Yangiliklar

2023-yilda Oʻzbekiston Qozogʻistondan tovar importini 11,1 million tonnaga oshirdi, bu 2022-yilga nisbatan 35,8 foizga koʻpdir. Ammo pul koʻrinishida yetkazib berish hajmi 13,8 foizga kamayib, $3,1 milliardni tashkil etdi. 2023-yilda ikki davlat oʻrtasidagi umumiy tovar ayirboshlash hajmi $4,4 milliardni tashkil etdi, bu 2022-yilga nisbatan 10 foizga kam.

Asosiy eksport mahsuloti bugʻdoy boʻlib, yetkazib berish hajmi 3,5 million tonnani tashkil etdi. Don importi hajmi 18,5 foizga oshgan boʻlsa, ushbu mahsulot tannarxi 3,2 foizga arzonlashdi, bu esa pul koʻrinishida $797,3 milliongacha kamayishiga olib keldi. Mahsulot tannarxining pasayishi hosilning pastligi va koʻp sonli sifati past mahsulotlar bilan izohlanadi.

Bundan tashqari, yarim tayyor mahsulotlar...

5-mart kuni O‘zbekiston Respublika valyuta birjasida dollarning o‘rtacha kursi 1,38 so‘mga o‘sdi va 12 526,39 so‘mni tashkil qildi.

Mamlakatning tijorat banklari AQSh valyutasini 12 460 – 12 475 so‘mdan xarid qilishmoqda va 12 525 – 12 590 so‘mdan sotishmoqda.

Eslatib o‘tamiz, 4-mart kuni O‘zbekiston Respublika valyuta birjasida dollarning o‘rtacha kursi 10,56 so‘mga o‘sgan edi.

Andijon viloyatining Asaka tumanida Oʻzbekiston Davlat xavfsizlik xizmati xodimlari tomonidan korrupsiya va mansab vakolatini suiisteʼmol qilishda ayblangan mansabdor shaxslar qoʻlga olindi, deb xabar qildi boshqarmaning matbuot bo‘limi.

Xususan, Asaka tumani IIB tergov bo‘limi xodimi qamoq jazosiga hukm qilingan qurilish tashkiloti rahbariga jazosini yengillashtirishga va’da bergan va 15 ming dollar pora olayotgan vaqtida qo‘lga olindi.

Davlat xavfsizlik xizmati Asaka tumani hokimligi qishloq xo‘jaligi bo‘limi boshlig‘ini ham qo‘lga oldi. U sherigi, mahalliy kadastr idorasi rahbari bilan birgalikda 50 gektar yerni noqonuniy ravishda sotishga uringan. Aybdorlarga nisbatan jinoyat ishi qo‘zg‘atilgan.

Avvalroq Kursiv Andijonning sobiq hokimi Baxrom Haydarov hibsda vafot...

O‘zbekiston Freedom House Xalqaro huquqni muhofaza qilish tashkilotining 2024-yil uchun erkinlik reytingida yana 100 balldan 12 ball to‘pladi va shu bilan erkinlik past darajadagi davlat maqomini saqlab qoldi.

Markaziy Osiyo davlatlari orasida eng yaxshi ko‘rsatkich Qirg‘izistonda – 27 ball, Qozog‘iston – 23 ball. Uchlikni O‘zbekiston yakunladi.

100 ball to‘plagan Finlyandiya, shuningdek, 99 balldan Yangi Zelandiya va Shvetsiya eng erkin davlatlar deb topildi.

Eng yomon ko‘rsatkichlar Tibetda – nol ball, Suriya va Janubiy Sudanda – bir balldan.

Ta’kidlash joizki, o‘tgan yilgi demokratiya reytingida mamlakatimiz o‘z o‘rnini biroz yaxshilab, 149-o‘rindan 148-o‘ringa ko‘tarilgan edi. The Economist Intelligence Unit ekspertlarining fikricha, mamlakatimiz avtoritar...

Oʻzbekiston respublikasi Iqtisodiyot va moliya vazirligi hamda Xalqaro islom savdo-moliya korporatsiyasi (ITFC) oʻrtasidagi qiymati $100 million boʻlgan hamkorlik bitim imzolandi. Bu haqda vazirlik matbuot xizmati xabar bermoqda.

Unga koʻra, mazkur bitim (Murabaha) vazirlik huzuridagi Qishloq xoʻjaligini davlat tomonidan qoʻllab-quvvatlash jamgʻarmasi orqali respublikada oziq-ovqat xavfsizligini mustahkamlashga qaratiladi.

Mablagʻlar 24 oygacha boʻlgan muddatga ikki transhda ajratiladi va mamlakat aholisining ehtiyojlarini qondirish, mamlakatda agrar sektorning barqarorligini taʼminlashga yoʻnaltiriladi.

Maʼlumot uchun, ITFC Islom taraqqiyot bankining asosiy instituti boʻlib, uning vazifasi Islom hamkorlik tashkilotiga aʼzo davlatlar oʻrtasida iqtisodiy oʻsish va savdoni rivojlantirishni ragʻbatlantirishdan iborat.

Avvalroq ITFC O‘zbekiston banklariga $25 million ajratishi haqida xabar bergan...

Yevropa tiklanish va taraqqiyot banki (YeTTB) Oʻzbekistonda «yashil» va inklyuziv kreditlashni rivojlantirish uchun $20 milliongacha mablagʻ ajratadi, deb xabar qildi moliya tashkiloti matbuot xizmati.

Moliyalashtirish «Ipoteka-bank» orqali amalga oshiriladi. Birinchi bosqichda YeTTB O‘zR Yashil iqtisodiyotni moliyalashtirish fondi (GEFF) orqali $10 million ajratadi. Bu O‘zbekiston fuqarolariga, shuningdek, kichik va o‘rta kompaniyalarga «yashil» texnologiyalardan foydalanish imkoniyatlarini yaxshilash imkonini beradi.

Qolgan $10 million esa respublikadagi tadbirkorlarga yordam berish va ayollar biznesini rivojlantirishga qaratilgan «Markaziy Osiyo ishbilarmon ayollari» (WiB) tashabbusiga yoʻnaltiriladi.

Eslatib oʻtamiz, oʻtgan yilning dekabr oyida YeTTB STEAM universiteti bilan birgalikda Oʻzbekistondagi tadbirkor ayollar uchun Moving Up biznesini tezlashtirish dasturini yakunlagan...

Humo Air aviatashuvchisi 11-martdan 30-martgacha yoʻlovchilar tomonidan band qilingan aviachiptalar uchun pullarni qaytarish boʻyicha ish boshladi, deb xabar qildi kompaniya matbuot xizmati «Kursiv»ga.

 «Bu vaqt talab qiladi va endi bizning barcha resurslarimiz yo‘lovchilarga imkon qadar tezroq bekor qilingan reyslar uchun to‘lovni to‘liq qaytarib berishga qaratilgan. Biz to‘lov tizimlarining texnik yechimlari va vaqtiga bog‘liqmiz, shuning uchun pullar shu haftada kartalarga yuboriladi», — dedi kompaniya.

Shuningdek, yo‘lovchilar chiptalarni boshqa sanaga qo‘shimcha to‘lovsiz qayta rasmiylashtirishlari mumkin, chunki Humo Air aprel oyidan reyslarni tiklaydi.

«Bizning birinchi yildagi strategiyamiz ommabop yo‘nalishlarda arzon narxlar orqali O‘zbekiston aholisining harakatchanligini oshirishdan iborat», — ta’kidladi kompaniya.

Bugungi kunda Humo...

BRICS (Braziliya, Rossiya, Hindiston, Xitoy, JAR – BRHXJ) davlatlararo assotsiatsiyasida mustaqil to‘lov tizimi paydo bo‘lishi mumkin. Blokga aʼzo davlatlar yagona platforma yaratish imkoniyatini koʻrib chiqmoqda, dedi Rossiya prezidenti yordamchisi Yuriy Ushakov.

«Biz kelajak uchun muhim maqsad BRICS doirasida raqamli valyutalar va blokcheyn kabi eng zamonaviy texnologiyalarga asoslangan mustaqil hisob-kitob to‘lov tizimini yaratish, deb hisoblaymiz», dedi Ushakov TASS agentligiga bergan intervyusida.

Uning qo‘shimcha qilishicha, kelajakdagi tizim «davlatlar, aholi va biznes» uchun qulay bo‘lishi kerak. Biroq, bu katta xarajatlarni talab qilmasligi kerak.

BRICS – Braziliya, Rossiya, Hindiston, Xitoy, Janubiy Afrika, Birlashgan Arab Amirliklari, Eron, Misr, Saudiya Arabistoni va Efiopiyani o‘z...

2024-yil yanvar oyida Oʻzbekiston korxonalari tomonidan 200 dan ortiq yuk avtomobillari ishlab chiqarildi, deb xabar berdi statistika agentligi.

agentlik maʼlumotlariga koʻra, 2024-yilning dastlabki 30 kunida Oʻzbekistonda 215 ta yuk avtomobili ishlab chiqarilgan. Bu oʻtgan yilga nisbatan 1,6 baravar koʻpdir.

Avvalroq «Kursiv» 2023-yil iyun oyida Oʻzbekistonda yuk mashinalari ishlab chiqarish deyarli 40 foizga qisqargani haqida xabar bergan edi.

Oʻzbekistonda Toshkent viloyatining Boʻstonliq tumanida zilzila sodir boʻldi, deb xabar qildi FVV Seysmoprognostik monitoring Respublika markazi.

Magnitudasi 3,6 ni tashkil etdi. Zilzila sodir boʻlgan joydan Toshkentgacha boʻlgan masofa shimoli-sharqiy yoʻnalishda 96 km. Yerosti silkinishlarining kuchi Bo‘stonliq hududida 2 ballni tashkil etdi.

Avvalroq «Kursiv» Olmaotadagi zilzila haqida yozgan edi.

O‘n yillik qamoq jazosini o‘tayotgan Andijon viloyatining sobiq hokimi Bahrom Haydarov 5- mart kuni soat 00:15 da vafot etdi, deb xabar berdi «Kursiv» nashriga Bosh prokuratura matbuot xizmati.

Departament maʼlumotlariga koʻra, mahkum oʻzi davolanayotgan Oʻzbekiston IIV Jazolarni ijro etish boshqarmasining Toshkent shahridagi mahbuslar shifoxonasida vafot etgan. O’lim sababi koronar yurak kasalligi va ushbu kasallik tufayli hayotdan ko‘z yumgan.

Mazkur holat yuzasidan Toshkent shahar maxsus prokuraturasi tomonidan tergov harakatlari olib borilmoqda”, — deyiladi boshqarma xabarida.

Eslatib o‘tamiz, 2022-yil dekabr oyi oxirida Bahrom Haydarov o‘n yillik qamoq jazosiga hukm qilingan edi. U o‘g‘irlik, qalbakilashtirish va jinoyatdan olingan daromadlarni legallashtirishda ayblangan.

U...

Tesla, SpaceX va X ijtimoiy tarmogʻi (sobiq Twitter) rahbari Ilon Mask oʻz kompaniyalaridan birining aksiyalari tushib ketganidan soʻng dunyoning eng boy odami nomidan mahrum boʻldi. Bu haqda Bloomberg nashri xabar bermoqda.

Rahbariyatning oʻzgarishi Tesla aksiyalari narxining pasayishiga olib keldi: 4-mart kuni kompaniya aksiyalari 7,2 foizga arzonlashib, Maskning boyligi $197,7 milliardga qisqartirdi va yetakchilikni Amazon kompaniyasi asoschisi Jeff Bezosga boy berdi. Bezosning umumiy boyligi $200,3 milliardni tashkil qiladi.

Mask toʻqqiz oy davomida dunyoning eng boy odami nomini o‘ziniki qilib turdi. Bezos bu oʻrinni oxirgi marta 2021-yilda egallagan edi.

Tesla aksiyalari kompaniyaning Shanxaydagi zavodi elektromobillarni yetkazib berishni bir yildan ortiq vaqt...

4-mart, dushanba kuni O‘zbekistondagi yoqilg‘i quyish shoxobchalariga 5,2 million kubometr yetkazib berildi. Bu 3-martdagi ko‘rsatgichlargan ikki baravar ko‘pdir, deb xabar qildi Energetika vazirligi.

Shu bilan birga, mamlakatimizda faoliyat ko‘rsatayotgan yoqilg‘i quyish shoxobchalari soni 280 tadan 648 taga ko‘paydi.

Boshqarmaning qayd etishicha, O‘zbekiston aholisi ham gaz quyish shoxobchalari orqali 1 million tonna suyultirilgan gaz olgan.

Avvalroq Kursiv Toshkent viloyatidagi yoqilg‘i quyish shoxobchasida haydovchilar ommaviy mushtlashuv uyushtirgani haqida yozgan edi.

Tashkent City Mall 5-mart kuni soat 16:00 dan boshlab texnik sabablarga ko‘ra yopiladi. Bu haqda savdo markazining Instagram’dagi sahifasida xabar e’lon qilindi.

«Tez orada biz sizni qayta ishga tushish vaqti haqida xabardor qilamiz», – deyiladi xabarda.

Eslatib o‘tamiz, Tashkent City Mall 29-fevraldan test rejimida ish boshlagan edi. Oysho, Pull&Bear, Bershka, Stradivarius brendlarining do’konlari xaridorlarga taqdim etildi.

Avvalroq «Kursiv» 1-mart kuni Tashkent City Mall’da Zara brendi do‘koni ochilgani haqida yozgan edi.

Yaponiyada malakasiz mehnat muhojirlarini tayyorlashning yangi tizimi yaratilishi rejalashtirilgan. Mamlakat rasmiylari ishchi kuchi tanqisligiga qarshi shunday kurashmoqchi, deb yozadi The Japan Times.

Migrantlar uch yil ichida zarur mehnat ko‘nikmalarini egallashlari kutilmoqda. Shundan so’ng ular Yaponiyada yashash uchun ruxsatnoma olish uchun ariza topshirishadi.

Dastur Yaponiya Bosh vaziri Fumio Kisida ishtirok etgan vazirlar yig‘ilishida ma’qullandi. U mamlakatni xorijlik ishchi kuchi uchun jozibador joy sifatida joylashtirish zarurligini bildirdi. Hukumat tegishli qonun loyihasini tayyorlamoqchi.

Yangi dastur qabul qilinsa, 1993-yildan boshlab rivojlanayotgan mamlakatlardan kelgan kadrlarni tayyorlash maqsadida yo‘lga qo‘yilgan xorijlik mutaxassislar uchun texnik amaliyot o‘tash tizimi o‘rnini bosadi. Bu dastur juda ko‘p marta tanqid...

4-mart, dushanba kuni O‘zbekiston aholisi 147,1 million kub metr gaz sarfladi, bu rejalashtirilgan iste’mol hajmidan 11 foizga ko’pdir, deb xabar berdi Respublika Energetika vazirligi matbuot kotibi Xasan Toshxo’jaev.

Bundan tashqari, mamlakatda elektr energiyasiga talab ham yuqoriligicha qolmoqda. Shu sababli, 4 mart kuni respublikada energiya iste’moliga 800 MVtgacha cheklov joriy etildi. nergetika vazirligining qayd etishicha, ushbu choralar 5 mart kuni qo‘llanilishi mumkin.

Eslatib o‘tamiz, O‘zbekistonda ishlayotgan metan gaz quyish shoxobchalari soni kamaygani haqida yozgan edi.

Yevropa tiklanish va taraqqiyot banki (YeTTB) Oʻzbekistonning Eurasia Bottlers korxonasiga kredit ajratishni maʼlum qildi. Moliyaviy muassasa maʼlumotlariga koʻra, mablagʻ ishlab chiqarish quvvatlarini mustahkamlashga yoʻnaltiriladi.

Ishlab chiqarishni modernizatsiya qilish loyihasi 32,4 million yevroga baholangan boʻlib, YeTTB 15 million yevro ajratadi. Qolgan 17,4 million yevro esa «Eurasia Bottlers» investitsiyalari boʻladi.

Shuningdek, YeTTB kompaniyaga mahsulot sifatini nazorat qilishning global standartlarini joriy etishda yordam beradi.

Maʼlumot uchun, Eurasia Bottlers 2020-yilda tashkil etilgan boʻlib, kompaniya salqin ichimliklar va mineral suvlar, jumladan, Flash Up energetik ichimligini ishlab chiqaradi.

Korxonalar va tashkilotlarning yagona davlat registri maʼlumotlariga koʻra, Eurasia Bottlers ustav kapitalidagi ulushning 55,67 foizi Dmitriy Turapovga...

Oʻzbekiston Markaziy banki 5-mart kuni dollar kursini 12 525 soʻm, yevroni esa 13 588 soʻm etib belgiladi. «Kursiv» qaysi banklarda xorijiy valyutalarni sotib olish va sotish qulayligini oʻrganib chiqdi.

Dollar

5-mart holatiga koʻra, Amerika valyutasini xarid qilish eng qulay kurs Uzum bankda — 12 480 soʻm, Oʻzmilliybank, Oʻzsanoatqurilishbankda esa 12 470 soʻmni tashkil etadi.

Shuningdek, Asakabank, Poytaxbank, Aloqabank ayirboshlash shoxobchalarida dollar 12 515 soʻmdan sotilmoqda.

Yevro

Yevroni xarid qilish qulay kurs Uzum bankda va Oʻzmilliybankda – 13 430 soʻm, Oʻzsanoatqurilishbankda – 13 250 soʻm.

Shuningdek, Ipoteka bank ayirboshlash shoxobchalarida yevro kursi — 13540 soʻm, Asia Alliance Bank — 13 580 so‘m, Infinbank...

Moskvada Markaziy Osiyodan kelgan mehnat muhojirining o‘rtacha maoshi 54,5 ming rublni tashkil qiladi. (taxminan $597 yoki 7,5 mln. soʻm), dedi Rossiya poytaxtidagi Inson huquqlari boʻyicha vakil Tatyana Potyayeva. Unga taqdim etilgan ma’lumotlar «Kommersant» nashri tomonidan keltirildi.

2023-yilning kuzida Ombudsman idorasi O‘zbekiston, Tojikiston va Qirg‘izistondan 18 yoshdan 60 yoshgacha bo‘lgan 900 nafar muhojir orasida so‘rov o‘tkazdi.

Ma’lum bo‘lishicha, Moskva qurilish maydonlarida ishlash O‘zbekiston fuqarolari orasida eng maʼqul. Tojikistonlik mehmonlar sartaroshxona, kimyoviy tozalash va boshqa xizmat ko‘rsatish korxonalarida ishlashni afzal ko‘rishadi.

Respondentlarning yarmidan ko‘pi mehnat shartnomasisiz ishlaydi va ish haqini naqd pulda, maoshni chetlab o‘tadi. Muhojirlarning 44 foiziga yaqini uyni birga...

Toshkent shahridagi 300 dan ortiq maktab Open Data Tashkent portali reytingiga kiritildi. Reyting taʼlim muassasalaridagi oʻqituvchilar va oʻquvchilar asosida tuzildi.

Roʻyxat Toshkent shahri hokimligi huzuridagi Raqamli rivojlanish departamenti tomonidan taqdim qilindi.

Birinchi oʻrinni shaharning Mirobod tumanida joylashgan 158-maktab qoʻlga kiritdi. Keyingi oʻrinlarda Olmazor tumanidagi 15-maktab va Yunusobod tumanidagi 354-taʼlim muassasalari joylashgan.

Maktablarning toʻliq reytingi bilan portalda tanishish mumkin.

Avvalroq «Kursiv» Toshkent viloyati hokimi telefondan voz kechgan maktablarni 300 million soʻm bilan ragʻbatlantirishi haqida maʼlum qilgan edi.

2024-yilda O‘zbekistonda Navro‘z bayrami  «Olam nurga to‘lsin sen bilan, Navro‘z!» shiori ostida o‘tkaziladi. Respublikamizning barcha shahar, qishloq va ovullarida bo‘lgani kabi Toshkent shahrida ham ommaviy bayram tadbirlari tashkil etilayotgani prezident Shavkat Mirziyoyevning farmonidan kelib chiqadi. Hujjat «Yangi O‘zbekiston» nashri saytida e’lon qilindi.

Bayram arafasida mamlakatimizda umumxalq hashari, shuningdek, «Yashil Makon» ekologik loyihasi doirasidagi tadbirlar o‘tkaziladi. Shaharlarning asosiy ko‘chalari, maydon va bog‘lar milliy uslubda bezatiladi.

Navro‘z bayramida hududlarda an’anaviy xalq o‘yinlari o‘tkaziladi. Aholi punktlarida hunarmandlar ko‘rgazmalari, qishloq xo‘jaligi va kitob yarmarkalari, folklor jamoalarining konsertlari, oilaviy ansambllar, shoirlar, sirk artistlarining chiqishlari tashkil etiladi. Bahorgi taomlarni tatib ko‘rish uchun ochiq pavilyonlar tashkil...

Oʻzbekistonda musulmonlari idorasi 2024-yil uchun Ramazon oyi qachondan boshlanishini maʼlum qildi.

«Turkiy davlatlar ulamolari fiqhiy qoidalarga tayangan holda falakiy hisob-kitob va astronomik kuzatuvlarni eʼtiborga olib, hijriy 1445-yil Ramazon oyining birinchi kuni milodiy 2024-yil 11-mart, dushanba kuniga toʻgʻri kelishi haqida yakdil fikrga keldi», — deyiladi xabarda.

Unda taʼkidlanishicha, oʻtgan hafta turkiy davlatlar fatvo kengashlarining ushbu masala boʻyicha yigʻilishi boʻlib oʻtgan. Unda Qozogʻiston, Qirgʻiziston, Turkiya, Ozarbayjon va Oʻzbekistondan vakillar ishtirok etdi.

Avvalroq «Kursiv» 2023-yilda Ramazon hayiti munosabati bilan Oʻzbekiston aholisi uch kun dam olishi haqida xabar bergan edi.

Xitoy hukumati 2024-yilda mamlakat iqtisodiy o‘sishini 5 foizga ta’minlash niyatida, deya xabar bermoqda «Sinxua» agentligi hukumat hisobotiga tayanib. Hujjat ko‘rib chiqish uchun Xalq vakillari majlisi sessiyasiga kiritildi.

Hisobotda qayd etilishicha, o‘tgan yili hokimiyat asosiy maqsad va vazifalarni bajargan bo‘lsa, bu yil ham davlat iqtisodiyotini rivojlantirishda davom etadi.

Shahar va aholi punktlarida 12 milliondan ortiq ish o‘rni yaratish rejalashtirilgan. Bundan tashqari, 2024-yilda davlat sarmoyasi hajmi 700 milliard yuanni (97,2 milliard dollar) tashkil etadi.

Avvalroq «Kursiv» Xitoy iqtisodiyotning xususiy sektorini rag‘batlantirish uchun qonun ishlab chiqishini yozgan edi.

Bugun, 5-mart kuni havo bulutli bo‘lishi mumkin, respublikada quruq havo kuzatiladi. Ba’zi joylarda tuman tushishi ehtimoli bor. Havo harorati 8-13 iliq bo‘ladi, deb xabar berdi O‘zgidromet.

Toshkent shahrida havo bulutli bo‘ladi, biroq yog‘ingarchilik kutilmaydi. Ertalab va kechasi tuman tushadi. Harorat kunduzi 7-12° iliq, kechasi esa 0-2° sovuq bo‘ladi.

Respublikaning tog‘li hududlarida havo bulutli bo‘ladi. Qor ko‘chishi xavfi bor. Havo kunduzi 0-5 daraja iliq bo‘ladi, kechasi 5-10 sovuq bo‘ladi.