Yangiliklar

28-avgust kuni futbol bo‘yicha 2026/2027-yilgi UEFA Konferensiyalar ligasining guruh bosqichi uchun qur’a tashlash marosimi bo‘lib o‘tdi. Musobaqada O‘zbekiston milliy terma jamoasi a’zosi Behruz Karimov to‘p surayotgan Shveysariyaning «Lugano» jamoasi ham o‘z raqiblarini bilib oldi.

Yangi format va asosiy raqiblar

Qur’a natijalariga ko‘ra, «Lugano» klubi turnirning asosiy bosqichida jami 6 ta o‘yin o‘tkazadi. Shveysariya jamoasining bu bosqichdagi raqiblari va uchrashuv o‘tadigan joylar quyidagicha taqsimlandi:

«Lugano» o‘z maydonida Serbiyaning «Srvena Zvezda», Belgiyaning «Sent-Truidense» va Litvaning «Kauno Jalgiris» jamoalarini qabul qiladi. Safar uchrashuvlarida esa Daniyaning «Kopengagen», Ispaniyaning «Xetafe» va Chexiyaning «Yablones» klublari mehmoni bo‘ladi.

Guruh bosqichidagi o‘yinlar joriy yilning kuzida boshlanadi...

Joriy yilning 28-avgustiga o‘tar kechasi Toshkent shahrining Yunusobod tumanida elektromobil yonib ketdi. Poytaxt Favqulodda vaziyatlar bosh boshqarmasi qutqaruvchilari voqea joyiga zudlik bilan yetib borib, yong‘inni qisqa vaqt ichida to‘liq o‘chirishga erishdilar.

Toshkent shahar FVBB matbuot xizmati taqdim etgan ma’lumotlarga ko‘ra, yong‘in haqidagi xabar soat 02:16 da kelib tushgan. Hodisa Yunusobod tumani, G‘ayratiy ko‘chasida joylashgan 79-uy oldida yuz bergan.

Qutqaruvchilar aytilgan manzilga operativ ravishda yetib borgan va soat 02:24 da olov to‘liq bartaraf etilgan. O‘t o‘chiruvchilarning tezkor harakatlari natijasida yong‘in atigi 8 daqiqa ichida jilovlanib, atrofdagi boshqa avtomobillar yoki binolarga o‘tib ketishining oldi olingan.

Qurbonlar va jarohatlanganlar yo‘q

Quvonarlisi...

Nepal va Xitoyning Tibet hududida muzlik qulashi oqibatida yuzaga kelgan halokatli suv toshqini tufayli 600 dan ortiq kishilar halok bo‘ldi, 3 mingga yaqin odamlar bedarak yo‘qoldi. Hukumat mamlakatni qayta tiklash uchun $4-5 mlrd mablag‘ va xalqaro hamjamiyatdan qutqaruv ishlariga emas, balki aniq ixtisoslashtirilgan texnik yordamga muhtojligini bildirmoqda.

Qurbonlar va bedarak yo‘qolganlar

Muzlik qulashi oqibatida kelib chiqqan toshqinlar tog‘ daryolari tizimini vayron qilib, Nepalda 626 kishi va Xitoyning Tibet hududida 7 kishining hayotiga zomin bo‘ldi. Hozirgi kunda 3000 ga yaqin odamlar, jumladan, Nepalda 2426 kishi va Tibetning Gyirong okrugida 558 kishi qidirilmoqda. Yo‘qolganlarning kamida 540 nafari xorijliklar bo‘lib, ularning...

28-avgust kuni Toshkent shahrining Mirobod tumanida yengil konstruksiyadan qurilgan inshootda yong‘in sodir bo‘ldi. Favqulodda vaziyatlar bosh boshqarmasi qutqaruvchilari voqea joyiga zudlik bilan yetib borib, olovni to‘liq o‘chirishga erishdi.

Olovning tezkorlik bilan jilovlanishi

Toshkent shahar Favqulodda vaziyatlar bosh boshqarmasi matbuot xizmatining xabar berishicha, yong‘in haqidagi chaqiruv soat 13:37 da kelib tushgan. Hodisa Mirobod tumanining Surxon ko‘chasida joylashgan yengil konstruksiyali qurilmada yuz bergan.

Qutqaruv ekipajlari aytilgan manzilga tezkorlik bilan yetib borib, soat 13:54 da yong‘inni to‘liq o‘chirgan. Tezkor chora-tadbirlar natijasida olovning keng tarqalishiga va atrofdagi obyektlarga o‘tishiga yo‘l qo‘yilmagan.

Sabab va oqibatlar

Dastlabki ma’lumotlarga ko‘ra, yong‘in natijasida tan jarohati...

Chechenistonda 15 yoshli qiz ro‘mol qadashga mo‘ljallangan ignani tasodifan yutib yubordi va u ichakda qariyb uch hafta qolib ketdi. Shifokorlar nazorati ostida bo‘lgan bemorning tanasidan begona jism, oxir-oqibat, tabiiy yo‘l bilan chiqib ketgan.

Shifoxonaga murojaat va rentgen xulosasi

Avgust oyining boshlarida o‘smir qiz uchi bezakli bo‘lgan ro‘mol ignasini ehtiyotsizlik oqibatida yutib yuborgan. U darhol shifoxonaga murojaat qilgan va ikki kundan so‘ng o‘tkazilgan rentgen tekshiruvi igna allaqachon ichakka yetib borganini ko‘rsatgan. Bu haqda bemorning qarindoshi, shifokor-nefrolog Tamila Sitsiyeva Sapa Kavkaz nashriga ma’lum qildi.

Jarrohlik amaliyotiga tayyorgarlik va kutilmagan yechim

Tibbiyot xodimlari ignaning harakatini muntazam kuzatib borishgan. Biroq takroriy...

2026-yilning yanvar – iyul oylarida O‘zbekiston va Hindiston o‘rtasidagi tashqi savdo aylanmasi sezilarli darajada o‘sib, $698,7 mln ga yetdi. Bu haqda Milliy statistika qo‘mitasi xabar berdi.

Investitsiyalar va korxonalar

Hindistondan asosiy kapitalga o‘zlashtirilgan investitsiya va kreditlar yanvar – iyun oylarida $225,9 mln ni tashkil etdi. O‘zbekistonda Hindiston kapitali ishtirokidagi korxonalar soni 2026-yil 1-avgust holatiga ko‘ra 439 taga yetgan.

Turizm va sayohatlar

2026-yilning yetti oyi davomida Hindistondan O‘zbekistonga 32 462 nafar sayyoh kelgan bo‘lsa, O‘zbekistondan Hindistonga sayohat qilganlar soni 12 003 nafarni tashkil qildi. Tashqi savdo aylanmasi tarkibida eksport $91,3 mln ni, import esa $607,4 mln ni tashkil...

Angliya Premyer-ligasining 2-turi doirasida «Manchester Siti» klubi Londonda «Kristal Pelas» mehmoni bo‘ldi. Gollarga boy o‘tgan bahsda «shaharliklar» yirik 1:4 hisobida ishonchli g‘alabani qo‘lga kiritishdi.

O‘zbekistonlik futbol muxlislari uchun eng quvonarli jihati shundaki, hamyurtimiz Abduqodir Husanov ushbu uchrashuvni ham asosiy tarkibda boshladi.

Husanovning ishonchli o‘yini va himoyadagi barqarorlik

«Manchester Siti» ustozi ushbu safar uchrashuvida ham himoya qo‘rg‘onini Abduqodir Husanovga ishonib topshirdi. O‘zbekiston milliy terma jamoasi a’zosi o‘yinni asosiy tarkibda boshladi va butun o‘yin davomida o‘zining sovuqqonligi bilan ajralib turdi.

Nufuzli SofaScore tahliliy portali hamyurtimizning o‘yinini yuqori baholab, unga 7,1 ball taqdim etdi. Husanov o‘z vazifasini to‘laqonli a’lo darajada...

Qiyinchiliklar haqida o‘ylamaslik ancha qiyin bo‘ladi, shu bilan birga, ilgari duch kelgan qiyinchiliklar haqida ham, qachondir paydo bo‘lishi mumkin bo‘lgan qiyinchiliklar haqida ham o‘ylamaslik qiyin. Hatto odatda juda optimistik kayfiyatda bo‘lgan odamlar ham bugun barcha rejalarini amalga oshirishga yoki boshlagan ishlarini oxiriga yetkazishga shubha qilishlari mumkin. Shu sababli muloqotda qiyinchiliklar yuzaga kelishi mumkin. Quyida burjlar bo‘yicha 29-avgust uchun munajjimlar bashoratini taqdim etamiz.

Qo‘y (21.03 – 20.04)

Kun muloqot nuqtayi nazaridan ancha murakkab bo‘ladi. U tarang hissiy muhit bilan ajralib turadi va ko‘plarga ba’zan ularni yengib o‘tadigan g‘azabni yengish qiyin bo‘ladi.

Eng keskin lahzalar darhol va so‘zsiz qo‘llab-quvvatlash umidida o‘z...

Mirziyoyev hamdardliklar yo‘lladi, milliarderlar soni 8,2 foizga oshdi — 28-avgust kuni e’lon qilingan yangiliklar Kursiv Uzbekistan dayjestida.

Shavkat Mirziyoyev Xitoy va Nepal rahbarlariga hamdardlik yo‘lladi

Prezident Shavkat Mirziyoyev Xitoyning Tibet avtonom rayonida va Nepalning Tibet bilan chegarasida yuz bergan tabiiy ofatlar oqibatida ko‘plab insonlar halok bo‘lgani va jarohatlangani munosabati bilan ikki davlat rahbariga hamdardlik bildirdi.

Shavkat Mirziyoyev Tibet avtonom rayonidagi Shigadze shahar okrugida yuz bergan keng ko‘lamli ko‘chki va toshqin oqibatlari munosabati bilan Xitoy Xalq Respublikasi raisi Si Szinpinga hamdardlik yo‘lladi.

Tabiiy ofat natijasida ko‘plab insonlar halok bo‘lgan, jarohatlangan va katta iqtisodiy talafot yetgan.

Dunyoda milliarderlar soni 8,2 foizga oshdi

Altrata...

Lava kompaniyasi Bold N4 Lite nomli yangi budjet smartfonini taqdim etdi. Bu haqda Gizmochina nashri xabar berdi.

Oddiy qo‘ng‘iroqlar, xabarlar va kundalik ilovalardan foydalanish uchun mo‘ljallangan qurilma 3-sentabrdan $85 narxda sotuvga chiqadi.

Smartfon 6,56 dyuymli LCD displey bilan jihozlangan. Ekran aniqligi 960×540 pikselni tashkil etadi.

Qurilma Unisoc 9863A sakkiz yadroli protsessori asosida ishlaydi. U 28 nanometrli texnologiya asosida ishlab chiqarilgan. Operativ xotira hajmi 3 GB, virtual kengaytirish funksiyasi orqali uni 6 GB gacha oshirish mumkin. Ichki xotira esa 32 GB bo‘lib, microSD karta orqali kengaytiriladi.

5000 mA·soat batareya

Lava Bold N4 Lite smartfoniga 5000 mA·soat sig‘imli akkumulyator o‘rnatilgan...

O‘zbekistonda tadbirkorlar uchun elektr energiyasi va tabiiy gaz bo‘yicha to‘lov tartibi o‘zgaradi. 2026-yil 1-noyabrdan ayrim biznes subyektlari oylik iste’mol uchun elektr va gaz haqining 15 foizini oldindan to‘lashi mumkin bo‘ladi.

Yangi tartib EHNAT va TGNHATga ulangan, shuningdek, masofadan o‘chirish va yoqish imkoniyatiga ega hisoblagichlari mavjud tadbirkorlarga tatbiq etiladi.

Oldindan to‘lov 100 foizdan 15 foizga tushadi

Hozir amalda tadbirkorlar uchun elektr energiyasi va tabiiy gaz iste’moli bo‘yicha oldindan to‘lov miqdori 100 foizni tashkil etadi.

Yangi tartib bilan bu ko‘rsatkich 15 foiz etib belgilanadi. Biroq oxirgi ikki oy davomida to‘lov intizomiga rioya qilmagan tadbirkorlar mazkur imtiyozdan foydalana olmaydi.

Hisobot topshirish...

O‘zbekistonda kichik tadbirkorlik subyektlari faoliyatini har qanday tekshirishga 3 yil muddatga moratoriy joriy etiladi. Bu haqda 27-avgust kuni qabul qilingan prezident farmonida belgilangan.

Moratoriy doirasida kichik tadbirkorlik subyektlarini tekshirish noqonuniy hisoblanadi va bunday tekshiruv o‘tkazgan mansabdor shaxslar javobgarlikka tortiladi.

Biroq ayrim holatlar bundan mustasno. Jumladan, jinoyat ishi doirasidagi tekshiruvlar, inson salomatligiga ta’sirini o‘rganish, mehnat qonunchiligiga rioya etilishini tekshirish, fuqarolar murojaatlari, QQSni qoplash yoki qaytarish hamda tadbirkorlik subyektini tugatish bilan bog‘liq tekshiruvlar moratoriyga kirmaydi.

So‘nggi 3 yillik tekshiruvlar qayta o‘rganiladi

Moratoriy amal qiladigan davrda Biznes-ombudsman tomonidan «Samarali nazorat» tadbiri o‘tkaziladi. Uning doirasida nazorat organlarining so‘nggi 3 yil davomida o‘tkazgan...

Toshkentning Yashnobod, Mirobod va Sergeli tumanlarida kompleks qurilish va renovatsiya loyihalarini amalga oshirish tartibi tasdiqlandi. Bu haqda Toshkent shahar hokimining 25-avgustdagi qarori e’lon qilindi.

Renovatsiyaga tushgan uy-joy mulkdorlariga kompensatsiya va o‘ringa o‘rin mulk taqdim etish masalalari bo‘yicha yangi tartib belgilandi.

Qaror bilan mazkur uch tumanda kompleks qurilish loyihalarini amalga oshirish uchun mas’ul tashkilot etib Toshkent Invest kompaniyasi belgilandi.

Mulkdorlar bilan kelishuv tuziladi

Renovatsiyaga tushgan ko‘chmas mulk obyektlari mulkdorlariga hududga yaqin joylarda qurilayotgan yangi turarjoy majmualaridan o‘ringa o‘rin mulk taqdim etish bo‘yicha developerlar bilan muzokaralar olib boriladi.

Shuningdek, mulkdorlar bilan muzokaralar o‘tkazilib, kompensatsiya turi kelishiladi. Kelishuvlar notarial tasdiqlanadigan bitimlar...

Shavkat Mirziyoyev O‘zbekiston davlat mustaqilligining 35 yilligiga bag‘ishlangan tantanali marosimda so‘nggi yillarda amalga oshirilgan islohotlar, mustaqillikning ahamiyati va Yangi Toshkentning kelajakdagi o‘rni haqida fikr bildirdi. Bu haqda prezident matbuot xizmati xabar berdi.

Davlat rahbari ta’kidlashicha, 1991-yilda xalqning xohish-irodasi va qat’iyati bilan qo‘lga kiritilgan mustaqillikning ildizlari uch ming yildan ziyod davlatchilik an’analari va qadimiy sivilizatsiya tarixiga borib taqaladi.

Prezident Birinchi va Ikkinchi Renessans davrida Muhammad al-Xorazmiy, Ahmad Farg‘oniy, Abu Rayhon Beruniy, Abu Ali ibn Sino, Mirzo Ulug‘bek va Alisher Navoiy kabi buyuk allomalar jahon tamadduniga ulkan hissa qo‘shganini ta’kidladi. Shuningdek, Amir Temur barpo qilgan davlat adolat va bunyodkorlik timsoli sifatida...

Toshkentdagi Fonon zargarlik zavodining 100 foiz davlat ulushi ochiq auksionga chiqarildi. Korxonaning boshlang‘ich narxi 316,67 mlrd so‘m etib belgilangan.

Davlat aktivlarini boshqarish agentligi Gold Moon Tashkent kompaniyasidagi davlat ulushining 100 foizini sotuvga qo‘ydi. Kompaniya 2019-yil avgust oyida tashkil etilgan bo‘lib, zargarlik buyumlari ishlab chiqarish bilan shug‘ullanadi. Uning tarkibiga Toshkentdagi Fonon zavodi kiradi.

Korxona haqida

Zavod poytaxtning Chilonzor tumanida, O‘zbekiston davlat jahon tillari universiteti kampusi qarshisida va Farhod bozori yaqinida joylashgan.

Korxonada o‘rtacha 459 nafar xodim ishlaydi. 2026-yil 1-iyul holatiga ko‘ra, Fononning foydasi 33,39 mlrd so‘mni tashkil etgan. Biroq korxona 2025-yilni 7,8 mlrd so‘m zarar bilan yakunlagan.

Gold Moon...

Norvegiya qiroli Harald V 28-avgust kuni 89 yoshida Oslo universiteti kasalxonasida vafot etdi. Bu haqda mamlakat qirollik saroyi xabar berdi.

U mamlakatni 35 yildan ortiq boshqardi va Norvegiya monarxiyasini zamonaviylashtirish hamda qirollik oilasini jamoatchilikka yaqinlashtirishdagi roli bilan tanildi.

Norvegiya hududida tug‘ilgan ilk valiahd

Harald V 1937-yilda tug‘ilgan. U qariyb 570 yil ichida Norvegiya hududida tug‘ilgan ilk norveg valiahdi bo‘lgan. Ikkinchi jahon urushi yillarida, Germaniya Norvegiyani bosib olganidan keyin uch yoshli Harald onasi va opa-singillari bilan avval Shvetsiyaga, keyinchalik AQShga ketgan. Urush tugagach, u Norvegiyaga qaytib, harbiy akademiyada va Oksford universitetida tahsil olgan.

1991-yil 17-yanvarda otasi...

Nafaqa tayinlanishi, to‘lov muddati, Baraka kartasini olish yoki ilovadagi texnik muammolar bo‘yicha murojaat qilinadigan tashkilotlar va telefon raqamlari ma’lum qilindi. Bu haqda Ijtimoiy himoya milliy agentligi xabar berdi.

Nafaqa va to‘lovlar bo‘yicha

Nafaqa tayinlanganini aniqlash, uning qachon to‘lanishi yoki kasallik nafaqasi miqdori haqida ma’lumot olish uchun 1070 «Ishonch raqami»ga qo‘ng‘iroq qilish mumkin.

Shuningdek, yashash joyiga biriktirilgan «Inson» ijtimoiy xizmatlar markazining To‘lovlar sho‘basiga murojaat qilish mumkin.

Baraka kartasi kelmagan bo‘lsa

Agar bank kartasi filialga yetib kelgani yoki uning yetkazib berilishida kechikish bo‘yicha savollar bo‘lsa, kartani chiqargan bankka murojaat qilish kerak.

Baraka kartalari bo‘yicha «Aloqabank» yoki Xalq banki bilan...

2-sentabr uchun valyutalar kursi yangilandi. Unga ko‘ra, dollar kursi 19,25 so‘mga oshib, 11 820,48 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

25-avgustda kurs yana 35,48 so‘mga tushib, 11 818,07 so‘mni, 26-avgust kuni 39,55 so‘mga tushib, 11 778,52 so‘mni, 27-avgust kuni 45,17 so‘mga oshib, 11 823,69 so‘mni, 28-avgust kuni esa 22,46 so‘mga tushib, 11 801,23 so‘mni tashkil qildi.

Yevro kursida ham oshish kuzatildi. Yevropa valyutasi 28,32 so‘mga oshib, 13 766,13 so‘m bo‘ldi. Rossiya rubli ham oshdi. Rubl kursi 0,78 so‘mga oshib, 137,51 so‘mni tashkil etdi.

Eslatib o‘tamiz, avvalroq...

O‘zbekiston Milliy investitsiya jamg‘armasi (UzNIF) 2026-yilning dastlabki olti oyidagi moliyaviy natijalarini e’lon qildi. Hisobotga ko‘ra, fondning sof aktivlari qiymati 6,1 foizga o‘sib, 30-iyun holatiga 31,67 trln so‘mga yetgan.

Bir aksiya qiymati ham oshdi

Jamg‘arma ma’lumotlariga ko‘ra, 30-iyun holatida bir aksiyaga to‘g‘ri keladigan sof aktivlar qiymati 6,2659 so‘mni tashkil etgan. Aprel oyida aksiyalar 5:1 nisbatda konsolidatsiya qilinganini hisobga olganda, bu ko‘rsatkich yil boshidagi 5,9082 so‘mga nisbatan qariyb 6,1 foizga yuqori.

Fond aktivlari o‘sishining asosiy omillaridan biri iyun oyida investitsiya portfelining qayta baholangani bo‘lgan.

Aksiyalar narxi ham ko‘tarildi

UzNIF aksiyalari 18-may kuni London fond birjasida listing qilingan. Listingdan keyin fond...

Markaziy bank O‘zbekiston mustaqilligining 35 yilligiga bag‘ishlangan uchta esdalik tangadan iborat kolleksiyani muomalaga chiqardi. Oltin va kumushdan zarb etilgan tangalar 27-avgustdan 690 ta tijorat banki filialida sotuvga chiqarildi.

Kolleksiya O‘zbekistonning milliy davlatchiligi, tarixiy merosi, milliy qadriyatlari va zamonaviy taraqqiyotini aks ettiruvchi uch xil dizayndagi tangadan iborat. Tangalarni uch donalik kolleksiya to‘plamida yoki har birini alohida sotib olish mumkin.

Har bir tanga 31,1 gramm vaznga ega

Esdalik tangalari 999,9 asillikdagi oltin va kumushdan zarb etilgan. Har bir tanganing og‘irligi 31,1 gramm, nominal qiymati esa 100 ming so‘mni tashkil etadi.

Oltin tangalarning dastlabki tiraji 450 dona, kumush tangalarniki esa...

Tecno kompaniyasi tomonidan arzon segmentga mo‘ljallangan yangi Tecno Spark Go 3 Pro smartfonini taqdim etildi. Bu haqda GSMArena nashri xabar bermoqda.

Model Spark Go 3’dan yetti oy o‘tib namoyish qilindi va 120 Hz ekran, 5 200 mA/soat batareya hamda IP69 himoya darajasi bilan ajralib turadi. Smartfonning 4/64 GB xotirali versiyasi $170, 4/128 GB konfiguratsiyasi esa $180 etib baholangan.

120 Gts ekran o‘rnatildi

Tecno Spark Go 3 Pro 6,78 dyuymli displey bilan jihozlangan. Ekranning yangilanish chastotasi 120 Hzni tashkil etadi.

Biroq ishlab chiqaruvchi hozircha displeyning aniqligi va maksimal yorqinligi haqida ma’lumot bermagan. Shuningdek, smartfonda qaysi protsessor qo‘llanilgani ham oshkor...

Mustaqillik bayrami munosabati bilan 29-avgustdan 1-sentabrgacha O‘zbekistondagi tibbiyot muassasalari navbatchilik asosida uzluksiz faoliyat yuritadi. «103» tez tibbiy yordam xizmati ham odatdagi tartibda ishlaydi.

Sog‘liqni saqlash vazirligi ma’lumotiga ko‘ra, bayram va dam olish kunlarida tibbiyot muassasalari faoliyatini muvofiqlashtirish uchun vazirlikda alohida shtab tashkil etilgan.

Shifoxonalar navbatchilik asosida ishlaydi

29-avgust – 1-sentabr kunlari tuman, shahar, viloyat va respublika miqyosidagi barcha shifoxonalar, ixtisoslashtirilgan tibbiyot markazlari hamda tibbiyot oliy ta’lim muassasalari klinikalari faoliyatini davom ettiradi.

Shuningdek, hududlardagi 39 ta tumanlararo qo‘shma shikastlanish va o‘tkir qon-tomir kasalliklari markazlarida ham tibbiyot xodimlari navbatchilik asosida xizmat ko‘rsatadi.

Shoshilinch tibbiy yordam 24 soat ishlaydi

Respublika...

O‘zbekiston oliy ta’lim muassasalarida dunyoning 50 dan ortiq davlatlaridan kelgan 24,6 ming nafar xorijiy talaba tahsil olmoqda. Ularning qariyb uchdan ikki qismi tibbiyot yo‘nalishini tanlagan. Bu haqda Ta’lim sifatini ta’minlash agentligi xabar berdi.

Hindistonlik talabalar yetakchilik qilmoqda

Xorijiy talabalar orasida son jihatidan Hindiston fuqarolari katta ustunlikka ega – 13 ming nafar. Keyingi o‘rinlarni Turkmaniston (4 884 nafar), Pokiston (1 165 nafar) va Qozog‘iston (1 129 nafar) fuqarolari egallagan.

Tibbiyot eng talabgir yo‘nalish

Xorijiy talabalar uchun O‘zbekistondagi eng ommabop soha tibbiyot bo‘lib qolmoqda. Mazkur yo‘nalishda 16,5 ming nafar xorijlik tahsil olyapti. Bu barcha xorijiy talabalar sonining qariyb...

Xiaomi Poco X8 Power 5G smartfonini ilk bor rasman namoyish qildi va uning taqdimot sanasini e’lon qildi. Poco India nashriga ko‘ra, qurilma 4-sentabr kuni Hindistonda taqdim etiladi va 10 000 mA/soat sig‘imli katta batareya bilan jihozlanadi.

Xiaomi ma’lumotiga ko‘ra, Poco X8 Power 5G bir marta quvvatlanganda 3,5 kungacha ishlashi mumkin. Kompaniya batareyaning xizmat muddati olti yil bo‘lishini ham ta’kidlamoqda.

Ekrani 3500 nitgacha yorqin bo‘lishi kutilmoqda

Dastlabki ma’lumotlarga ko‘ra, Poco X8 Power 5G 6,83 dyuymli AMOLED displey bilan jihozlanadi. Ekranning maksimal yorqinligi 3500 nitgacha yetishi, himoya uchun esa Gorilla Glass Victus 2 oynasidan foydalanilishi kutilmoqda.

Qurilma korpusi IP69K himoya...