qitish tizimi yo‘lga qo‘yiladi. O‘quv jarayonlari 8 – 12 oylik intensiv dasturlar asosida bevosita muassasalarning o‘zida tashkil etilishi belgilangan.

Mazkur o‘quv kurslariga ijtimoiy xavfi katta bo‘lmagan, uncha og‘ir bo‘lmagan va og‘ir jinoyatlarni sodir etgan, ayni paytda jazoni o‘tayotgan yoshlar jalb qilinadi. Kasbiy ta’limdan tashqari, ishtirokchilar ingliz, rus, xitoy kabi xorijiy tillarni o‘rganish...

Toshkent shahrining Shayxontohur tumanida 108 tup daraxt noqonuniy ravishda ko‘chirib o‘tqazilgan. Buning oqibatida 107 tup daraxt qurib qolgan va tabiatga 881 mln 268 ming so‘m zarar yetkazilgan. Bu haqda Ekologiya va iqlim o‘zgarishi milliy qo‘mitasi xabar bermoqda.

Ekologiya va iqlim o‘zgarishi milliy qo‘mitasi Ekopolitsiyaga kelib tushgan murojaat asosida «Yunona» MFY hududida joylashgan Abu Ali ibn Sino ko‘chasidagi yopiq kollektor hududini o‘rgandi. O‘rganish natijasida 108 tup daraxtning noqonuniy ko‘chirib o‘tqazilgani aniqlandi.

Daraxtlarning holati tekshirilganda, 107 tup daraxt, xususan, 12 tup archa va 95 tup Eldor qarag‘ayi qurib qolgani ma’lum bo‘ldi. Qayd etilishicha, ushbu daraxtlarni ko‘chirish bo‘yicha Toshkent shahar ekologiya bosh...

O‘zbekistonda islomiy bank faoliyatini amalga oshirishning huquqiy asoslarini belgilovchi qonun qabul qilindi. Ushbu hujjat orqali ayrim qonun hujjatlariga tegishli o‘zgartirish va qo‘shimchalar kiritildi. Bu haqda Adliya vazirligi xabar bermoqda.

2026-yilning 27-mart kuni qabul qilingan qonunga ko‘ra, banklarga islomiy moliya operatsiyalarini amalga oshirish huquqi berildi. Unga foydani taqsimlash, tovarni nasiyaga sotish, oldindan haq to‘lash va sheriklik orqali mijozni moliyalashtirish amaliyotlari kiradi. Shuningdek, mol-mulkni sotib olish huquqi bilan islomiy ijaraga berishga ham ruxsat etildi.

O‘zbekistonda mazkur bank faoliyatini amalga oshirish huquqi Markaziy bank tomonidan beriladigan litsenziyaga ega yuridik shaxslarga taqdim etiladi. Mazkur litsenziya amal qilish muddati cheklanmagan holda berilib, litsenziyani yoxud...

Samsung kompaniyasining Galaxy S27 Ultra smartfoni birinchilardan bo‘lib LPDDR6 tezkor xotirasi hamda Snapdragon 8 Elite Gen 6 Pro protsessoriga ega bo‘lishi mumkin. Bu o‘zgarishlar qurilmaning sun’iy intellekt va o‘yinlardagi unumdorligini sezilarli darajada oshirishi aytilmoqda.

LPDDR6 xotirasi yuqori o‘tkazuvchanlik va quvvat samaradorligini ta’minlaydi. Bu ko‘p vazifali rejim, ilovalarni yuklash hamda sun’iy intellekt amallarini tezlashtirishga yordam beradi. Hozirgi flagman smartfonlar, asosan, LPDDR5X xotirasidan foydalanmoqda.

Yangi qurilmaga o‘rnatilishi kutilayotgan Snapdragon 8 Elite Gen 6 Pro protsessori TSMC kompaniyasining 2 nanometrli (nm) jarayonida ishlab chiqarilishi belgilangan. U «Adreno 850» grafik protsessori (GPU) va 18 MB GMEM bilan ta’minlanishi xabar qilingan. Standart versiyada esa...

27-mart kuni Nyu-York shahrida O‘zbekiston va Lesoto Qirolligi hukumatlari o‘rtasida diplomatik munosabatlar o‘rnatish to‘g‘risida hujjat imzolandi. Bu haqda «Dunyo» AA xabar bermoqda.

Hujjatni ikki mamlakat nomidan O‘zbekistonning BMTdagi doimiy vakili Ulug‘bek Lapasov hamda Lesotoning BMTdagi vakili Matete Nena imzoladi. Tomonlar xalqaro tashkilotlar, xususan, BMT va uning ixtisoslashtirilgan muassasalari doirasida o‘zaro hamkorlikni mustahkamlash muhimligini ta’kidladilar.

Muzokaralar davomida siyosiy, savdo-iqtisodiy va madaniy-gumanitar sohalarda o‘zaro manfaatli aloqalarni yo‘lga qo‘yish bo‘yicha kelishuvga erishildi. Ma’lumot o‘rnida, Lesoto — Janubiy Afrika Respublikasi hududi bilan to‘liq o‘ralgan baland tog‘li qirollik. Mamlakat hududi daryolar tarmog‘i va tog‘ tizmalaridan iborat. Mamlakat poytaxti Maseru shahri hisoblanadi.

Avvalroq Kursiv Uzbekistan...

Qozog‘istonning Chimkent shahrida bo‘lib o‘tgan «Digital Qazaqstan – 2026» xalqaro forumida O‘zbekiston bosh vaziri Abdulla Aripov mamlakatning raqamli yutuqlari haqida ma’lumot berdi. So‘nggi o‘n yillikda O‘zbekiston startap-ekotizimi qiymati $1 mlndan $4 mlrdgacha o‘sgan.

Bosh vazirning ta’kidlashicha, so‘nggi to‘qqiz yilda keng polosali internet qamrovi 41 foizdan 99,5 foizgacha yetgan, tarmoq o‘tkazuvchanligi esa 40 barobar oshgan. Shuningdek, elektron hukumat tizimlarini yagona ma’lumotlar markaziga birlashtirish orqali budjet mablag‘larining 30 foizi tejalgan.

Mamlakatda sun’iy intellekt (SI) infratuzilmasi faol rivojlanmoqda va hozirda 100 ta ustuvor loyiha amalga oshirilmoqda. Xususan, Olmaliq kon-metallurgiya kombinatining 3-sonli yangi mis boyitish fabrikasida 60 dan ortiq tizim va 20 mingta...

Oʻta past Yer orbitasida sun’iy yoʻldoshlar uchun an’anaviy yoqilgʻi oʻrniga atmosfera zarralaridan foydalanuvchi yangi elektr harakatlanish (ABEP) tizimi loyihasi muvaffaqiyatli sinovdan oʻtdi. Ushbu texnologiya qurilmalarning ishlash muddatini uzaytirish va parvoz xarajatlarini kamaytirish imkonini beradi.

Yangi texnologiya sun’iy yoʻldoshlarga 180 dan 250 kilometrgacha boʻlgan oʻta past Yer orbitasida barqaror ishlash imkonini beradi. Dvigatel atmosferada qolgan gazlarni yigʻib, ularni ionlashtiradi va tortishish kuchi hosil qilish uchun tezlashtiradi.

Cathodeless Electric Propulsion Thruster deb nomlangan loyiha TransMIT GmbH kompaniyasi tomonidan amalga oshirilmoqda. IQM kompaniyasi esa Yevropa kosmik agentligi granti asosida katodsiz dvigatel prototipini yaratishga rahbarlik qilyapti.

Tizim azot va kislorod aralashmalarida barqaror ishlashi...

2026-yilning yanvar-fevral oylarida jami 8 890 nafar O‘zbekiston fuqarosi turli maqsadlarda Misrga safar qilgan. Bu haqda Milliy statistika qo‘mitasi xabar bermoqda.

Taqdim etilgan raqamlarga ko‘ra, fuqarolarning ko‘pchiligi turizm yo‘nalishini tanlagan. Xususan, 8,4 ming nafar o‘zbekistonlik aynan sayohat maqsadida ushbu davlatga borgan.

Boshqa maqsadlarda safar qilganlar soni sezilarli darajada kamroqni tashkil etadi. Ularning 424 nafari qarindoshlarini yo‘qlash, 2 nafari o‘qish va 1 nafari davolanish uchun Misrga yo‘l olgan.

Umumiy ko‘rsatkich 2025-yilning dastlabki ikki oyi bilan solishtirilganda pasayish dinamikasini ko‘rsatmoqda. Mamlakatga boruvchilar oqimi o‘tgan yilning mos davridagiga nisbatan 2,2 ming nafarga qisqargan.

Avvalroq Kursiv Uzbekistan Misr va O‘zbekiston gepatitga qarshi preparatlarni...

O‘zbekiston milliy terma jamoasi himoyachisi Abduqodir Husanov «Manchester Siti» klubining mart oyidagi eng yaxshi futbolchisi nomiga nomzodlar qatoridan joy oldi. G‘olib muxlislar ovoz berishi orqali 1-aprelga qadar aniqlanadi.

Klubning rasmiy platformasida ma’lum qilinishicha, mukofot uchun jami 3 ta nomzod ko‘rsatilgan: Husanov, Jeremi Doku va Rodri. Ovoz berish jarayonida qatnashish uchun ishqibozlar klub saytida ro‘yxatdan o‘tishlari talab etiladi.

22 yoshli o‘zbekistonlik himoyachi mart oyida «Manchester Siti» safida Angliya kubogi, Yevropa Chempionlar ligasi va Angliya Premyer-ligasida jami 6 ta o‘yinda maydonga tushdi. Shuningdek, 22-mart kuni Angliya liga kubogi finalida «Arsenal»ga qarshi 90 daqiqa harakat qildi va «shaharliklar» tarkibidagi dastlabki sovrinini qo‘lga...

28-mart sanasi tarixda yirik shaharlar nomining rasman o‘zgarishi, jahonga mashhur san’atkorlar va yirik sport yulduzlarining tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1930-yili Turkiyaning ikkita yirik va tarixiy shahri nomi rasman o‘zgartirildi. Asrlar davomida Konstantinopol deb atalgan shahar Istanbulga, Angora esa Anqaraga aylandi. Bu o‘zgarish Mustafo Kamol Otaturk islohotlarining muhim qismi bo‘lib, mamlakat milliy o‘ziga xosligini mustahkamlash hamda xalqaro maydonda turkcha nomlarni rasmiylashtirishga xizmat qildi.

1970-yilda Gollivudning taniqli komediya aktyori Vins Von dunyoga keldi. U o‘zining «To‘y bezorilari» kabi mashhur filmlari bilan kino ixlosmandlari ko‘nglidan joy olgan. Aktyor o‘z faoliyati davomida...

Kursiv Uzbekistan 27-mart kuni xorijda va respublikada yuz bergan yangiliklarning muhimlarini bir joyga jamladi.

Bo‘stonliqdagi mehmonxonada mushuklarga zo‘ravonlik qilgan xodimlar qamaldi

Toshkent viloyatining Bo‘stonliq tumanidagi mehmonxonada mushuklarga nisbatan zo‘ravonlik qilgan 33 yoshli shaxs 15 sutka ma’muriy qamoq jazosiga hukm qilindi. Bu haqda viloyat Ichki ishlar bosh boshqarmasi matbuot kotibi Bobur To‘laganov ma’lum qildi.

Sud uni Ma’muriy javobgarlik to‘g‘risidagi kodeksning 111-moddasi 2-qismiga asosan aybdor deb topdi. Mazkur modda hayvonlarga nisbatan shafqatsiz munosabatda bo‘lib, ularning o‘limiga yoki jarohatlanishiga sabab bo‘lganlik uchun 15 sutkagacha qamoq jazosini nazarda tutadi.

O‘zbekistonda daraxt ekkanlar uchun «metsenat» unvoni joriy etildi

O‘zbekistonda ekologiyani yaxshilash va «Yashil makon...