Yangiliklar

Xitoy avtomobil ishlab chiqaruvchisi BYD yangilangan Denza Z9 GT modelini dunyodagi eng uzoq masofali to‘liq elektr transport vositasi sifatida e’lon qildi. Bu haqda CarnewsChina nashri xabar berdi.

Mashina 122,496 kVt·soatlik Blade batareya paketi bilan jihozlangan bo‘lib, CLTC standartiga ko‘ra 1 036 km masofani bosib o‘tish imkoniga ega.

Yangi Denza Z9 GT RWD (orqa g‘ildirakdan tortish) va AWD (to‘liq tortish) variantlarida taqdim etiladi. RWD modeli 370 kVt (496 ot kuchi) elektr motoriga ega va maksimal tezligi 240 km/soatni tashkil qiladi. AWD modeli esa old g‘ildirakda 230 kVt (308 ot kuchi) va orqa g‘ildiraklarda ikkita 310 kVt (416 ot kuchi) elektr...

O‘zbekistonning Isroildagi elchixonasi ushbu mamlakatda yashayotgan va vaqtincha bo‘lib turgan fuqarolarga rasmiy ogohlantirish bilan chiqdi. Diplomatik vakolatxona hududdagi vaziyat o‘zgaruvchan ekanini bildirib, vatandoshlarni shaxsiy xavfsizlik masalalariga mas’uliyat bilan yondashishga chaqirdi.

Murojaatda qayd etilishicha, xavfsizlik bilan bog‘liq holatlar qisqa vaqt ichida keskin tus olishi mumkin. Shu sababli fuqarolarga mahalliy rasmiy idoralar ko‘rsatmalariga qat’iy amal qilish, ommaviy yig‘inlar va gavjum maskanlardan imkon qadar chetda bo‘lish tavsiya etilgan. Shuningdek, ayrim hududlarga safarlarni vaqtincha kechiktirish maqsadga muvofiqligi ta’kidlangan.

Elchixona vakillari shaxsni tasdiqlovchi hujjatlarni doimo yonida olib yurish, yaqinlar bilan aloqani uzmaslik hamda harakatlanishda ehtiyot choralarini ko‘rish zarurligini eslatdi.

Zarurat tug‘ilganda elchixona bilan...

1-martdan boshlab yo‘l harakati qoidabuzarliklari uchun rasmiylashtiriladigan jarima xatlari endi pochta orqali yetkazilmaydi. Bu haqda O‘zbekiston pochtasi aksiyadorlik jamiyati ma’lum qildi.

Ma’lum qilinishicha, ushbu xizmatning to‘xtatilishiga Ichki ishlar vazirligi huzuridagi «Xavfsiz shahar» tizimlarini rivojlantirish davlat muassasasi bilan 2026-yil uchun shartnoma tuzilmagani sabab bo‘lgan. Natijada YHXX tomonidan shakllantiriladigan ma’muriy bayonnomalar pochta orqali qabul qilinmaydi va yetkazib berilmaydi.

Kompaniya vakillari masala yuzasidan qo‘shimcha ma’lumotlar paydo bo‘lishi bilan jamoatchilik xabardor qilinishini bildirgan.

Hozirda mamlakatda «Xavfsiz shahar» konsepsiyasi asosida yagona raqamli platforma, 13 ta ma’lumotlarni qayta ishlash markazi hamda o‘n minglab intellektual kuzatuv kameralari faoliyat yuritmoqda. Shuningdek, transport oqimini boshqarish, avtoturargoh tizimlari, ekologik...

28-fevral kuni O‘zbekiston hududida havo o‘zgaruvchan bo‘ladi, yog‘ingarchilik kutilmaydi, kechasi va ertalab ayrim joylarda tuman tushishi mumkin. Tog‘oldi va tog‘li hududlarda qor ko‘chishi xavfi mavjud.

Quyida ob-havo ma’lumoti hududlar kesimida:

Samsung kompaniyasining mobil bo‘limi bosh operatsion direktori Won-Joon Choi Galaxy S25 Edge va Galaxy Z TriFold modellari uchun merosxo‘rlar ustida ishlamayotgani ma’lum qildi. Bu haqda Sammobile xabar berdi.

Galaxy S25 Edge 5,8 mm qalinligi bilan kompaniya tarixidagi eng ingichka smartfon bo‘ldi, biroq sotuvlari kutilgan darajadan ancha past. Buning sabablaridan biri qurilma uchun yuqori narx va batareya sig‘imi hamda asosiy kameraning soddalashtirilgani hisoblanadi.

Galaxy Z TriFold esa to‘liq planshetga aylanadi. Qurilma ishlab chiqilishi katta xarajat va noyob komponentlarni talab qiladi. Ushbu model texnologik yutuqlarning namunasiga aylangan bo‘lsa-da, yuqori narx (AQShda deyarli $3 ming) va texnik murakkablik bilan yuzlashmoqda.

Rasmiy...

Motorola FIFA Jahon chempionati rasmiy smartfon hamkori sifatida yangi mavzuli qurilmalarni taqdim etmoqda. Bu haqda GSMArena nashri ma’lum qildi.

Yil boshida kompaniya FIFA World Cup mavzusidagi birinchi qurilmasi – Razr 60 FIFA World Cup 26 Edition’ni ishga tushirgan. Endi esa Moto Razr Fold va Edge 70 FIFA World Cup 26 smartfonlari uchun rasmiy renderlar e’lon qilindi.

Razr Fold FIFA World Cup 26 Edition qora rang bilan bezatilgan bo‘lib, orqa panelida 26 raqamli naqsh va Motorola logotipi hamda FIFA 26 ramzi uchun oltin aksentlar berilgan. Qurilmaning qulflangandagi ekranida ham 26 naqshi ko‘rinadi. Bu esa Razr 60 FIFA World Cup...

Qozog‘iston Bosh prokuraturasi ayrim sobiq yuqori lavozimli amaldorlarning marhum moliyachi Jeffri Epshteyn bilan ehtimoliy aloqalari yuzasidan dastlabki tekshiruvni boshladi. Bu haqda bosh prokuror Berik Asilov jurnalistlarga ma’lum qilgan, deb xabar berdi Tengrinews.

Avvalroq parlament Majilisi deputati Asxat Raximjanov prokuratura va maxsus xizmatlarga sobiq mansabdorlarning Epshteyn bilan bog‘liqligi, shuningdek, uning Qozog‘istonga tashrif buyurgan-buyurmagani haqidagi ma’lumotlarni tekshirish bo‘yicha so‘rov yuborgan edi.

Deputatning ta’kidlashicha, sobiq bosh vazir va Milliy xavfsizlik qo‘mitasining sobiq raisi Karim Masimov Epshteyn bilan bog‘liq qaydlarda bir necha bor tilga olingan. Shuningdek, fayllarda Epshteyn va Milliy bankning sobiq rahbari Qayrat Kelimbetovning birgalikdagi dam olishi haqida ham ma’lumotlar borligi aytilmoqda.

Tesla kelgusi 20 yil ichida ishlab chiqarish quvvatlarini Oyga kengaytirishni rejalashtirmoqda. Bu haqda kompaniya bosh direktori Ilon Mask Berlin shahridagi Gigafactory zavodi menejeri Andre Tirig bilan bo‘lgan intervyuda ma’lum qildi.

Mask aksiyadorlarga kompaniya aksiyalarini saqlab qolishni tavsiya qilib, ularga «ekstremal darajada yorqin kelajak» va’da qilmoqda. Hozircha Oyda Tesla nima ishlab chiqarishi aniq emas. Elektromobillar bo‘lishi ehtimoli past, ehtimol kompaniya Optimus robotlarini ishlab chiqarishi mumkin.

Ma’lumot uchun, Tesla elektromobillarining Yevropadagi sotuvlari so‘nggi 13 oy davomida pasayib bormoqda. Bu esa kompaniya uchun yangi bozor va texnologik yechimlarni izlashni dolzarb qilayotir.

Mask kosmosda sun’iy yo‘ldoshlar va sun’iy intellekt ma’lumot markazlari komponentlarini...

Apple kompaniyasi kelasi hafta bir nechta yangi mahsulotlarini taqdim etishga tayyorlanmoqda. Bu haqda GSMArena nashri ma’lum qildi.

Kompaniyaning bosh ijrochi direktori (CEO) Tim Kuk yaqinda qisqa video orqali yangi MacBook va iPad’lar haqida izoh berib, taqdimotga ishora qildi.

Kaliforniyaning Cupertino shahrida joylashgan Apple kompaniyasi yangi qurilmalarni press-relizlar orqali e’lon qilishi kutilmoqda. Umumiy hisobda 7 ta yangi mahsulot taqdim etilishi rejalashtirilgan.

Ushbu qurilmalar orasida iPhone 17e bo‘lib, unga qo‘shilib A18 Pro chipli MacBook, A18 chipli yangi boshlang‘ich darajadagi iPad, Apple M4 chipli 11 dyuym va 13 dyuym iPad Air’lar hamda M5 Pro va M5 Max chipli yangi 14 dyuym...

O‘tgan yil sentabr oyida Toshkent viloyatidagi bir nechta maktabgacha ta’lim muassasalarida yuz bergan ommaviy zaharlanish holati yuzasidan 11 nafar shaxsga nisbatan jinoyat ishi qo‘zg‘atildi. Bu haqda O‘zbekiston Oliy sudi matbuot xizmati ma’lum qildi.

Tergov ma’lumotlariga ko‘ra, ayblanuvchilar orasida Shark Milk Product korxonasi rahbariyati va texnik xodimlari, shuningdek, Governess Business, Kinder Garden Group, Innavation Outsourcing Servise hamda Nishon Invest kompaniyalari mas’ullari bor. Ular oziq-ovqat xavfsizligi talablarini buzishda gumon qilinmoqda.

Mazkur jinoyat ishi Bo‘ka tumani sudiga yuborilgan bo‘lib, hozirda sud majlisini tayinlash masalasi ko‘rib chiqilmoqda.

Sudgacha bo‘lgan jarayonda 10 nafar gumonlanuvchiga nisbatan qamoqqa olish, yana bir kishiga esa uy qamog‘i...

Apple’ning A18 Pro protsessoriga asoslangan eng hamyonbop MacBook modeli kutilganidan qimmatroq bo‘lishi mumkin. DigiTimes xabariga ko‘ra, kompaniya komponentlar narxi oshib borayotgani sababli bosim ostida qolmoqda.

So‘nggi oylarda xotira modullari qimmatlashgani haqida avval ham xabarlar tarqalgan edi. Endilikda akkumulyatorlar ham sezilarli darajada oshgan. Litiy batareyalar uchun xomashyo narxi ko‘tarilgani, xususan kobalt qiymati oshgani sababli batareya modullari fevral oyida 10 – 15 foizga qimmatlagan.

Tahlilchilarga ko‘ra, yangi MacBook $700 – $750 oralig‘ida baholanishi ehtimol. Dastlabki mish-mishlarda qurilmaning boshlang‘ich narxi $600 bo‘lishi aytilgandi.

Shunga qaramay, model baribir bazaviy MacBook Airdan arzon bo‘ladi – hozirda u $1000 dan sotilmoqda. Yangi versiya unumdorlik jihatidan...

2026-yil 3-mart kuni Toshkent vaqti bilan soat 16:33 da to‘liq Oy tutilishi sodir bo‘ladi. Ushbu hodisa Oyning Yer atrofida harakati davomida Yer soyasiga to‘liq kirishi bilan tavsiflanadi.

To‘liq Oy tutilishi paytida Quyosh nurlarining bir qismi Yer atmosferasidan o‘tib, Oy yuzasiga tushadi. Shu sababli Oy tutilganida qizil rangga kiradi va g‘ayrioddiy manzara hosil bo‘ladi.

Afsuski, 3-mart sanasidagi to‘liq Oy tutilishi O‘zbekiston hududidan ko‘rinmaydi. Hodisa faqat geografik jihatdan ayrim mintaqalarda kuzatiladi.

Eslatib o‘tamiz, avvalroq o‘zbekistonliklar 28-fevral kuni sayyoralar paradini kuzatishi mumkinligi haqida xabar qilgan edik.

Foydalanuvchilar o‘rtasidagi muloqotni soddalashtirish maqsadida Threads shaxsiy xabarlar (DM) uchun yangi yorliqni sinovdan o‘tkazmoqda. Bu haqda Tech Crunch xabar berdi.

Platformaning ma’lum qilishicha, sinovda ishtirok etayotgan foydalanuvchilar post yoki izohda «DM me» yoki «Message me» yozuvini qoldirishi mumkin. Natijada avtomatik ravishda shaxsiy suhbatni boshlashga imkon beruvchi havola yaratiladi.

Yorliq bosilganda yakkama-yakka xabarlar oynasi ochiladi. Agar foydalanuvchilar bir-birini kuzatib borsa, xabar asosiy kiruvchi qutiga tushadi. Aks holda, xabar spamdan himoyalash maqsadida «Message Requests» bo‘limiga yo‘naltiriladi. Kompaniyaning ta’kidlashicha, bu imkoniyat DM boshlash uchun foydalanuvchi profiliga kirish zaruratini kamaytiradi.

Yangi funksiya hozircha AQSh va Kanadadagi ayrim foydalanuvchilar uchun joriy etilgan. Sinov...

Joriy yil 25-fevral kuni soat 21:48 atrofida Toshkent shahrida xizmat vazifasini bajarayotgan Yo‘l patrul xizmati (YPX) inspektori kichik serjant Xosilbek Eshnazarov yo‘l-transport hodisasi oqibatida og‘ir tan jarohatlari oldi. Bu haqda Yo‘l harakati xavfsizligi xizmati matbuot xizmati xabar berdi.

Ma’lumotlarga ko‘ra, 10-sinf o‘quvchisi bo‘lgan voyaga yetmagan haydovchi boshqaruvidagi BMW rusumli avtomobil inspektorni urib yuborgan. Uch kun davomida shifokorlar nazoratida bo‘lgan ichki ishlar organi xodimi ko‘rsatilgan tibbiy muolajalarga qaramay vafot etdi.

Ichki ishlar vazirligi rahbariyati hamda shaxsiy tarkib marhumning oila a’zolari va yaqinlariga chuqur ta’ziya bildirdi. Xosilbek Eshnazarov 2022-yildan buyon ichki ishlar organlarida xizmat qilib kelgan.

Avvalroq Kursiv Uzbekistan tergov...

O‘zbekiston Respublikasi Soliq qo‘mitasi, Iqtisodiyot va moliya vazirligi, shuningdek, boshqa mas’ul tashkilotlar vakillaridan iborat delegatsiya Moskva shahrida rossiyalik hamkasblari bilan yagona soliq hisobvarag‘i amaliyoti haqida tajriba almashmoqda.

Yagona soliq hisobvarag‘i tizimi barcha soliqlar bo‘yicha yagona to‘lovni amalga oshirish, yagona rekvizitlardan foydalanish va hisobot taqdim etishning yagona muddatlarini belgilashni anglatadi. Bu o‘zgarish soliq to‘lovchilarga qator qulayliklar yaratishi kutilmoqda. Xususan, soliqlarni to‘lash jarayonini soddalashtirish va budjet bilan o‘zaro hisob-kitoblarni yanada qulay qilish maqsad qilingan.

Shuningdek, mazkur amaliyot noto‘g‘ri to‘lovlarning oldini olish hamda ortiqcha penya hisoblanishini bartaraf etishga xizmat qiladi. Turli soliqlar bo‘yicha bir vaqtning o‘zida ortiqcha to‘lov va qarzdorlik mavjud bo‘lishi...

SAIC tarkibidagi MG brendi Xitoyda yangi avtomobilini sinovdan o‘tkazmoqda. Bu haqda CarNewsChina nashri xabar bermoqda.

Ta’kidlanishicha, avtomobil shartli ravishda MG07 deb atalmoqda. Avtomobil tashqi ko‘rinishda MG7’ga o‘xshash bo‘lsa-da, butunlay yangi platformada yaratilgan. Old qismi yirik radiator panjarasi bilan ajralib turadi. Eng e’tiborga molik jihati esa tom qismiga o‘rnatilgan LiDAR sensori bo‘ldi. Bu modelda ilg‘or haydovchiga yordam tizimlari mavjud bo‘lishi kutilmoqda.

Profil tomondan qaralganda, avtomobil uzun kuzov va katta g‘ildirak bazasiga ega ko‘rinadi. Yarim yashirin eshik tutqichlari qo‘llangan. Orqa qism fastbek uslubida ishlangan. Chiroqlar butun kenglik bo‘ylab joylashgandek taassurot beradi, biroq sinov nusxasida vaqtinchalik yoritish elementlari o‘rnatilgan.

Salon suratlarida haydovchiga...

Yevropa Chempionlar Ligasi 2025/2026-yilgi mavsumining 1/8 final bosqichiga qur’a tashlash marosimi bo‘lib o‘tdi. Abduqodir Husanov harakat qilayotgan «Manchester Siti» va Madridning «Real» klubi bilan bellashadi.

Pep Gvardiola boshqaruvidagi «Manchester Siti» bu safar ham Madridning «Real» klubiga qarshi o‘ynaydi. «Shaharliklar»ning o‘zbekistonlik himoyachisi Abduqodir Husanov yana bir bor Mbappe va Vinisiusni to‘xtatishga harakat qilib ko‘radi. Kataloniyaning «Barselona» jamoasi Eddi Hau boshqaruvidagi «Nyukasl» bilan to‘qnash keladi.

Musobaqaning amaldagi chempioni «PSJ» Londonning «Chelsi» klubi bilan bahslashsa, Londonning yana bir jamoasi «Tottenhem» Madridga safar qiladi. Igor Tudor shogirdlari «Atletiko» klubiga qarshi maydonga chiqadi. Sensatsion g‘alabalari bilan ko‘pchilikni hayron qoldirgan «Budyo-Glimt» Portugaliyaning «Sporting» jamoasi bilan...

O‘tgan hafta davomida dollar kursi keskin tebranishlarni ko‘rsatdi. Haftaning ilk kunlarida o‘sish kuzatilgan bo‘lsa, keyinroq pasayish ustun bo‘ldi.

Markaziy bank ma’lumotiga ko‘ra, 23-fevral kuni dollar 43,38 so‘mga oshib, 12 212,79 so‘mni tashkil qildi. 24-fevralda o‘sish davom etdi. Valyuta 23,34 so‘mga ko‘tarilib, 12 236,13 so‘mga yetdi. Bu hafta ichidagi eng yuqori ko‘rsatkich bo‘ldi.

Dollar kursining o‘zgarishi

25-fevraldan boshlab pasayish boshlandi. Dollar 48,45 so‘mga tushib, 12 190 so‘mni tashkil etdi. 26-fevral kuni pasayish yanada kuchaydi. Kurs 50,58 so‘mga kamayib, 12 137,10 so‘mga tushdi. 27-fevralda esa dollar yana 0,53 so‘mga arzonlab, 12 136,57 so‘mni qayd etdi.

Umuman olganda, 24-fevraldagi eng yuqori...

You Tube’dagi SardorbekUz kanali Chiroqchi avtomobil bozoridagi narxlarni o‘rgandi. Videodan ko‘rish mumkinki, Chevrolet Cobalt narxlari sezilarli pasaygan.

Mexanik uzatmali Cobalt

Bozordagi eng faol segment mexanik uzatmali Cobalt bo‘ldi. 2020-yilgi, 110 ming km yurgan, toza kraskali, to‘rtinchi avlod metan gaz uskunasi o‘rnatilgan variant 105 mln so‘mga taklif qilindi. Egasi naqd savdoga tayyor, shuningdek yarim pulini berib ikki-uch oy nasiya qilishga ham rozi ekanini bildirgan.

2023-yil oxirida ishlab chiqarilgan, 8 ming km yurgan Cobalt esa deyarli yangi holatda. Metan gaz o‘rnatilgan, kuzovi zavod bo‘yoqda saqlangan. Bunday variantlar asosan 150 mln so‘m atrofida baholanmoqda.

Avtomat uzatmali Cobalt

2022-yilgi avtomat uzatmali...

Meizu kompaniyasi bankrotlik va brendning butunlay yopilishi haqidagi mish-mishlarni rad etib, ichki bozor uchun yangi smartfonlar ishlab chiqarishni vaqtincha to‘xtatganini rasman tasdiqladi.

Rejalashtirilgan o‘tish sababli Meizu 23 flagmanining chiqarilishi bekor qilindi. Tashqi bozorlar uchun smartfonlar, sun’iy intellekt ko‘zoynaklari va Pandaer gadjetlarini ishlab chiqarish davom etadi.

Kompaniya buning sababi sifatida xotira narxlarining uzluksiz o‘sishi keyingi yangi modelni normal tijoratlashtirishni imkonsiz qilgani, shuningdek, ichki bozorda raqobat misli ko‘rilmagan darajada kuchaygani ta’kidlangan.

Resurslarni sun’iy intellektga asoslangan mahsulotlar ishlab chiqishga, xususan, Flyme dasturiy ekotizimini rivojlantirishga yo‘naltirish maqsad qilingan. So‘nggi yillarda Meizuning Xitoy bozoridagi ulushi 1 foizdan kam bo‘lgan, yillik savdo hajmi esa bir...

2-mart uchun valyutalar kursi yangilandi. Unga ko‘ra, dollar 35,61 so‘mga oshib, 12 172,18 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

23-fevral kuni dollar 43,38 so‘mga oshib, 12 212,79 so‘mni tashkil etdi. 24-fevral kuni dollar 23,34 so‘mga oshib, 12 236,13 so‘mga yetgan edi. 25-fevral kuni esa 48,45 so‘mga tushib, 12 190 so‘mni, 26-fevral kuni esa 50,58 so‘mga tushib, 12 137,10 so‘mni, 27-fevralda esa 0,53 so‘mga tushib, 12 136,57 so‘mni tashkil etdi.

Markaziy bank ma’lumotlariga ko‘ra, yevro 38,36 so‘mga oshib, 14 357,09 so‘mni, rubl 0,29 so‘mga pasayib, 157,45 so‘mni tashkil qildi.

Eslatib o‘tamiz, Kursiv Uzbekistan...

Toshkent shahrining Uchtepa tumani prokurori yordamchisi mahalliy tadbirkordan $15 ming olib, voqea joyidan qochishga uringan vaqtida qo‘lga olindi.

Gumonlanuvchi ushbu mablag‘ni Shayxontohur tumanidagi ikkita ko‘p qavatli uyning yerto‘lasida joylashgan noturar joylarni ijaraga olib bergani evaziga talab qilgan.

Gumonlanuvchi tadbirkorga noturar joylarni olib berganini ro‘kach qilib, yordami uchun pul talab qilgan. Qo‘lga olish amaliyoti chog‘ida prokuror yordamchisi voqea joyidan qochishga harakat qilgan, biroq huquqni muhofaza qiluvchi organ xodimlari tomonidan ushlangan.

Ma’lum bo‘lishicha, ushbu shaxs 2025-yilning sentabr oyiga qadar Shayxontohur tumani prokurori yordamchisi lavozimida faoliyat yuritgan. Hozirgi vaqtda prokuror yordamchisiga nisbatan firibgarlik moddasi bo‘yicha jinoyat ishi qo‘zg‘atilib, tergov harakatlari olib borilmoqda.

Toshkent shahrida qoidabuzarliklari va jazodan oson qutulgani haqida ijtimoiy tarmoqlarda maqtanib chiqqan tyuning atelyesi rahbarining ishi qayta ko‘rib chiqiladi. Bu haqda O‘zbekiston Bosh prokuraturasi xabar bermoqda.

Bosh prokuraturaning rasmiy bayonotiga ko‘ra, jinoyat ishlari bo‘yicha Mirzo Ulug‘bek tumani sudining 2026-yil 16-yanvardagi qarori bilan Asadbek Jumayevga 20 BHM (8,4 mln so‘m) miqdorida jarima tayinlangan. U Ma’muriy javobgarlik to‘g‘risidagi kodeksning 195-2-moddasi bilan aybdor deb topilgan.

Holatga xolis huquqiy baho berish maqsadida 2026-yil 26-fevral kuni Mirzo Ulug‘bek tumani prokuraturasi tomonidan Toshkent shahar sudining jinoyat ishlari bo‘yicha sudlov hay’atiga protest kiritilgan. Bunga yil boshida Toshkent ko‘chalarida xavfli harakatlangan BMW avtomobillari videosi tarqalgach, tyuning atelyesi...

O‘zbekistonni Afg‘oniston va Tojikiston bilan bog‘laydigan 178 km magistral yo‘lni uch oy ichida ta’mirlash boshlanadi. Bu haqda Shavkat Mirziyoyev Surxondaryo viloyatidagi yig‘ilishda qayd etdi.

Ma’lum qilinishicha, magistral yo‘l 30 yildan buyon kapital ta’mirlanmagan. Shuningdek, ikki yil avval Osiyo taraqqiyot banki bilan $183 mln qiymatidagi loyiha doirasida Boysun va Denovni bog‘lovchi 111 km yo‘lni sement-beton qoplamaga o‘tkazish ishlari boshlandi. Mazkur yo‘l foydalanishga topshirilgach, yuk tashish hajmi ikki barobar oshishi, safar vaqti esa 3 soatdan 1,5 soatga qisqarishi kutilmoqda.

Toshkent – Termiz yo‘nalishidagi yo‘lovchi poyezdning harakat vaqti 14 soatdan oshadi. Koreyalik hamkorlar bilan zamonaviy tezyurar poyezdlarni olib kelish yuzasidan kelishuvga erishilgan.