Yangiliklar

Xiaomi Poco X8 Power 5G smartfonini ilk bor rasman namoyish qildi va uning taqdimot sanasini e’lon qildi. Poco India nashriga ko‘ra, qurilma 4-sentabr kuni Hindistonda taqdim etiladi va 10 000 mA/soat sig‘imli katta batareya bilan jihozlanadi.

Xiaomi ma’lumotiga ko‘ra, Poco X8 Power 5G bir marta quvvatlanganda 3,5 kungacha ishlashi mumkin. Kompaniya batareyaning xizmat muddati olti yil bo‘lishini ham ta’kidlamoqda.

Ekrani 3500 nitgacha yorqin bo‘lishi kutilmoqda

Dastlabki ma’lumotlarga ko‘ra, Poco X8 Power 5G 6,83 dyuymli AMOLED displey bilan jihozlanadi. Ekranning maksimal yorqinligi 3500 nitgacha yetishi, himoya uchun esa Gorilla Glass Victus 2 oynasidan foydalanilishi kutilmoqda.

Qurilma korpusi IP69K himoya...

AQShning yirik texnologik va iqtisodiy markazlaridan biri bo‘lgan Sietl shahrida 1-sentabr rasman «O‘zbekiston Mustaqilligi kuni» deb belgilandi. Bu haqda Tashqi ishlar vazirligi matbuot xizmati kotibi Kursiv Uzbekistan’ga ma’lum qildi.

Tegishli proklamatsiya O‘zbekiston davlat mustaqilligining 35 yilligi munosabati bilan qabul qilingan.

O‘zbekistonning taraqqiyot yo‘li e’tirof etildi

Sietl meri Keti B. Uilson tomonidan imzolangan hujjatda O‘zbekistonning 35 yil davomida mustaqil davlat sifatida bosib o‘tgan yo‘li, iqtisodiy rivojlanishi va amalga oshirilayotgan keng ko‘lamli o‘zgarishlari qayd etilgan.

Proklamatsiyada O‘zbekiston Markaziy Osiyoning eng ko‘p aholiga ega mamlakati hamda mintaqadagi jadal rivojlanayotgan iqtisodiyotlardan biri sifatida tilga olingan. Shuningdek, mamlakatning xalqaro savdo va investitsiya aloqalarini kengaytirishga...

Dam olish kunlari O‘zbekiston hududining katta qismida havo biroz bulutli va quruq bo‘lishi kutilmoqda. Kunduzgi harorat asosan 33–38 daraja, janubiy hududlarda esa 39–40 darajagacha ko‘tariladi.

«O‘zgidromet» ma’lumotiga ko‘ra, yozning so‘nggi kunlarida mamlakatning katta qismida issiq ob-havo saqlanib qoladi.

Shimoli-g‘arbda havo salqinlashadi

Qoraqalpog‘iston Respublikasi va shimoli-g‘arbiy hududlarda avgust oyining so‘nggi kunlarida salqin havo massalari kirib kelishi boshlanadi. 31-avgustga kelib bu hududlarda kunduzgi harorat 25–30 darajagacha pasayishi kutilmoqda.

1-sentabr kuni esa salqin havo massalari O‘zbekistonning barcha hududlariga tarqaladi va harorat 3–5 darajaga pasayadi.

Ayrim joylarda shamol kuchayadi

Respublika bo‘yicha shamol ayrim joylarda 13–18 m/s gacha, ba’zan 20–22 m/s gacha...

Farg‘ona viloyatida anorchilikni rivojlantirish bilan shug‘ullanayotgan tadbirkor Masturaxon Sayfutdinovaning mehnati xalqaro darajada e’tirof etildi. Bu haqda viloyat hokimligi xabar berdi.

U BMTning Oziq-ovqat va qishloq xo‘jaligi tashkiloti – FAO tomonidan tuzilgan 100 Women Heroes ro‘yxatiga kiritildi.

FAO rahbari tadbirkorning faoliyatini e’tirof etdi

FAO bosh direktori Syuy Dun’yuy Masturaxon Sayfutdinovaga yo‘llagan maktubida uning rahbarlik faoliyati, fidoyiligi va erishgan natijalarini alohida qayd etgan.

Tadbirkorning yutug‘i nafaqat Farg‘onadagi anorchilik sohasi, balki qishloq xo‘jaligida faoliyat yuritayotgan o‘zbekistonlik ayollarning mehnati uchun ham muhim e’tirof sifatida baholanmoqda.

Taqdirlash marosimi Rimda bo‘lib o‘tadi

Masturaxon Sayfutdinovani taqdirlash marosimi 12 – 16-oktabr kunlari Italiyaning Rim shahrida...

Hafta davomida dollar kursi turlicha tendensiyalarni ko‘rsatdi. «Kursiv» AQSh valyutasining so‘nggi yetti kunlikdagi o‘zgarishini tahlil qiladi.

Dollar hafta davomida 52 so‘mdan ko‘proqqa arzonladi

24-avgust kuni dollar 6,39 so‘mga qimmatlashib, 11 853,55 so‘mga yetgan edi. Keyingi ikki kun davomida esa kurs ketma-ket pasaydi.

25-avgustda Amerika valyutasi 35,48 so‘mga arzonlab, 11 818,07 so‘mni tashkil etdi. 26-avgust kuni kurs yana 39,55 so‘mga tushib, 11 778,52 so‘mgacha pasaydi.

27-avgustda dollar yana qimmatlashdi. Kurs 45,17 so‘mga oshib, 11 823,69 so‘mga yetdi. 28-avgust uchun esa dollar 22,46 so‘mga arzonlab, 11 801,23 so‘m etib belgilandi.

Haftaning eng past kursi 26-avgustda qayd etildi

Prezident Shavkat Mirziyoyev 28-avgust kuni Singapur respublikasining Katta vaziri Li Syan Lun boshchiligidagi delegatsiyani qabul qildi. Uchrashuvda savdo, investitsiyalar, raqamlashtirish, davlat boshqaruvi va ta’lim sohalaridagi hamkorlikni kengaytirish masalalari muhokama qilindi.

Suhbat avvalida Li Syan Lun Singapur prezidenti Tarman Shanmugaratnam va Bosh vaziri Lourens Vongning salomi hamda ezgu tilaklarini yetkazdi. Tomonlar O‘zbekiston va Singapur o‘rtasidagi munosabatlar izchil rivojlanayotganini qayd etdi.

Investitsiyalar hajmi qariyb $2 mlrdni tashkil qildi

Uchrashuvda ikki davlat o‘rtasidagi tovar ayirboshlash hajmi va qo‘shma korxonalar soni o‘sib borayotgani ta’kidlandi. Singapurning O‘zbekiston iqtisodiyotiga kiritgan investitsiyalari hajmi qariyb $2 mlrdga yetgan.

Shuningdek, Singapur kompaniyalarining O‘zbekistondagi investitsiyaviy faoliyatini yanada...

Li Auto kompaniyasi yangilangan Li Auto Mega elektr minivenini 2-sentabr kuni Xitoyda rasman taqdim etadi. Bu haqda CarNewsChina nashri xabar bermoqda.

Modelning asosiy o‘zgarishlari salon bilan bog‘liq bo‘lib, avtomobil aylanuvchi o‘rindiqlar, yig‘ma stol, uzun shift chirog‘i va yangi qulaylik funksiyalarini oladi. Kompaniya Mega’ni «uydan tashqaridagi uy» konsepsiyasiga yanada yaqinlashtirmoqchi.

Yangilangan modelning narxi hozircha e’lon qilinmagan. Amaldagi Li Mega Ultra 529,8 ming yuan, ya’ni qariyb $78,8 ming, Home versiyasi esa 559,8 ming yuan yoki taxminan $83,3 ming turadi. Yangi modelning narxi $80 ming atrofida bo‘lishi kutilmoqda.

Salon «mobil mehmonxona»ga aylantiriladi

Yangilanishdagi eng katta o‘zgarishlardan biri ikkinchi va uchinchi qatorlar...

O‘zbekiston 2026-yil iyul oyida taxminan $1,3 mlrdlik oltin eksport qilgan. Milliy statistika qo‘mitasi ma’lumotiga ko‘ra, yanvar – iyul oylarida oltin eksporti jami $2,8 mlrdni tashkil etdi. Bu ko‘rsatkich o‘tgan yilning shu davridagiga nisbatan keskin kamaygan.

2025-yilning xuddi shu davrida bu ko‘rsatkich $7,6 mlrd bo‘lgan. Ya’ni oltin eksporti qiymati qariyb 2,7 baravar kamaygan.

Yilning dastlabki yetti oyida O‘zbekiston oltinni faqat aprel va iyul oylarida eksport qilgan. Aprelda qariyb $1,5 mlrdlik oltin sotilgan edi. Shundan kelib chiqib, iyul oyidagi oltin eksporti taxminan $1,3 mlrdni tashkil etgan.

Eslatib o‘tamiz, avvalroq Fitch Ratings O‘zbekistonning oltin zaxiralari xavf ostida ekanini ma’lum...

Yaponiyada 1 800 kishi Xirosaki qal’asining 360 tonnalik tarixiy minorasini qo‘lda ko‘chirishda ishtirok etdi. Buning uchun qadimiy yapon usuli – hikiya qo‘llanildi. Ushbu usulda bino maxsus roliklar ustiga o‘rnatilib, arqonlar yordamida butun holda siljitiladi.

Minora zilzila oqibatida zarar ko‘rgan qal’a devorini ta’mirlash ishlari sabab avvalroq tarixiy joyidan ko‘chirilgan edi. Endi u bosqichma-bosqich asl joyiga qaytarilmoqda.

Minora ikki bosqichda siljitildi

Ishtirokchilar 80 kishilik guruhlarga bo‘lindi. Ular navbat bilan platformaga ulangan arqonlarni tortib, minorani dam olish kunlari davomida ikki bosqichda ko‘chirdi.

Birinchi bosqichda minora 1,13 metrga, keyin esa yana 1,09 metrga siljitildi. Shu tariqa ikki kun ichida tarixiy bino jami...

Honor kompaniyasi tomonidan yangi Honor 600S 5G smartfoni rasman taqdim etildi. Bu haqda Gizmochina nashri xabar bermoqda.

O‘rta narx segmentiga mo‘ljallangan model katta sig‘imli batareya, 120 Hz chastotali ekran, sun’iy intellekt funksiyalari va yuqori darajadagi himoya xususiyatlariga ega.

Smartfon dastlab Gonkong va Tayvan bozorlarida sotuvga chiqarilishi kutilmoqda. Gonkongda uning boshlang‘ich narxi 1 999 Gonkong dollari, ya’ni taxminan $255 etib belgilangan.

Honor 600S 5G 120 Hz ekran oldi

Honor 600S 5G 6,87 dyuymli TFT LCD displey bilan jihozlangan. Ekran 1592×720 piksel aniqlik, 120 Gts yangilanish chastotasi va 1 020 nitgacha maksimal yorqinlikni qo‘llab-quvvatlaydi.

Displeyda DC dimming, dinamik yorqinlik boshqaruvi...

Altrata kompaniyasining Billionaire Census 2026 hisobotiga ko‘ra, 2025-yilda dunyodagi milliarderlar soni rekord darajadagi 3 795 nafarga yetdi va o‘tgan yildagiga nisbatan 8,2 foizga oshdi. Ularning jami boyligi esa bir yil ichida 12,8 foizga oshib, $15,1 trlnni tashkil etdi.

Hisobotga ko‘ra, dunyoda boyligi $50 mlrddan yuqori bo‘lgan 29 nafar «supermilliarder» mavjud. Altrata milliarderlar boyligining o‘sishida sun’iy intellekt sohasiga yo‘naltirilgan investitsiyalar asosiy omillardan biri bo‘lganini qayd etgan.

Google asoschisi Larri Peyj, Tesla rahbari Ilon Mask va Amazon asoschisi Jeff Bezos kabi milliarderlarning boyligi ham AI bilan bog‘liq investitsiya o‘sishidan foyda ko‘rgan.

Milliarderlarning 5 foizdan ortig‘i sport klubiga egalik qiladi

Hisobotda...

AQShda 2026-yil avgust oyida Chevrolet Express’ning yuk va yo‘lovchi tashishga mo‘ljallangan versiyalari uchun alohida xarid, kredit yoki lizing aksiyalari taklif qilinmadi. Bu haqda GMAutority nashri xabar bermoqda.

Ayrim xaridorlar $500 chegirma olishi mumkin

Chevrolet Express uchun maxsus avgust aksiyasi mavjud bo‘lmasa-da, Chevrolet’ning barcha avtomobillariga tatbiq etiladigan bir qator dasturlar saqlanib qolgan.

Birinchi yordam xizmati xodimlari, tibbiyot sohasi mutaxassislari, harbiylar, kollej dasturi ishtirokchilari va ta’lim sohasi vakillari uchun $500 miqdorida chegirma ko‘zda tutilgan.

Mazkur imtiyozlar modelga xos maxsus aksiyalar emas, balki Chevrolet’ning alohida toifadagi mijozlarga mo‘ljallangan umumiy dasturlaridir.

Chevrolet Express narxi qancha

2026-yilgi Chevrolet Express ikki asosiy yo‘nalishda...

Prezident Shavkat Mirziyoyev 28-avgust kuni Shahidlar xotirasi xiyobonida qatag‘on qurbonlarini xotirlash marosimida ishtirok etdi. Tadbir Mustaqillik bayrami arafasida o‘tkazilib, unda davlat va jamoat tashkilotlari vakillari, nuroniylar, din arboblari hamda ziyolilar qatnashdi.

Marosim davomida Vatan ozodligi va erkinligi yo‘lida qurbon bo‘lgan ajdodlar xotirasiga Qur’on oyatlari tilovat qilindi, duo o‘qildi va xotira palovi tortildi.

Tarixiy xotirani saqlash muhimligi ta’kidlandi

Shahidlar xotirasi xiyobonidagi ramziy qabr oldida ham Qur’on tilovat qilindi. Shundan so‘ng davlat rahbari din arboblari va ziyolilar bilan tarixiy xotirani asrash, qatag‘on qurbonlari nomlarini tiklash hamda yoshlarni vatanparvarlik ruhida tarbiyalash masalalarini muhokama qildi.

«Shu kunlarda butun mamlakatimiz milliy mustaqilligimizning...

O‘zbekiston mustaqilligining 35 yilligi munosabati bilan bayram kunlarida mamlakat bo‘ylab qo‘shimcha transport qatnovlari tashkil etiladi. Bu haqda Turizm qo‘mitasi ma’lum qildi.

Qo‘mita ma’lumotiga ko‘ra, chora-tadbirlar aholining hududlar bo‘ylab sayohat qilish imkoniyatlarini kengaytirish, ichki turizmni rag‘batlantirish va turistik maskanlarga borish-kelishni qulaylashtirishga qaratilgan.

Ayrim poyezdlarga qo‘shimcha vagonlar ulanadi

Temiryo‘l transportida Toshkent – Xiva – Toshkent, Toshkent – Qo‘ng‘irot – Toshkent, Toshkent – Shovot – Toshkent, Toshkent – Termiz – Toshkent hamda Toshkent – Sariosiyo – Toshkent yo‘nalishlarida harakatlanadigan poyezdlarga qo‘shimcha vagonlar ulanadi.

Har bir tarkibga to‘rttagacha qo‘shimcha vagon qo‘shilishi rejalashtirilgan.

Bundan tashqari, Toshkent – Samarqand – Toshkent, Toshkent – Buxoro...

Counterpoint Research’ning 2026-yil II chorak ma’lumotlariga ko‘ra, Apple modellari AQSh, Xitoy, Germaniya, Buyuk Britaniya, Fransiya va Yaponiyada smartfon savdosida yetakchilik qildi. Hindistonda Oppo A6X 5G, Janubiy Koreyada esa Samsung Galaxy S26 Ultra 5G birinchi o‘rinni egalladi.

Counterpoint Research sakkizta yirik bozorda eng ko‘p sotilgan beshta smartfon modelining ulushini e’lon qildi. Hisobot savdo kanallari orqali yakuniy xaridorlarga sotilgan qurilmalar hajmiga asoslangan.

AQSh va Yevropada iPhone yetakchilik qildi

AQShda iPhone 17 5G bozorning 14 foizini egallab, eng ko‘p sotilgan model bo‘ldi. Ikkinchi o‘rinda iPhone 17 Pro Max 5G – 13%, uchinchi o‘rinda iPhone 17 Pro 5G – 10% qayd etilgan.

Vivo kompaniyasi yangi flagman Vivo X500 Pro Max smartfonining displeyi haqida qo‘shimcha ma’lumotlarni oshkor qildi. Kompaniya ta’kidlashicha, qurilma dunyoda ilk bor 6,85 dyuymli BOE Q11 2K Zeiss Master Color paneli bilan jihozlanadi.

Yangi ekran yuqori aniqlikni saqlagan holda energiya sarfini kamaytirishga yo‘naltirilgan. Vivo X500 Pro Max bilan birga X500 va X500 Pro modellari ham sentabr oyida Xitoyda taqdim etilishi kutilmoqda.

Energiya sarfi 21 foizga kamaygan

Vivo ma’lumotiga ko‘ra, yangi 2K displey avvalgi avloddagi 1,5K ekran bilan taqqoslaganda 21 foiz kamroq energiya sarflaydi.

Shu bilan birga, panelning xizmat muddati ikki baravar oshirilgani aytilmoqda. Kompaniya yuqori aniqlikdagi ekranlarda odatda kuzatiladigan...

Ozarbayjonning «Sabah» klubi futbolchilari UEFA Chempionlar ligasining Elit liga bosqichiga yo‘llanma olgani uchun katta miqdorda mukofot oladi. Har bir asosiy tarkib futbolchisiga 60 ming ozarbayjon manati (qariyb $35,3 ming) beriladi. Bu haqda Sport24.az xabar berdi. 

Nashrning ma’lum qilishicha, jamoaning tarixiy natijasiga hissa qo‘shgan har bir futbolchi, jumladan, klubning o‘zbekistonlik futbolchisi Umarali Rahmonaliyev ham 60 ming manat bonus oladi. Zaxirada qolgan futbolchilar esa asosiy mukofotning 50 foizini – 30 ming manat (qariyb $17,6 ming) oladi.

«Sabah» tarixiy natijaga erishdi

«Sabah» Chempionlar ligasi pley-off bosqichida Isroilning «Hapoel» (Beer-Sheva) klubiga qarshi maydonga tushdi. Birinchi uchrashuvda Ozarbayjon jamoasi 1:2 hisobida mag‘lub...

Jorjina Rodriges Krishtianu Ronalduning avvalgi munosabatlaridan bo‘lgan uch farzandi – Krishtianu Ronaldu Jr., Eva Mariya va Mateoni rasman asrab olgani haqida xabarlar tarqaldi. HOLA! Spain nashri Madridda faoliyat yurituvchi Le Morne Brabant Abogados yuridik firmasining huquqiy direktori Mariya Espinga murojaat qilib, bunday holatda asrab olishning huquqiy oqibatlarini tushuntirdi.

Ekspertning qayd etishicha, turmush o‘rtog‘i yoki doimiy hamkorining farzandini asrab olish odatiy asrab olish jarayonidan farq qiladi. Bunda, birinchi navbatda, bolaning huquqiy maqomi, uning qonuniy ota-onalari kim ekani va boshqa ota-onaning ota-onalik huquqlari saqlanib qolgan-qolmagani aniqlanadi.

Shundan so‘ng, asrab oluvchi tegishli birinchi instansiya sudiga murojaat qilishi mumkin. Bunday holatda ayrim boshqa...

Samsung’ning 2027-yilda taqdim etilishi kutilayotgan yangi Galaxy S27 Pro smartfonining renderlari internetda paydo bo‘ldi. Android Headlines ma’lumotlarga ko‘ra, model Galaxy S27 Ultra’ning ixchamroq versiyasi bo‘ladi, biroq S Pen stilusiga ega bo‘lmaydi.

Galaxy S27 Pro Samsung’ning flagman qatoridagi mutlaqo yangi model bo‘lishi kutilmoqda. Renderlarga qaraganda, uning dizayni Galaxy S27 Ultra’ga juda o‘xshash bo‘ladi.

Ekrani 6,6 dyuym bo‘lishi mumkin

Dastlabki ma’lumotlarda Galaxy S27 Pro 6,6 dyuymli displey bilan jihozlanishi aytilmoqda. Bu Galaxy S27 Ultra ekranidan 0,3 dyuym kichik.

Smartfonning o‘lchamlari 154,06×73,77×7,95 mm bo‘lishi mumkin. Galaxy S27 Pro’ning asosiy kamerasi 200 MP sensor bilan jihozlanishi mumkin.

Ultra keng burchakli kamera...

Nepal va Xitoyning Tibet hududida yuz bergan kuchli suv toshqinlari oqibatida 1,5 mingga yaqin kishilar bedarak yo‘qolgan. Ular orasida 700 dan ortiq xorijlik fuqarolar bor. Hozircha tabiiy ofat oqibatida halok bo‘lgan yoki jabrlanganlar orasida O‘zbekiston fuqarolari borligi haqida ma’lumot kelib tushmagan. Bu haqda O‘zbekistonning Dehlidagi elchixonasi ma’lum qildi. 

Diplomatik vakolatxona Nepal va tegishli idoralar bilan doimiy aloqada bo‘lib, vaziyatni kuzatmoqda.

Nepal va Tibetda minglab odam qidirilmoqda

Himolay hududidagi daryoga katta miqdorda loy va tosh massasining qulab tushishi kuchli suv hamda vayronalar oqimini yuzaga keltirgan. Tabiiy ofat yo‘llar, uylar va boshqa infratuzilma obyektlariga jiddiy zarar yetkazgan.

Nepalda...

Rossiyaning «Sibereko» kompaniyasi O‘zbekistonga ekologik toza oziq-ovqat mahsulotlarini yetkazib berish va kelgusida ularni mamlakat hududida ishlab chiqarishni mahalliylashtirishni rejalashtirmoqda. O‘zbekistonning Novosibirsk shahridagi Bosh konsuli Aslam Akbarov «Sibereko» MChJ bosh direktori Andrey Mandrik bilan uchrashdi.

Muloqot davomida kompaniyaning O‘zbekiston bilan uzoq muddatli hamkorlikni yo‘lga qo‘yish rejalari muhokama qilindi.

Mahsulot ishlab chiqarish O‘zbekistonda yo‘lga qo‘yilishi mumkin

Andrey Mandrik kompaniya O‘zbekistonga ekologik toza oziq-ovqat mahsulotlarini yetkazib berishga qiziqish bildirayotganini ma’lum qildi.

Kelgusida esa «Sibereko» ishlab chiqarish quvvatlarini O‘zbekiston hududida mahalliylashtirish imkoniyatini ko‘rib chiqmoqchi.

Kompaniya, shuningdek, O‘zbekiston bozoridagi ishtirokini kengaytirish va o‘z mahsulotlarini faol targ‘ib qilishni rejalashtirmoqda.

O‘zbekiston kompaniyasi bilan hamkorlik...

O‘zbekistonlik sportchilar Shahzod Nurmatov va Sobir Safaraliyev akademik eshkak eshish bo‘yicha kattalar o‘rtasidagi jahon chempionatida tarixiy natijaga erishdi. O‘zbekiston vakillari mamlakat tarixida ilk bor ushbu musobaqada oltin medalni qo‘lga kiritdi.

Niderlandiyaning Amsterdam shahrida davom etayotgan akademik eshkak eshish bo‘yicha jahon chempionatida 27-avgust kuni O‘zbekiston terma jamoasi uchun tarixiy natija qayd etildi.

Nurmatov va Safaraliyev oltin medalni qo‘lga kiritdi

Yengil vazn toifasidagi sportchilar o‘rtasida juftlik dasturida – LM2x yo‘nalishida Shahzod Nurmatov va Sobir Safaraliyev tandemi barcha raqiblarini ortda qoldirib, jahon chempioniga aylandi.

Bu natija O‘zbekiston akademik eshkak eshish tarixidagi eng yirik yutuqlardan biri bo‘ldi. Bungacha o‘zbekistonlik sportchilar kattalar o‘rtasidagi...

2026-yilning yanvar – iyul oylarida O‘zbekistonning tashqi savdo aylanmasi $49,5 mlrdni tashkil etdi. Bu 2025-yilning mos davridagiga nisbatan $3,7 mlrdga yoki 8,1 foizga ko‘p. Bu haqda Milliy statistika qo‘mitasi ma’lum qildi.

Hisobot davrida importning yuqori sur’atlarda o‘sishi tashqi savdo aylanmasining kengayishiga asosiy ta’sir ko‘rsatgan. Eksport hajmi esa o‘tgan yilga nisbatan qisqargan.

Import 17,8 foizga oshdi

Yanvar – iyul oylarida O‘zbekiston eksporti $19,9 mlrdni tashkil etib, 2025-yilning shu davridagiga nisbatan 3,6 foizga kamaydi. Import esa aksincha, 17,8 foizga o‘sib, $29,6 mlrdga yetdi. Natijada import hajmi eksportdan $9,7 mlrdga yuqori bo‘ldi.

Mamlakat tashqi savdo aylanmasining qariyb 60 foizi import hissasiga...

Nepalning shimoliy hududlarida yuz bergan kuchli suv toshqini oqibatida halok bo‘lganlar soni 469 nafarga yetdi. Yana 977 kishi bedarak yo‘qolgan deb hisoblanmoqda. Bu haqda Nepalning Milliy favqulodda operatsiyalar markazi ma’lumotlariga tayanib, mahalliy Ratopati nashri xabar berdi.

Qidiruv-qutqaruv ishlari davom etmoqda

Tabiiy ofat oqibatida 73 kishi jarohatlangan, 3 253 kishi esa qutqarilgan. Bedarak yo‘qolganlar orasida 517 nafar xorij fuqarosi ham bor. Qutqaruvchilar vayronalar ostidan va daryo oqimlari bo‘ylab odamlarni izlash ishlarini davom ettirmoqda.

Qutqaruv ishlariga Nepal armiyasi, politsiya va qurolli politsiya kuchlaridan jami 9 405 nafar xodim jalb qilingan. Operatsiyalarda 15 ta vertolyot ham foydalanilmoqda.