Yangiliklar

Italiya hukumati migrantlar oqimini nazorat qilish maqsadida dengiz blokadalari to‘g‘risidagi qonun loyihasini ma’qulladi. Bu haqda Reuters agentligi ma’lum qildi.

11-fevral kuni qabul qilingan qonun mamlakat hududiy suvlarida «favqulodda bosim» paytida migrant qayiqlarining kirishini to‘xtatishga imkon beradi va noqonuniy migratsiyani nazorat qilish choralarini kuchaytiradi.

Qonun loyihasiga ko‘ra, hukumat jamoat tartibi yoki milliy xavfsizlikka jiddiy tahdid bo‘lganda, qayiqlarni olti oygacha hududiy suvlariga kiritmasligi mumkin. Qonunni buzganlar 50 ming yevrogacha jarima to‘laydi. Takroriy qoidabuzarliklarda qayiqlar musodara qilinadi.

Bosh vazir Giorgia Meloni va uning koalitsiyasi xayriya tashkilotlarining qutqaruv kemalaridan foydalanishini migrantlarni dengizga chiqishga rag‘batlantiruvchi omil deb baholamoqda. Shu bilan birga, markaziy chap...

Isroil AQSh prezidenti Donald Tramp tomonidan ilgari surilgan tashabbus bilan Tinchlik Kengashiga a’zo bo‘ldi. Bu haqda Reuters agentligi ma’lum qildi.

Bosh vazir Binyamin Netanyaxu 11-fevral kuni Vashingtonga tashrif buyurib, Tramp va Davlat kotibi Marko Rubio bilan uchrashdi. Uchrashuvdan keyin e’lon qilingan fotosuratlarda Netanyaxuning imzosi bilan Isroil kengashga qo‘shilganligi tasdiqlandi.

BMT Xavfsizlik Kengashi noyabr oyida qabul qilgan rezolyutsiyasiga binoan, kengash va unga a’zo davlatlar G‘azoda xalqaro barqarorlik kuchini tashkil etish huquqiga ega bo‘ldi. Bu hududda oktabr oyida Isroil va Hamas tomonidan tinchlik kelishuvi qabul qilingan edi.

Trampning G‘azo rejasiga muvofiq, kengash G‘azoning vaqtinchalik boshqaruvini nazorat qilishi lozim edi. Keyinchalik...

Norvegiya Nobel qo‘mitasi Erondan Nobel Tinchlik mukofoti sovrindori va inson huquqlari faoli Narges Mohammadiyni ozod qilinishini talab etdi. Bu haqda Reuters agentligi ma’lum qildi.

53 yoshli Mohammadi ayollar huquqlari uchun olib borilgan uch o‘n yillik faoliyati davomida bir necha bor qamoqqa olingan. U so‘nggi haftada yana 7 yarim yillik qamoq jazosiga hukm qilingan edi.

Nobel qo‘mitasi ma’lumotlariga ko‘ra, Mohammadi 2023-yil dekabrda inson huquqlari advokatining dafn marosimida qatnashayotganda zo‘ravonlik bilan hibsga olingan va unga jismoniy shikast yetkazilgan hamda hayotiga xavf soluvchi muomala qilingan.

Bayonotda shuningdek, uning bunday holatga tushishi Eron bo‘ylab o‘tkazilgan ommaviy noroziliklardan keyin aholiga bo‘lgan shafqatsiz bostirishlarning...

AQSh Qatarda qolib ketgan afg‘onlarni o‘z vataniga qaytarish uchun pul to‘lashni boshladi. Bu haqda Reuters agentligi ma’lum qildi.

Davlat departamenti ma’lumotiga ko‘ra, bu choralar Camp As Sayliyah bazasida yillar davomida qolib kelayotgan 1,1 mingdan ortiq afg‘onlarni repatriatsiya qilish va majmua yopilishiga tayyorlash maqsadida amalga oshirilmoqda.

AQSh prezidenti Donald Tramp ma’muriyati afg‘onlarning AQSh harbiylari bilan aloqasi tufayli Tolibon tomonidan jazoga uchrashi xavfi sababli ularni qayta joylashtirishni to‘xtatgan edi.

To‘lovlar asosiy arizachiga $4,5 ming va qo‘shimcha har bir shaxs uchun $1,2 ming miqdorida beriladi. Taxminan 150 afg‘on allaqachon bu mablag‘ni olgan, ammo qaytarilgandan keyingi holatlari noma’lum.

Eslatib o‘tamiz, avvalroq...

Qozog‘iston hukumati sun’iy yo‘ldosh orqali ishlovchi Starlink internet xizmatini qo‘shni davlatlar aholisi uchun ham ochish bo‘yicha qaror qabul qildi. Bu haqda Vlast.kz nashri xabar berdi.

Ma’lum qilinishicha, 2026-yilda xizmat Tojikistonda ishga tushirildi. Keyingi bosqichda esa Mongoliya va Qirg‘izistonda ham Starlink’dan foydalanish imkoniyati yaratiladi. Sun’iy intellekt va raqamli rivojlanish vaziri Jaslan Madiyevning ta’kidlashicha, bu tashabbus Qozog‘istonning mintaqadagi raqamlashtirish bo‘yicha yetakchi pozitsiyasini mustahkamlaydi.

Shu bilan birga, mamlakat ichki telekommunikatsiya infratuzilmasini modernizatsiya qilishni davom ettiradi. Joriy yilda 1,9 mingta qishloqqa optik tolali internet yetkazilishi rejalashtirilgan. 2027-yilga borib esa aholining 90 foizdan ortig‘i zamonaviy raqamli xizmatlardan foydalanish imkoniga ega bo‘lishi kutilmoqda.

Bundan tashqari...

Oliy ta’lim vazirligi 2026/2027-o‘quv yili uchun bakalavriat ta’lim yo‘nalishlariga mos kirish imtihon fanlari ro‘yxatini tasdiqladi. Bu haqda vazirlik rasmiy sahifasida ma’lum qilindi.

Unga ko‘ra, abituriyentlar 227 ta bakalavriat yo‘nalishi bo‘yicha qaysi fanlardan test sinovi topshirishi yoki qaysi yo‘nalishlarda kasbiy-ijodiy imtihondan o‘tishi kerakligi aniq belgilab berildi. Mazkur ro‘yxat har bir ta’lim yo‘nalishi kesimida imtihon fanlari majmuasini qamrab oladi.

Vazirlik ma’lumotiga ko‘ra, ta’lim yo‘nalishlari nomi o‘zgargan taqdirda yoki yangi yo‘nalishlar tashkil etilganda ro‘yxatga tegishli o‘zgartirishlar kiritiladi.

Abituriyentlar tasdiqlangan to‘liq ro‘yxat bilan Oliy ta’lim vazirligining rasmiy manbalari orqali tanishishlari mumkin.

Avvalroq «Kursiv» nashri O‘zbekistonda OTMlarning milliy reytingi yangi tartibda yuritilishi rejalashtirilayotgani...

Honor kompaniyasi arzon narxdagi X6d smartfonini bozorga chiqardi. U ilgari chiqqan Play 60A modeliga juda o‘xshash, ammo ayrim farqlar mavjud.

Yangi telefon BAA bozorida $140 narxda paydo bo‘ldi. Bu pulga foydalanuvchi boshlang‘ich darajadagi imkoniyatlarga ega qurilmaga ega bo‘ladi. Narxiga yarasha, model akkumulyatori unchalik katta emas.

Telefon 5260 mA/soat batareyaga ega. Uning ishlashini Dimensity 6300 protsessori ta’minlaydi, xotirasi esa 4/256 GB. Shuningdek, 50 megapikselli kamera, 6,75 dyuymli 720p ekran, Wi-Fi 5 va Android 15 tizimi mavjud. Biroq qurilmada NFC funksiyasi mavjud emas.

Eslatib o‘tamiz, avvalroq Honor Magic 8 RSR Porsche Design qanday ko‘rinishga egaligi haqida yozgan edik.

12-fevral sanasi jahon tarixida ulkan siyosiy o‘zgarishlar va madaniy inqiloblar bilan muhrlangan. Kursiv Uzbekistan kunning eng muhim voqealarini xronologik tartibda taqdim etadi.

1554-yilda Angliya tarixida «To‘qqiz kunlik qirolicha» nomi bilan tanilgan Ledi Jeyn Grey qatl etildi. Genrix VII ning evarasi bo‘lgan bu yosh hukmdor siyosiy o‘yinlar qurboniga aylanib, taxt uchun kurashda qirolicha Mariya I tomonidan davlatga xiyonatda ayblangan va London minorasida hayotdan ko‘z yumgan.

1809-yili AQShning 16-prezidenti, mamlakat milliy qahramoni Avraam Linkoln dunyoga keldi. U Amerika xalqini og‘ir Fuqarolar urushi davrida birlashtira olgan va qullikni bekor qilishga qaratilgan «Ozodlik proklamatsiyasi»ni imzolab, inson huquqlari va demokratiya tarixida o‘chmas iz qoldirgan.

Qo‘shrabotda shamol sabab elektr uzilishi sodir bo‘ldi, Qo‘qonda 116 mln so‘mlik noqonuniy gaz iste’moli aniqlandi — 11-fevralda e’lon qilingan yangiliklar Kursiv Uzbekistan dayjestida.

Kanadadagi maktabda sodir bo‘lgan otishmada kamida 10 kishi halok bo‘ldi

10-fevral kuni Kanadaning Britaniya Kolumbiyasi provinsiyasidagi maktab va turarjoyda otishma yuz berdi. Bu haqda CNN xabar bermoqda. Global News xabariga ko‘ra, otishma oqibatida o‘z joniga qasd qilgan qotil bilan qo‘shib hisoblaganda jami o‘n kishi halok bo‘lgan.

Tumbler Ridge shahridagi o‘rta maktabda mahalliy vaqt bilan soat 13:20 atrofida otishma boshlangani haqida xabar kelib tushgan. Politsiya voqea joyida olti...

12-fevral kuni O‘zbekistonning ayrim hududlarida yomg‘ir yoki qor yog‘ishi mumkin. Shamol o‘rta tezlikda esadi. Kechasi sovuq, kunduzi esa iliq harorat kuzatiladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

Hukumat qarori bilan yuk ko‘tarish qurilmalarini texnik ko‘rikdan o‘tkazish tartibi belgilandi. Bu haqda Adliya vazirligi ma’lum qildi.

Unga ko‘ra, yangi o‘rnatilgan, modernizatsiya qilingan yoki kapital ta’mirlangan yuk ko‘tarish qurilmalari foydalanishga topshirilishidan oldin majburiy tarzda to‘liq texnik ko‘rikdan o‘tkaziladi.

Amalda foydalanilayotgan qurilmalar kamida har yili bir marta qisman, har uch yilda bir marta esa to‘liq texnik ko‘rikdan o‘tishi shart.

Texnik ko‘riklar qurilma egasining yozma yoki elektron murojaati bilan, maxsus tashkilot tomonidan shartnoma asosida amalga oshiriladi.

Mazkur sohada vakolatli davlat organi etib Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi belgilandi.

Eslatib o‘tamiz, avvalroq O‘zbekistonda 50 yildan oshgan avtomobillar...

Endilikda texnikumda xalqaro dasturlarni joriy etgan xodimlar 100 foizlik ustama oladi. Bu haqda hukumat qarori asosida nizom tasdiqlandi.

Nizom quyidagi toifadagi xodimlarga tatbiq etiladi:

Hujjatga ko‘ra, mazkur xodimlarga har oy ish haqining 100 foizi miqdorida ustama Davlat budjeti hisobidan to‘lanadi. Ushbu ustama yillik xarajatlar smetasini shakllantirish jarayonida tarif stavkasiga qo‘shimcha ravishda inobatga olinadi.

Shuningdek, xalqaro ta’lim dasturlarini o‘qitishga jalb etilgan o‘qituvchilar va ishlab chiqarish ta’limi ustalarini rag‘batlantirish masalasini ko‘rib chiqish uchun texnikumlarda doimiy faoliyat yurituvchi ishchi guruhlar tuziladi. Ishchi guruh qarorlari ochiq ovoz berish...

Turon World Cooperation tomonidan Birlashgan Arab Amirliklarida ishlash istagidagi fuqarolar uchun Dubay aeroportida ofitsant (waiter/waitress) lavozimiga 100 ta ish o‘rni taklif etildi. Bu haqda Migratsiya agentligi xabar berdi.

Ma’lumotga ko‘ra, ish BAA hududida amalga oshiriladi. Xodimlarga ish vaqtida bepul ovqat taqdim etiladi, viza va aviachipta ish beruvchi tomonidan qoplanadi hamda mehnat faoliyati BAA qonunchiligiga muvofiq rasmiylashtiriladi. Rekruting jarayoni halol va shaffof asosda olib borilishi ta’kidlangan.

Nomzodlar 21–30 yosh oralig‘ida bo‘lishi, erkaklar kamida 170 sm, ayollar esa kamida 160 sm bo‘yga ega bo‘lishi kerak. Tanada ko‘rinadigan tatuirovka bo‘lmasligi shart. Shuningdek, Food & Beverage yo‘nalishida kamida ikki yillik ish tajribasi, ichimliklar...

BMW dvigatelni ishga tushirish tizimidagi nuqson sababli butun dunyo bo‘ylab katta qaytarish kampaniyasini boshladi. Dastlabki ma’lumotlarga ko‘ra, bu muammo taxminan 575 mingta avtomobilni qamrab oladi.

Muammo starterning magnit kalitida (solenoiddagi) aniqlangan. 2020-yil iyulidan 2022-yil iyuligacha ishlab chiqarilgan qismlarda ko‘p marta ishga tushirish sikllari davomida tezroq eskirish yuz beradi. Eskirgan metall parchalar qismlarning qisqa tutashuviga olib kelishi mumkin, bu esa mahalliy qizib ketish yoki eng yomoni avtomobilning yo‘l davomida yonib ketishiga sabab bo‘lishi mumkin.

BMW ishlab chiqaruvchilari ta’mir ishlari amalga oshirilmaguncha, avtomobilni ishga tushirilgan holda nazoratsiz qoldirmaslik, ayniqsa masofadan ishga tushirish funksiyasidan foydalanganda tavsiya qiladi.

Qaytarish kampaniyasi quyidagi modellarga...

Internet tarmog‘ida Hyundai Creta’ning uchinchi avlodiga oid suratlar paydo bo‘ldi. Fotosuratlarda krossoverning tashqi ko‘rinishi bilan bir qatorda salon interyeri ham namoyon bo‘lgan.

Yangi avlod Creta ichki makonda sezilarli yangilanishlarga ega bo‘ladi. Xususan, old yo‘lovchi o‘rindig‘i yon tomonida maxsus tugmalar bloki — boss rejimi joylashgani ko‘rinadi. Ushbu funksiya orqa qatordagi yo‘lovchiga old o‘rindiqni masofadan surish yoki egish imkonini beradi va oyoq uchun qo‘shimcha joy yaratadi. Avval bunday opsiya asosan biznes-klass sedanlar va qimmatbaho yo‘ltanlamaslarda uchrardi.

Shuningdek, orqa qatorda uchta to‘liq sozlanadigan bosh suyanchiqlari va qora ekoteri bilan yaxshilangan bezak qo‘llanadi.

Tashqi ko‘rinish borasida esa yangi Creta hozirgi modelga nisbatan yirikroq...

Namangan viloyati Chortoq tumanida qalbaki banknotlarni muomalaga kiritishning oldi olindi. Bu haqda DXX matbuot xizmati ma’lum qildi.

Unga ko‘ra, Andijon viloyati Asaka tumanida istiqomat qiluvchi, 2005-yilda tug‘ilgan shaxs «shartli xaridor»ga 200 dona 100 ming so‘mlik va 125 dona 200 ming so‘mlik qalbaki kupyuralarni, jami 45 mln so‘mlik pulni 18 mln so‘mga sotayotgan vaqtida ushlanadi.

Shuningdek, uning yonidan qo‘shimcha 5 mln so‘mlik qalbaki pullar ham topilgan. Uning yashash xonadonidan noutbuk, rangli printer, bo‘yoqlar va qog‘ozlar ham ashoviy dalil sifatida olindi.

Ma’lumot uchun, mazkur shaxs ilgari ham shunday jinoyat sodir etgani uchun sudlangan. Holat yuzasidan unga nisbatan JKning 176-modda 2-qismi...

Yangi global tadqiqotlar shuni ko‘rsatadiki, O‘zbekiston ayollari fan sohasidagi yuqori pozitsiyalarga yetib borishda hali ham cheklangan imkoniyatlarga ega.

Xalqaro ilmiy kengash, Akademiyalararo hamkorlik va Fan sohasida gender tengligi qo‘mitasi tomonidan o‘tkazilgan tadqiqotga ko‘ra, O‘zbekiston Fan akademiyasidagi a’zolar orasida ayollar ulushi atigi 5 foizni tashkil qiladi. Bu ko‘rsatkich 136 ta ilmiy tashkilotlar orasida eng pastlaridan biri hisoblanadi va O‘zbekiston «ayollar ishtiroki juda past» bo‘lgan mamlakatlar guruhiga kiradi — ya’ni 10% dan kam ulush.

Hozirgi kunda dunyo miqyosida ilmiy xodimlarning faqat 31,1% ini ayollar tashkil qiladi. Milliy akademiyalar, ya’ni ilmiy e’tirofning eng yuqori darajasi hisoblangan tashkilotlarda ayollar ulushi o‘rtacha faqat 19% ni...

Bugun, 11-fevral kuni Toshkent shahridagi «Novza» metro bekati yaqinida joylashgan savdo majmuasining tom qismida yong‘in sodir bo‘lgani haqida xabarlar tarqaldi. Bu haqda Favqulodda vaziyatlar vazirligi xabar berdi.

Ma’lum qilinishicha, hodisa to‘g‘risida xabar kelib tushgach, qutqaruv bo‘linmalari zudlik bilan voqea joyiga yetib borgan. Binoda bo‘lgan barcha fuqarolar xavfsiz tarzda evakuatsiya qilingan.

Ushbu holat soat 18:19 da to‘liq bartaraf etildi. Vazirlik ma’lumotiga ko‘ra, hodisa oqibatida tan jarohati olganlar yo‘q.

«Toshkent shahar, Chilonzor tumani, Bunyodkor shoh ko‘chasida joylashgan savdo majmuasi tom qismida 30 pogonometrda elektr kabelining qizishi natijasida quyuq tutun hosil bo‘lgan. Ma’lum bo‘lishicha yong‘in sodir bo‘lmagan. Hodisa...

Pokistonning Xarian shahrida 9-Xalqaro armiya o‘yinlari doirasida bo‘lib o‘tgan «Jamoaviy ruh» («Team Spirit») musobaqasida O‘zbekiston harbiylari 1-o‘rinni qo‘lga kiritdi. Bu haqda «Dunyo» AA ma’lum qildi.

Musobaqada 19 ta xorijiy davlat Mudofaa vazirliklari jamoalari ishtirok etdi, shuningdek, 3 ta davlatdan kuzatuvchilar qatnashdi. O‘zbekiston Mudofaa vazirligi jamoasi musobaqada birinchi o‘rinni egallab, oltin medallarga sazovor bo‘ldi. Ikkinchi o‘ringa Malayziya, uchinchi o‘ringa esa AQSh jamoalari sazovor bo‘ldi.

Ma’lumot uchun, O‘zbekiston jamoasi mazkur musobaqada oltinchi bor g‘oliblikni qo‘lga kiritmoqda. Musobaqa jangovar sharoitlarga yaqin, murakkab vazifalar hamda yuqori mahorat va maxsus ko‘nikmalarni talab qiluvchi topshiriqlardan iborat bo‘ldi.

Musobaqa yakunida Pokiston Mudofaa kuchlari bosh qo‘mondoni...

Rossiyaning Anapa shahridagi texnikumlardan birida talaba o‘quv muassasasi binosining foyesida o‘t ochdi. Hodisa oqibatida bir kishi halok bo‘ldi, bir necha fuqaro jarohat oldi.

Krasnodar o‘lkasi gubernatori Veniamin Kondratyev ma’lum qilishicha, halok bo‘lgan shaxs texnikum qo‘riqchisi bo‘lgan. U birinchi bo‘lib hujumchiga qarshi chiqib, huquq-tartibot organlariga xabar bergan va shu tariqa uning binoga chuqurroq kirib borishining oldini olgan. Gubernator marhumning oila a’zolari va yaqinlariga hamdardlik bildirdi.

Krasnodar o‘lkasi Ichki ishlar boshqarmasi dastlabki ma’lumotlarga ko‘ra, uch kishi jarohatlanganini, ularga tibbiy yordam ko‘rsatilayotganini ma’lum qildi. Keyinchalik ikki nafar jabrlanuvchining ahvoli o‘rtacha og‘irlikda ekani bildirildi. Jabrlanganlar soni aniqlashtirilmoqda.

Huquq-tartibot idoralari gumonlanuvchi qo‘lga olinganini ma’lum...

O‘zbekistonlik himoyachi, «Manchester Siti» futbolchisi Abduqodir Husanov 29-fevral kuni tug‘ilgan va joriy yilda 22 yoshni qarshilaydi. Biroq 2026-yil kabisa yili bo‘lmagani sababli fevral oyi 28 kundan iborat bo‘ladi. Futbolchining navbatdagi «haqiqiy» tug‘ilgan kuni faqat 2028-yilda keladi. Husanov haqida boshqa qiziqarli faktlar bilan Kursiv Uzbekistan maqolasida tanishing.

Maqola mundarijasi:

Tarixiy transfer va yangi bosqich

2025-yil yanvar oyida Abduqodir Husanov Angliyaning top klublaridan biri — Manchester City bilan shartnoma imzoladi. U ingliz Premier League tarixida O‘zbekistondan chiqqan ilk futbolchi...

Hukumat qarori bilan «O‘zbekiston Respublikasi Milliy koordinatalar tizimi to‘g‘risida»gi nizom tasdiqlandi. Bu haqda Adliya vazirligi xabar berdi.

Qarorga ko‘ra, Milliy koordinatalar tizimi bir nechta asosiy qismlardan iborat bo‘ladi. Ular orasida milliy geodeziya referens datumi, Yer gravitatsiya maydonining global modeli, tizimning boshlang‘ich nol nuqtasi, davlat geodeziya tarmog‘i punktlari kataloglari va maxsus ma’lumotlar bazasi mavjud.

Milliy koordinatalar tizimining boshlang‘ich nol nuqtasi Samarqand viloyati Samarqand shahridagi Cho‘ponota tepaligida joylashgan davlat geodeziya punkti etib belgilandi.

Yer gravitatsiya maydonining global modeli sifatida EGM2008 qabul qilindi. Tizim ma’lumotlar bazasidan maxsus veb-sahifa orqali foydalanish mumkin bo‘ladi.

Eslatib o‘tamiz, avvalroq Qirg‘iziston O‘zbekistondan o‘tgan yirik yer maydonlarini davlat...

Ilk bor 1960-yillarda parvoz qilgan va keyinchalik loyihasi to‘xtatilgan vertikal uchib-qo‘nish qobiliyatiga ega havo kemasi yana ishlab chiqilmoqda. Buyuk Britaniyada joylashgan ARC AeroSystems kompaniyasi bu jiroplan vertolyotlarga nisbatan arzonroq va ekologik tozaroq muqobil bo‘lishi mumkinligini ta’kidladi.

Siz ushbu maqolada quyidagilarni bilib olasiz:

60 yildan so‘ng qaytgan texnologiya

Vertikal uchib-qo‘na oladigan va qariyb 60 yil...

Atoqli davlat va jamoat arbobi, mehnat faxriysi Kallibek Kamalov 11-fevral kuni 100 yoshida vafot etdi. Shavkat Mirziyoyev marhumning vafoti munosabati bilan hamdardlik bildirdi.

Kallibek Kamalov 1926-yil 18-martda Qoraqalpog‘istonning Taxtako‘pir tumanida tug‘ilgan. 1955-yilda Nukus davlat universitetini tamomlagan. Mehnat faoliyatini yoshlar tashkilotida boshlab, keyinchalik Qoraqalpog‘iston Respublikasi Vazirlar Kengashi raisining o‘rinbosari va Nukus shahar ijroiya qo‘mitasi raisi lavozimlarida ishlagan.

U turli yillarda kommunal xo‘jaligi vaziri, yo‘l transporti va avtomobil yo‘llari vaziri, partiya qo‘mitasi kotibi bo‘lib faoliyat yuritgan. 1959–1963-yillarda Qoraqalpog‘iston Respublikasi Vazirlar Kengashi raisi, 1963–1984-yillarda esa partiya qo‘mitasining birinchi kotibi sifatida hududni ijtimoiy-iqtisodiy rivojlantirishga katta hissa qo‘shgan. 1984–1986-yillarda diplomatik faoliyat bilan ham shug‘ullangan.

Uning rahbarligida...